بيض الله وجه حفيظ ابن عجب الشكرة

[معلومات العضو 502 مطلق]

بسم الله الرحمن

والصلاة والسلام على سيد المرسلين

هذي قصيدة للشاعر

حمد بن حسين بن ظافر بن حمد آل حاشان الشكرة

لآد شكر معربين ألمجنى

سلام تسليمه وفاً في مجالها=للابة اللي نفتخر بفعالها
تسليمه تبقى على مر الدهر=وتردها حضارها لجيالها
والله يبيض وجه راع الحفلة=واللي بذل فيها و منهو سعالها(1)
شيخ على شيخ مواريث شيخه=ودروب المعالي عادته يرقا لها
هذا وأنا وقفت بمدح قبيلتي=متخير بين المعاني إجزالها
آلاد شكر معربين المجنى=اللي فعايلها شهود أقوالها
وأميرنا أبن حفيظ هو رمز الفخر=وترفع له البيضاء بروس أطوالها
له وقعه تشهد لها كل العرب=في صفحة التاريخ كلٍ قرالها
عقر ثلاث مكرماتٍ أصايل=خج العداة ومنة زاد إجفالها(2)
وحنا أهل ستٍ يشرف ذكرها=ويشهد على قول الرجال أفعالها(3)
ما كنها إلا رتعٍ وقت الضحى=والنار في الهيجا يزيد اشتعالها
والسيح يشهد وقفت مشهورة=وقفة شرف تشهد بفعل أبطالها(4)
الخمسة اللي ذكرهم فخر لنا=في نحور الأعداء مروين سلالها(5)
وعلى جال طلحا وقفة معروفة=فيها الزنايج تحتدي نزالها(6)
وجدي حمد له موقف يشهد له=ذوده من اللي طامعين ثنالها(7)
من ضربته خفان خلي طايح=زيزوم قوم قادها خيالها
ثلاثة والقوم ستين فارس=في وقعة كل الرجال اشهدا لها
ولا جاء المناوخ ما تزعزعنا العدا=نرسي كما ترسي رواس جبالها
هذا وغير اللي ذكرته واجد=فعايل ما ينحصى لي مجالها
في صفحة التاريخ يبقى ذكرنا=ما يمحى يالين تحمى لياليها
ومن يوم جاء عبد العزيز وحكمة=الظلم زاله والجهالة زالها
واليوم في حكم الملك عبد الله=اللي ثقيلات الحمول أرتكالها
من شجرة آل سعود عز وهيبة=الشجرة اللي نستظل أضلالها
وأختامها صلوا على سيد البشر=إعداد ماينشي حقوق أخيالها

توضيحات القصيدة


1/ المقصود بذلك هو الشيخ/ حفيظ بن عجب عندما أقام حفل معايدة لأبناء قبيلة الشكرة
في الثاني من عيد الفطر لعام 1428هـ



2/ هذه وقعة بين آل مرة و الشكره والمقصود بفعل الأمير سند بن حفيظ وربعة وقد عقر سند أربع من الخيل
ثلاث منهن في رمية واحدة ويشهد على ذلك قصيدة محمد الهريس من آل تركي الشكرة

نافدا اللي ذببو خيلهم مع كل ريع=خيلهم من خيلنا يستزيد اجفالها
أربع من شيخنا طاحن جميع=كل منهم ماتعوض يكون حبالها
وابن محنان لعب فوقة الطير المجيع=خليت منارتة يهجرن دلالها
والمرضف جعل ربي يجينابة سريع=تسحبة سحم الضرايا عشاً لعيالها

3/ الست هي ست الركايب للشكرة بقيادة الامير محمد بن فرج عندما أغاروا على ال روق من قحطان ولحق بهم ثلاثين خيال من قحطان وافتكوا ركايبهم وكان معهم واحد من ال بريك حرنت ذلوله وثنو عندة وأفتكوة وأفتكوا ركايبهم

