‎💣💣التغاضي💣💣

[معلومات العضو محمد بن منيخر خصيب]

بسم الله الرحمن الرحيم
السلام عليكم ورحمة الله
مشاركة اولى ارجو ان ترقى الى اذواقكم

* * * * * * * * * *

‎ 💣💣التغاضي💣💣

* * * * *مانحن من الشرار الا الفتيلة *
* * * * ومانشيل من الحمول الا الثقيلة

* * * * * * ولانتحرا مدة الناس وعطاها
* * * * * * * الكريم الله وخلق الله بخيله

ومانضيع بديرتن حنا أهلها
لو تغافلنا السنين بكل حيله

وان فقدنا من رفيقن عادتن له
مافقدنا في الحصان الا صهيلة

يكسب الرجال فعلن * *يندعابه*
يوم ربعه في المواقف تحتمي له

والمتون اللي تراخت للخفايف
ثقّلت حمل وتعسّر في مشيلة


ودك الرجال متنه مايحنه
قبل لايصحا المقيّل من مقيله

وودك ان اللي يتمنن لاتجمل
مانشوفه عقب ماشفنا جميلة

المراجل * *ماتهيا * *بالوراثة
الكلام الصدق صدق وذا دليله

في قبيلة عبس عنترهم *بطلهم
وماظهر من صلب عنترهم مثيله

لو نعامل كل رجالن بفعله
ماحترمنا في الوجيه الا الطويلة

الصقور اتحوم والمخلب يعشي
يوم ماعند الحمام الا هديله

والخلايق ماتشابه في الطبايع
تختلف لو دمّها نفس الفصيلة

واحدن فعله يخلينا نحبه
وواحدن فعله يكرهنا قبيله

انتجمل في الردي لعيون طيّب
وانتسابق لجل طيبه ونعدي له

حشمتن له مانتهاون في لزومه
والردي جمرة رداته *في شليله

تجربتنا * *علمتنا * مانتمادى
والتغاضي عن خطا الجاهل فضيلة

وان دهمنا الوقت محزمنا يجمل
واللزز تظهر به القب الاصيلة
*
والبشر من كثر ماتكذب تفنن
وحنا صدقنا الدواير مستطيلة

والقرايب وش نقول *ووش نخلي
ان سكتنا غبن..وان قلنا فشيلة

مير خلو الشاة يسترها ذنبها
يوم *تغيير الطبايع مستحيله

انا شفت النار في العيدان تفرق
في الشبوب وفي الدخون وفي المليلة

وآنا فارق في طبوعي كلبوها
مثل فرق الزير عن زوج الجليله

يرغي المبغض ويبرك في مكانه
اللزوم اللي يجمل نرتكي له

التميمي ان طال طوله للتميمي
يوم بعض الناس عيّت تستوي له

ماستر وجه الكريم الا فعوله
والردي مايستره ثوب وفنيله
*