تعرضوا لحادث فماتت أمه وقال قصيدة أبكت من لايبكي

[معلومات العضو ابو مطلق]

شاب متهور يقود سيارته وترافقه أمه وتعرضوا لحادث فماتت أمه وبقي هو علي قيد الحياه ،، وقال قصيدة أبكت من لايبكي أترككم مع كلماتها ....

وكتب القصيده هذه ويقول :

يواسيني وانا الميت وحالي يجبر الدمعات=تسيل من الذي فيني ويبكي وهو يواسيني
وانا ابكي واتنهد وارسم بالحزن لوحات=يجبروني عشان امشي ورجلي ما تمشيني
قتلت رعايتي بيدي قتلت الحب والرحمات=حرمت النفس من حقها وانا ابكيها وتبكيني
وكنه حلم قدامي يقيدني من الصرخات=ابي اصحى ولكني عجزت القى اللي يصحيني
فداك القلب يايمه ومهما قلت من كلمات=صغيره في كبر حقك بس اتمنى تعذريني
نهبت الفرح من بيتي صحيح اني خسيس الذات=صحيح اني ولد طايش وكل ما أسمعه فيني
تجول عيونهم فيني تفصل مني قياسات=وتشيح وجوههم عني وكني غيرت ديني
يظنوا حزنهم اكبر وهم اصحاب هالمأساة=وانا اتحدى اذا فيهم ربع ما يحترق فيني
نقص قدري بعد موتك وغابت نشوة اللذات=وصار الهم عكازي اباكيه ويباكيني
عطيتيني بدون حساب ولا سمعتك تقولي هات=وانا اشرب حيل من دمك ودمك ما يكفيني
يايمه ارجعي كافي ابجلس معك لو لحظات=واقبل ايدك ورجلك وافرش لك رمش عيني
يايمه ما تحملهم يقولوا فات ما قد مات=تعالي غيري هالقول واطيعك باقي سنيني
واترك عادة التدخين وانفذ ما تبي بسكات=واصلي الفجر في المسجد قبل منتي تصحيني
يايمه ارجعي تكفين وطفي شمعة الآهات=ابيك انتي ولا غيرك على موتك تعزيني
وضميني وداويني مثل ما كانت الهقوات=ما ابي احدن يواسيني ابيك انتي تواسيني
دخيلك بس لا تبكي اذا شفتي بي الدمعات=انا مقوى ابكيك اذا انتي تبكيني

أسال الله أن يغفر لها ولجميع موتى المسلمين وهنياً لمن كانت امه على قيد الحياة ليخدمها ويفديها بروحه وأقول لصاحب هذه القصيدة
ألان إنتهى الأمر وبقي عليك الدعاء لها في كل وقت وكل صلاة ولا تنساها من الصدقات فهذا هو برها بعد وفاتها منك ... ومن هنا أنادي كل عاق لوالديه أن يراجع نفسه ويعود لهم ويبرهم فطاعة الوالدين مقرونة بطاعة الله
...... وفقني الله واياكم لما يحب ويرضى

 

 

 

 

[معلومات العضو أبونواف الدوسري]

الأخ أبو مطلق

جزاك الله خير علي القصيده والنصيحه.

تقبل تقديري وأحترامي .

أخوك أبو نواف الدوسري.

 

 

 

 

[معلومات العضو صالح الجعيدي]

عز الله أنها مبكيه وفيها موعظه ،، بيض الله وجهك يا أبو مطلق ،،
ولا هنت على هذه القصة وقصيدتها، والنصيحة الطيبة التي تذكر الغافل عن حقوق والديه.

لا تبطي علينا بجديدك وإبداعك يالغالي. مع خالص التحية والاحترام.

 

 

 

 

[معلومات العضو ابو مطلق]

اخوى ابو نواف لا هنت
اشكرك على هذا المرور المميز لك كل الود والاحترام ودمت بخير

 

 

 

 

[معلومات العضو ابو مطلق]

اخوى صالح
أسعدن هذا المرور الكريم ممتنٌّ لرأيكِ ولطفك دمت كالشّموع .

 

 

 

 

[معلومات العضو مشاعل]

يا الله الله يرحمنا جميعاً برحمتة عورني قلبي من لقصيدة

لاحوول ولا قوة الابالله
الله يرحم موتانا وموتا المسلمين