والشاهد قصيدة الامير محمد بن فرج

عند الضحى بادياً روس المراقيب=يابخت من طاب حظة وأستراحي
يابندقي جارك الله من لسابيب=ياللي تسوقين مشخول الملاحي
لحقوا هل البل ثلاثين تقاطيب=آلاد روق مروين الرماحي
لحقو على حزب ورد مناهيب=يدعون معهم لنا رفض الجناحي
في الهيج الأول ثمان من لصاويب=والضيق غدا لنا طرق سماحي
عقرت صفرا محمست العراقيب=كله لعناك يازين الصباحي
ولا لعنى البريكي في المواجيب=لا قصرت بكرتة ماله مراحي
حنا هل الست يا والله التعاجيب=كن الركايب بنا رتع ضواحي
لاد شكر مروية المغاليب=مانبتع الا بصبيان الفلاحي

[/color][/size][/align][/QUOTE][/QUOTE]

 

 

 

 

[معلومات العضو 502 مطلق]

QUOTE=ابوظافر الشكري;53370]QUOTE=;15282]

4/ وقعة السيح المعروفة
بين الامام عبد الله بن فيصل ال سعود وما معه من القبائل من ال مرة والعجمان
وبين أهل السيح ال عمار وبمساندة بني عمهم الشكرة والامام سعود بن فيصل
وبعد علم الامير فرحان بن حفيظ بوجود العجمان مع أبن سعود
أرسل هذه الابيات لراكان بن حثلين

يالله يالمطلوب ياخير مزهوم=يامخرج نفس الفتى من وحلها
ياراكب اللي يمه الكور مزموم=مثل السفينة علقو في دقلها
يلفي لبن حثلين زبن كل مضيوم=زبن الحدور اللي هفت في نقلها
فما حمى لديار ذباحة الكوم=ولا شهر وأقفى وعندي بدلها
يذكر منافعنا لهم دايم الدوم=بسيوف هندٍ تعجب اللي نقلها

وعندما وصلت هذي الأبيات لأبن حثلين وهو قادم مع جرة ابن سعود
رجع بموجب صلح سابق بينه وبين أبن حفيظ
وبعد الوقعة اكمل أبن حفيظ قصيدتة

اللي مهيضني حنين أم قعصوم=بين القرايا نوخت في سهلها
طويلت النسنوس ماهيب زرموم=يوم الهداد معربين فحلها
نوختها يوم ألتقى البيع والسوم=عند آل عمار يثور نفلها
ونوختها يوم التقى كل شغموم=عند الغروس الداجية هي وأهلها
فا الله على اللي بدل الصلب بالقوم=هو مادرى أنها خجله من خجلها
لاهوب من قل ولا هوب مضيوم=ولاب مثلة يوم دبر فعلها
والله لا لاالدين راعية مرحوم=ما عاد يرجع من بلاد نزلها

5 الخمسة عندما سرحت قطعة لقحات للشكرة لحقتها
جرة أبن سعود وأخذوها ولحق بهم خمسة خيالة من الشكرة
في وقعة السيح السابق ذكرها وافتكو أبلهم وكل منهم ورد هويتة اللي عقر فرس
واللي ذبح رجال والشاهد قول الشاعر الهذية الودعاني

قم يا مقهوي قام ناعيمٍ شناك=سو فنجال باعتجال
في دلال وصفها مثل النجوم=ماثناهن المقهوي بالحثال
خمسة نفلتهم ذاك النهار=يوم ضرب الفشق مثل الشعال
المنافق فالخرز دزة بداح=في الشقيب وقال ذا قبرٍ هيال
ومنهم وقيان بن ريعان=حربتة خجت طوابير الشمال
ومنهم فراج وديع المسمنات=قال جنبو عن در حلوات الوشال
ومنهم حسين الجرو رحمة المولى علية=جعل له في الجنة الخضراء ضلال
الصبي الزايدي وافي الشبور=حربتة ما جرت الا بالحبال

