صـــورهـ وقصـــيدة

**معلومات** **العضو** · 30-10-2009, 05:32 AM

السـلام عليـكم ورحمـة الله وبركـاتة ..

موضـوع جـميل راقً لـي

ينـمي المـهارة الادبيـة للاعضـاء

ويـظهر لنا الـجميل مما تـفيض به أقـلامهم او ممـا قرؤا

سوا ً شــــعرا ً كان أو نثــرا
مثلا
تجيب صوره ذيب وأبيـات شعــرية عن الذيب
او
صوره قلم وقصيده عن القلم وهكذا

دمتم سالمينً

أرجوا من الجميع المــشاركه

تـــقبلوا مني أطيب التحايا

**معلومات** **العضو** · 30-10-2009, 05:36 AM

ياسلام الله سلام الله ع عامر بيوت الله ع سلطان سلطان الصخى طير الفلاح
عد من غرد وغناء عد من شيد وبناء عد ما منا ومنا عد كل صوحن وصيح
الامير القائد الوالد سليل ائمه المجد الخوالد له بسطنا كل راحن جنب راح
ذاك ابو خالد سليل ملوك نجد اهل الشرف والمجد من ذره هل العوجاء معطرة الصفيح
في ذرى دار قرار شادها عبد العزيز الحرّ من وكر الحرار مْروّية شهب الرماح
ما حكمها ابن الملوك الا عقب ممشى بشوك وشلّ ابوك وحطّ ابوك وكلْ نطيح له نطيح

**معلومات** **العضو** · 30-10-2009, 12:25 PM

السلام عليكم
مرحبا يابوبدر دائما" مواضيعك جميله
بارك الله فيك و بيض الله وجهك على ما تطرح من مواضيع متميزه

حبيت اشارك معك يا السنافي بصوره وقصيده مع التحيّه

قصيدة للملك فيصل بن عبدالعزيز آل سعود رحمة الله

القليل من الناس فقط يعلم بأن الـمـلـك فـيـصـل بن عبد العزيز رحـمه الله كـان يـنظم الـقـصيد ، و لكنه كان من المقلين في ذلك

و لا يقوله الإ إذا رأى حاجة لذلك وهذه إحدى قصائده رحمه الله

الا يامل قلب كل ماجا الليل جاه خلاج =يلوج ويجتلد بالصدر والعربان ممسيني
أنا متحير مدري عن المدخـال والمخراج =ألا واعمس رايي مالقيت اللي يقديني
الا يامجيب دعوة من تـصافق فوقه الامواج =أنا بحماك ياوالي الخلاي لاتخلينـــــــي
الا ياوجد روحي وجد من خلــوه بالمسهاج =كسير الساق بنحور المعادين المغليني
إلا من دك هوجاسي ولو انــي على ديباج =ولو جالي جميع البيض غيره مايسليني
الا واهني مخلوق يفرج ضيقتـــــــــه لاداج =إلا منه دخل بالسوق غاد له ميادينــــــــي
ترى بعض العرب عمله بروحه مثل عمل سراج =يضوي للعرب والنار في جوف المسيكيني

أتمنى أن تنال إستحسانكم

**معلومات** **العضو** · 30-10-2009, 11:36 PM

الله يعطيــــــــــــــــــ1000ــــــــــــــــــك عــــــــــــــافيه..

مووووووضوع...غاية الابدااااااااااااع...وفكره...رائعه..

**معلومات** **العضو** · 31-10-2009, 12:34 AM

مرحبا مليون ابو مبخوت لهنت على المشاركة
العنود الله يعفيك على المرور وننتظر المشاركات

**معلومات** **العضو** · 31-10-2009, 12:47 AM

يـا ذيـب عاهدنـي وعـاهـدك مرمـيـك=مرميـك انـا يـا ذيـب لـو زان مرمـاك

**معلومات** **العضو** · 31-10-2009, 05:50 PM

"رجــل الامــــــــــن الاول"

من أشعار النائب الثاني ووزير الدآخليه نايف بن عبدالعزيز آل سعود:

نـقضي لــنا وقــت ونــدفن لنا اسـرار

الــصـبـر زيــن وخـــير الايام تافي

عــاداتنا نقــصر طـــويلات الاشبار

وعـــــــدونا نســقيه ســمٍ زعــــــآفي

اليا عطل الواجب من الناس حبار

نـــــارد ولو ان المــــوارد عــــيـــــــافي

نــــاردحياض.. وردهــــا حــامي حار

وبـــايمانـــــنا... مـصـقــــلات رهافي

**معلومات** **العضو** · 31-10-2009, 11:31 PM

حلو حلو صور وابيات معبره

تسلم يدك على طرح الموضوع

**معلومات** **العضو** · 31-10-2009, 11:48 PM

ودي أكتب والقلم عيا يطيع

مدري هي الأشواق ولا أنت السبب

كيف أعبر والحكي مني يضيع

أسعفيني يا قواميس العرب

وش أبكتب فيك يالحر الرفيع

وأنت وصفك من أعاجيب العجب..

**معلومات** **العضو** · 02-11-2009, 12:28 AM

عسافه لاهنتي على المرور

ابو نواف الله يعطيك العافيه على المشاركة الرائعه لاهنت

**معلومات** **العضو** · 02-11-2009, 12:59 AM

الحبر ضايع ليـا صـار الألـم ملقـي
والحظّ قاسي ليا صار التعـب حانـي
مليت من عبرة ٍ حارت وسط حلقـي
ما ودها تنكسـر فِ عْيـون خلانـي
أسحب من الصدر خيط ٍ داخله ملقي
و سنارة الصبر ما صادت سوا أحزاني
يا صبر .. يا كبر جورك ضاق به خلقي
تقول ما كنّـك إلا بعـض عدوانـي