العودة   ::: مـنتدى قبيلـة الـدواسـر الـرسمي ::: > :::. أقسام ( دغــش الــبـطــي) الأدبـيـة .::: > :: قسم إبداعات شعراء المنتدى ومساجلاتهم ::

إضافة رد
انشر الموضوع
 
أدوات الموضوع انواع عرض الموضوع
قديم 01-03-2011, 06:06 PM   #1
 
إحصائية العضو







مسفر جمعان الصفا غير متصل

مسفر جمعان الصفا is on a distinguished road


:e-e-5-: رسالةٍ تحمل هموم الامه بمرسولها

الحمد للّه يوم قادتنا المناصيب الثقات = ال السعود اللي على الامه تظل ظْلولها
اهل العداله والاصاله والفعول الماضيات= عدودنا اللي بالمكارم ما تجف نهولها
اهل الوفا والطيب والطالات واهل المكرمات = عن الجمايل والفضايل ما اختلف مدلولها
بقيادة ابو متعب الفارس زبون الوافيات = زعيمنا اللي وقفته كل البشر فزولها
رجل السلام وقائد الاسلام ستر المحصنات = عادل ويحسب لامة الاسلام ظمن عْدولها
وخلاف هذا للشعر حضور وإله مناسبات = ورسالته تحمل هموم الامه بمرسوله
تجسد الاحداث وتجمّع لها قلوبٍ شتات = لاجت على رغبات شاعرها وحسب اوصولها
وانا معي وجهة نظر واقولها بلا مْجاملات = كلمة شرف واقولها واعيدها اقولها
باسم جميع ابناء الوطن اللي لهم قدر وثبات = اللي سكن بجبالها واللي سكن بسهولها
نبي قرارٍ عاجل وحاسم يحل المشكلات = عاجل وهام ويلزم العقال قبل جهولها
قرارٍ يْبلغ بمظمونه على كل الجهات = ويحقق الغايات في عرض البلاد وطولها
نبي نظام عادل يْلبي جميع الامنيات = يحفظ حقوق الامه ويرفع مقام عْقولها
يعطي المواطن حقه ويحميه من بعض الجهات = اللي تقدم قبل شبان الوطن مكفولها
نبي حلولٍ للبطاله عاجلات وحاسمات = بها نحفظ كرامة الاجيال قبل مْيولها
شباب الامه ضاع في سود الليال الحالكات = عنه الوظائف قفّلت ابوابها بقفولها
ونبي العداله سيفها يقطع يدين الواسطات = اللي خذت حقوق ناسٍ من نتاج حقولها
الواسطات اللي تشب النار بغصون النبات = حتى توقد بالفنود وتلتهم ما حولها
ونبي بعد سن التقاعد به تعاد النظرات = لازم يخفّظ لجل كل الناس تاخذ دولها
خمسين عام اظنها ياهل المعرفه كافيات = تفرض على كل الوظائف دقها وجلولها
ونبي ما يتعدى الوزير بمنصبه خمس سْنوات = ومعه مدير الدائره تجري عليه فْصولها
تغيير او تدوير ما فيها علومٍ مزعلات = تجديد للافكار وتشيل الجمال حْمولها
ونبي حمايه للمواطن من نفوسٍ طامعات = تلعب باسعار السلع بطلوعها ونزولها
ونبي حمايه للمواطن من جميع الجاليات = اللي يعاون بالغدر مكفولها مجهولها
ومن غيرنا واجب علينا نتعظ بالموعظات = قبل نصوب الصيف يغرقنا عباب سيولها
ناسٍ مع الاحداث اشوف عْقولها متخالفات = اللي تعن خيولها واللي تدق طبولها
تحاك لشعوب العرب والمسلمين مخططات= وثرواتها تنهب ويوخذ ماسها مع لولها
ياقادة الامه ترى وضع السنين المقبلات = يحتاج للي يرسم الخطه يعرف حلولها
تداركوها يالعوارف قبل ما يفوت الفوات = ثم تكبر الفتنه وتعجز بالحلول زحولها
الوضع ما يجدي معه تخدير والا مسكنات = والا تصاريحٍ تذوب وينتهي مفعولها
المشكله عمّة ولا معها تفيد مهادنات = وسحابة التغيير قتّم عجها بثعولها
ماعاد ينفع مثل ما قال المثل صبر وسكات = وهذي جماهير الغضب قامت تعن خيولها
ان كان ما حققتوا الغايات جتكم ثايرات = وتوقدت نار الذخاير من سلاح اسطولها
بين اعتصامات تسوق الموت والا مظاهرات = من هولها يتدرق القاتل ورى مقتولها
تدعم جحافلها دول وتقوم معها منظمات = وتصدر تعاميمٍ عن القادات بانتربولها
تحجر على الاموال وتجمّد جميع الارصدات = وتدعم بقوتها مطامع عالمٍ اصغولها
لها مأرب خاصه وغايات ما هي خافيات = وتاطأ على هامات روس القوم تحت نْعولها
تصحي الفتنه وتوقضها بكل الناحيات = وعلى مساحيق الفتن تصب من محلولها
تحرض جهه على جهه وتشب فيها الواريات = والعالم الثالث ضحية مكرها وفعولها
ومن لا انتبه من غفلته دارة عليه الدائرات = واستفزعت عليه قادات الظلال خْبولها
وعلى الرسول المصطفى ازكى سلامي والصلاة = عداد ما هلّت من مْزون النصوب ثْعولها