6 المقصود بذلك عندما أخذ الدامر أبل المساعرة من المرعى واهلها مقيضين
في الوادي ونزل بها الدامر على قليب طلحا ليرتوي
الواقعة في وادي طلحا المحاذي بوادي برك من الجنوب
وبعد علم الأمير محمد بن فرج بن حفيظ بذلك
جمع من حولة من جماعتة الشكرة
وقام بالإغارة عليهم مع طلوع الشمس وكسر رجل الدامر وأعفاه من القتل
عندما دخل منيعاُ عند أبن ملحم الحراجين
وقتل جميع ما معه من القوم على طلحا وآخرهم ثلاثين قتلوا في مخضار
الواقع في أسفل برك
ولم يقتل من الشكرة سوا شخص واحد
وتم رد ابل المساعرة إليهم في الوادي

وقال في ذلك الشاعر منيف بن حمدان الشكرة

ناخذ القادي ونمشي مع الدرب السماح=ومن توحل بتردة غروق جبالها
ههية يالصبيان ياللي تدوفون الملاح=حفرت الاول وكبو منه حثالها
ما بعد خبر المداري تلذذ وأستراح=كون منهو للحرايب يشب أشعالها
خلي الدامر عليه العمد والبيت طاح=وشعب طلحا من الزنايج عدت نزالها
في نحانا يشبع الطير خفاق الجناح=وتشبع العرجا ويبقى عشاً لعيالها

7 المقصود هو حمد بن سالم بن حاشان آل بو علي الشكرة
عندما كان في اسفل باضان في علو برك
آغار علية جمع من ال مرة يفوقون الستين على ثلاثة عقدا وهم
خفان وأبن قادان ومبارك بن منية طامعين في أبله ولم يكن معه
سوى أكبر أبنائة وهم محمد الملقب با ابليقس وعبد الله وهم في ذلك الوقت
لم يتجاوز أكبرهم عشرون عاما وفي هذي الوقعة قتل أحد عقدا ال مرة المسمى ((خفان)) وقتل عدد من القوم وعقر مجموعة من الجيش كما اصيب حمد بن سالم
في يده اليمنى وعابت بعد ذلك ولكنه كسر القوم وأفتك أبله وصدهم عما كانوا يريدون وعندما تفرق القوم ورجعوا هاربين لحق بهم بعير من جيش حمد شاردا جفلة الرمي وبعد مدة اتجة محمد الملقب ابليقس الى الامير عبد الله بن مساعد بن جلوي في الحسا وهو امير عليها في ذاك الوقت وتقدم بشكوى
وأحضروا ال مرة وطالبوا بقتلاهم ولكن أبن جلوي الزمهم برد البعير
وقال أنتم معتدين ولا لكم ألا ما واجهتوا

أرجو أن تحوز على القصيدة على رضاكم
وسلامتكم

[/QUOTE][/QUOTE]

 

 

 

 

[معلومات العضو العماني]

صح الله لسان الشاعر حمد بن حسين الشكره

ويستاهل الشيخ حفيظ بن عجب الشكره الفعل الطيب الذي سواه ولانستغربه من اسرة ال حفيظ الكريمه .

والله لايهينك اخوي مطلق على ايراد القصايد

تقبل تحياتي،،

 

 

 

 

[معلومات العضو 502 مطلق]

الله لايهينك يا هايف العماني على ردك الطيب
ومروركم العطر الذى شرفني وأسعدني جداً

 

 

 

 

[معلومات العضو حد السيف]

حياك الله يامطلق والله لا يهينك على الطرح الاكثر من رائع وصح الله السان الشاعر
جعل عمرك طويل
تقبل تحياتي اخوك / ناصر بن عجب ال حفيظ

 

 

 

 

[معلومات العضو ارسل]

سسسسسسسسلام للي متقباء اعلومها

 

 

 

 

[معلومات العضو ناصر بن فهد]

صح لسان ابوحسين وبيض الله وجهعلى القصيده الطيبهُ ويستاهل الطيب والمدح حفيظ بن عجب الشكره
ولاهنت على النقل بارك الله فيك

 

 

 

 

[معلومات العضو عازف شجن]

الشيخ حفيظ بن حفيظ رمز من رموز العلم والادب يستحق التقدير