قصيدة للشاعر خلف بن محمد بن شداد آل بريك في المصارير

[معلومات العضو انسان2008]

قصيدة للشاعر/ خلف بن محمد بن شداد آل بريك الدوسري ومناسبتها موقف مشرف وليس مستغرب من بني عمنا المصارير عندما تسبب أحد ابناء قبيلة آل بريك بوفاة رجل منهم في حادث سير وذهبوا في نفس اليوم بدون علمهم وتنازلوا عن الشاب بل وأصروا على أن يخرج الشاب الذي تسبب في الحادث في نفس اليوم وهذا الفعل كما أسلفت ليس مستغرب من هذه القبيلة الكريمة ولكن يضاف إلى رصيدهم من الأفعال الطيبة بدون قصور في جميع القبايل وقد فاضت قريحة الشاعر بهذه الأبيات:

ودي أسير صوب لاد الحبيبـــي=ناوي ولكن ما حصلي فراغـــــــي
قصدي سلامي وصله يا نديبـي=على آل شايع ردده بالبلاغـــــــــي
كسابةٍ للمدح شبٍ وشيــــــــبـي=وافين مال المدح عنهم مراغـــــي
لا جيتهم تنسى همومك تغيبـــي=مجالسٍ الكيف فيها يصاغــــــــــي
ومنهم منافس حجرفٍ الذويبــي =شايع على ما قيل فايح دماغـــــــي
أبشر بقول ارحب وصدرٍ رحيبي =وان قلت عجلٍ قال بالله لاغـــــــــي
عندي قراك مفطحٍ له عصيبـــي =وبر عليه معرب السمن ناغـــــــــي
وجابر مثل جمل الحمول الهديبي=لامن ارتكى للحمل ما هوب راغــي
للمرجله يتعب برايٍ يصيبـــــــي =حب التقدم صابغٍ به اصباغــــــــــي
ساسه كرم ما هوب عنه غريبي =طبع لهلهم ما حدٍ عنه زاغـــــــــــي
وإن كان نار الحرب شبت لهيبي =يدعابهم سهم على كل طــاغـــــــــي
لا عصبوا بسلاحهم اتعصيبـــــي =يصحّون راس اللي من الكبر صاغي
ورث لهم من ماجدٍ الحبيبــــــــي =ربعٍ على النخوة تحذف الشماغـــــي
تمت بذكر اللي علينا رقيبــــــــي=وصلوا على اللي ماعن الحق زاغـي

[/LEFT][/CENTER][/RIGHT]

 

 

 

 

[معلومات العضو يحيى الودعاني]

لاهنت وبيض الله وجهك


يستاهلون لاد الحبيبي


الله يرحم ميتهم و جميع اموات المسلمين

 

 

 

 

[معلومات العضو ابو فهد الغييثي]

الله يعطيك العافيه على الطرح
ويستاهلون لاد الحبيبي
والله يرحم ميتهم وأموات المسلمين

 

 

 

 

[معلومات العضو شافي القويسي المخاريم]

موقف مشرف من لاد الحبيبي وليس غريباً



لاهنت على ايراد القصيده وصح لسان الشاعر


تحياتي لك

 

 

 

 

[معلومات العضو نايف الخييلي]

يستاهلون المصارير المدح والثناء , ويمدحون على افعالهم المشرفه

صح لسان خلف البريكي , ومشكور ياخوي أنسان على إيرادك للقصيده

خالص التحايا

 

 

 

 

[معلومات العضو انسان2008]

الأستاذ يحيى الودعاني والأستاذ ابو فهد الغييثي والأستاذ شافي المخاريم والأستاذ نايف الخييلي
اشكركم على مروركم وتعليقكم على الموضوع وكل من مر عليه

 

 

 

 

[معلومات العضو جابر الشكري]

صح الله لسان الشاعر خلف والله يجزاهم خير لان هذا سووه لله والله يكتب اجرهم ويبض وجيهم عند ثم ربعهم ولهوب يستغرب على صبيان المصارير وعلمهم غانم

 

 

 

 

[معلومات العضو راشد المسعري]

كفو بلاد الحبيبي بيض الله وجيههم ولاهوب غريب عليهم العلم الغانم وهم اهله من وقت الجهل ، وبيض الله وجه الشاعر البريكي على ماقاله فيهم من كلام طيب يستحقونه ، وهذا نوع من رد الجميل ويشكر عليه لاهنت على الموضوع المتميز وتقبل ودي وتقديري ،،،،

 

 

 

 

[معلومات العضو انسان2008]

الأخ / جابر الشكري والأخ /راشد المسعري اشكركم على المرور وتعليقكم وشعوركم الطيب ودمتم بألف خير

 

 

 

 

[معلومات العضو ابوهديل]

ولاعليكم زوووووووووووووود وافين كلكم وهذا ماهو غريب على كل دوسري

اقوله بالنيابة عن الناشر وعن ربعي المصارير

 

 

 

 

[معلومات العضو انسان2008]

كفو يابو هديل