حـيتــان البـحــور
.................................................. .........
القصـه اللـي أشـغلـت بالــي لـهـا عـــدة شــهـور
وكل يـوم اقـول ان الامل يمـكن غـداً يـحظـابـهـا
طـالـت وعـيـني تنتظر كــل يـوم تسـهيل الامـور
والحـظ خـيّـب هـقـٰــوتي ثــم انـعـثـٰر واقـفـابهــا
حلمي تبـدد وانـدفن كالميت فـي وســـط الـقبـور
وعـزيـت نفسي والحـزن فينـي على ما صـابهـا
وش فيك ياحـظ النـٰدم وش فيك ياشـين امعثــور
وكل مااحصلـت لي فرصـةً تنهـض وتقـفل بابـهـا
يالمنعثـر قلـي متـى تـفــزع الى الـعـبد الصـبور
وتكسـب جمــالـة صاحبـك والحال انـت ادرابهــا
كـنت اتمنى فـالـعمــر مـعـيّــه ولـو مـــره تـثــٰور
لحـظــه وحيــده تنـذكــر واعـــدهـا وارضــابــهـا
ميـر انهـا خـيـبـة رجـا كـلك اقصـورً فـي اقـصـور
وفشـايـلك حتـى الطـفـل بالمـدرســة يـقـرابـهـا
لاشــفت شـمس ولا قـمـر ولابصيصً فـيــه نــور
الا ظــلامً ســــرمــدي يــاللأســف وابـطــابـهــا
وحـذفـتي وودعـتـني بحلــوق حيـتــان البــحــور
بـاحـظـان تـجــار الذمـــم واللاش مــع كـــذابـها
تجـــازوا فـي غـيهـــم يـاللأسف كــل امحـظــور
ولامن عـدالـه تجـعل البـاغي يحسـب احسـابها
وش عـاد لــو دم القــهر بعـروق شـرياني يـفــور
مــامـن دلـيـلً يُـعـتــمــد ويــديـنــلي نـصــابـهــا
هــذا زمـان اللفـلفــه والحــق طــاريٰـه مـهـجــور
وحتى الهقـاوي ماأفلحـت باللـي تشيل القـابهـا
نصيت انـا مـن يدعـي يـوم الـوغــا ليـثً جســور
لا وحسـافــة عـنــوتـي خــابـت وضـاع اكـتـابـهـا
قـصيــدةً ســـويـتهــا ياحيـف ياهـــاك الســــطـور
ليــت القـلــم فــوق الــورق ما خطـها وعيـابــهــا
كـنت اتـحــرا فـــزعـتـه لكــنــه أعـطـــانـي دبــور
لاهـــو تـركهــا واعتــذر ولاهــو مـن اللـي جـابهـا
واللــي تصيبـه ابحــالتي وشــلـون ياتيـه السـرور
وشــلون يضحــك والوجــع بالنفس طـق أطنابـهـا
هــذا وانــا عـنــدي أمــل بالخالـق الفــرد الغـفـور
انــه يـفــرّج كــــربتـي وانـــه يــٰزيــل اصـعـابـهــا
محمد بــن ســوعـان الربيّـــع
فـٰـ. 2015/10/16
17-10-2015, 06:45 AM
حيتان البحـــور
العرض العادي
المواضيع المتشابهه
