وسيم واسمه مهند !!!

[معلومات العضو زياد البدراني]

وليدة اللحظة .. ولم يجف حبرها بعد .. أتمنى أن تقبلونها كما هي

واعذروني على القصور

ألا يا أهل العقول اللي تفتّح للعتاب أبواب=أنا في خاطري علم ٍ تراه معكّر مزاجي
يقولون البنات اليوم حبّوا واحد ٍ جذاب=وسيم وإسمه مهنّد دوا للقلب وعلاجي
ترا اللي يقهر العاقل ويقهر من وراه أشناب=بأنه واحد ٍ تركي ممثّل رهن الإنتاجي
وأنا بعلن عن أوصافي بكل الود والترحاب=ومن ترضى وتاخذني وتلبسني بعد تاجي
أنا ماني ترا مثله ولكني بعدني شاب=سعودي مبتعث وأدرس وربعي صوب الأفلاجي
وشعري أسود ولكن أفكر أصبغه لا شاب=وجسمي بس ما شاء الله طبيعي مابه احراجي
وعيني ما هي بزرقا ولا هو لونها عنّاب=بياض ٍ يعكس الطيبه وسواد ٍ يخفي أمواجي
أجي صافي على الفطره ولاني المدّعي الكذاب=سعودي عن بنات الغير قلبي شد مزلاجي
سعوديه وأنا سعودي لجل أكتب عليك كتاب=ولا قد قلت أبي هيفا وسلمى بنت قرطاجي
ترا مالك يا بنت الناس غير سعودي وما عاب=يعيب اللي تغنّج خلف هالشاشات دوّاجي
ولا يهمك يا بنت الناس ذاك التركي النصاب=يسمّونه مهنّد .. وش مهنّد لوما الإخراجي
وأنا لا من ذكرت إنه وسيم وأشقر وجذاب=يجيني الضغط ثم آقول يمه هاتي علاجي

زياد البدراني

 

 

 

 

[معلومات العضو ابو فهد الغييثي]

صح السانك والله يعطيك العافيه على طرحها

 

 

 

 

[معلومات العضو فيصل بن جزاء]

زياااد البدراني صح لسااانك وبيض الله وجهك قصيده كايفه

ودي اقول حاجه الحجز على تركياااا متقفل من قبل الاجازه

كل اهل الخليج هنااااااك يبون التركي الاشقر الجذااااااب


راحت موضة ممثلين الهند سلمان خان وشاروخان والشله

وبدت موضة مهند شاد اوغلو ويحيى امين وعمر ابوشعره

تحيااااااتي

 

 

 

 

[معلومات العضو إبن دوسر]

ههههههههههههههههههههه!!

الله يخلف على بنات الناس بحب هالآدمي !!

عز الله انّه شين.. مير ذا البنات ماينحط لهم دشّ !!

ويا جت مشاكل زوجيّه من هالمهنّد التركي !!

ما أقول ألاّ صح لسانك يازياد البدراني !!


عز الله جبت القصيده في وقتها


يعطيك العافيه ولا هنت ..

 

 

 

 

[معلومات العضو زياد البدراني]

ابو فهد الغييثي

صح بدنك يالغالي

وتشرفت بمرورك وحظورك واطلالتك

شاكر لك تواصلك

ويعطيك العافية

تحياتي

 

 

 

 

[معلومات العضو زياد البدراني]

فيصل بن جزاء

صح بدنك يالغالي

وشاكر لك تواجدك وحظورك النقي

تشرفت بتعقيبك وتشرف حرفي بمرورك الراقي

ويعطيك العافية

تحياتي

 

 

 

 

[معلومات العضو شافي القويسي المخاريم]

صح لسانك يا زياد



لا تحرمنا من جديدك



تحيااااااااااتي