 

 

 

 

 

 

التوقيع

والدواسر سيف يقص الحديد = عزوة المضهود فاليوم النكيد
باسهم عند اللقا باس شديد = وخيلهم يوم المواجه مرعبات

    

رد مع اقتباس
قديم 01-03-2011, 06:25 PM   #2
 
إحصائية العضو







فهد المقابله غير متصل

فهد المقابله is on a distinguished road


افتراضي رد: رسالةٍ تحمل هموم الامه بمرسولها

صح لسانك واعتلى شانك

 

 

 

 

 

 

التوقيع

[poem=font="Simplified Arabic,6,darkred,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]

سبحان الله وبحمده سبحان الله العظيم

    

رد مع اقتباس
قديم 02-03-2011, 06:50 AM   #3
 
إحصائية العضو







فهد فارس الصخابره غير متصل

فهد فارس الصخابره is on a distinguished road


افتراضي رد: رسالةٍ تحمل هموم الامه بمرسولها

صح لسانك
تحياتي،،،،،

 

 

 

 

 

 

التوقيع

القاف مايصعب على عاسف القاف = وانا عسفته لين جالي عسيفي
واتوجه تيجان في كل مشراف =من ضرب يمنايه بزندي وسيفي

الشاعر: فهد بن فارس بن فالح الصخابرة (المشهور)

    

رد مع اقتباس
قديم 14-03-2011, 12:10 PM   #5
 
إحصائية العضو







مسفر جمعان الصفا غير متصل

مسفر جمعان الصفا is on a distinguished road


افتراضي رد: رسالةٍ تحمل هموم الامه بمرسولها

اقتباس:
المشاركة الأصلية كتبت بواسطة فهد المقابله مشاهدة المشاركة
صح لسانك واعتلى شانك
اخي فهد المقابله


صح بدنك







واشكر لك مرورك الراقي


حفظك الله

 

 

 

 

 

 

التوقيع

والدواسر سيف يقص الحديد = عزوة المضهود فاليوم النكيد
باسهم عند اللقا باس شديد = وخيلهم يوم المواجه مرعبات

    

رد مع اقتباس
قديم 14-03-2011, 07:26 PM   #7
 
إحصائية العضو







محمد مطلق آل بريك غير متصل

محمد مطلق آل بريك is on a distinguished road


افتراضي رد: رسالةٍ تحمل هموم الامه بمرسولها

صح لساااااااانك واعتلى شااانك

على هذه المغلقه

 

 

 

 

 

 

التوقيع

ياهرجاً هرج القفا لاتهرجه=مأنته على بعض الكلام مغصوبي
لسانك حصانك وكلمتك سرجه=أهم حاجه لاتسمى كذوبي
أما نطق بالصدق فالصمت درجه=أقفل عليه الدرج حتى يتوبي
وهرج النميمه لايجي فيك برجه=يرسل ويستقبل حصاده ذنوبي
راقب ولي الكون مولاك وأرجه=وأن كان شايف عيب كلك عيوبي

    

رد مع اقتباس
قديم 16-03-2011, 01:11 AM   #9
 
إحصائية العضو








فارس الدبالين غير متصل

فارس الدبالين is on a distinguished road


افتراضي رد: رسالةٍ تحمل هموم الامه بمرسولها

صح الله لسانك يامسفر

مبدع يالغالي

تحياتي واحترامي.

 

 

 

 

 

 

التوقيع

ياللي تقول انك سلايل هل الطيب=تمدح وتفخر في فعايل جدودك
حقك ..ولكن في فعول المواجيب=خلك على الهقوات واثبت وجودك


[email protected]

اتشرف بمتابعتكم

    

رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

 


الساعة الآن 09:54 PM


Powered by vBulletin® Copyright ©2000 - 2019, Jelsoft Enterprises Ltd.
---