ارفا خمال الصاحب اللي زل وان غاب امدحه

[معلومات العضو خالد المشاويه]

السلان عليكم ورحمة الله وبركاته

مساكم الله بالخير

واقدم هذه المتواضعه لعلها تشفع لنا بعد هذا الغياب

من باب درء المفسده او باب جلب المصلحه = يبقى النقا لو تختلف الانظار في مفهومها
احيان اخيط الجرح واحياناً اطره واجرحه = واعرف قياس الناس بين رخومها وقرومها
ارفا خمال الصاحب اللي زل وان غاب امدحه = لاجا يحرج صحبته بتراب! جيت اسومها
ماني من اللي زلة الصاحب لاجاته تفرحه = بعض البشر ماميّزت باصحابها وخصومها
وان جا يحرّث جمر صحبة عمر بالطيب اطرحه = لي عادةٍ يوم البشر بطبوعها وسلومها
يوم الجدي ماغاب نجم سهيل بالعام المحه = مراجلٍ تحضر مع الموسم تغيب نجومها
يوم ان كلٍ رفقته خسارته او مربحه = حشمت نفسي عن مصالح دنيتي وعلومها
القرم فعل الغانمة عند اللوازم مشلحه = والا الضعوف ضعوف لو تكشخ بكل هدومها

 

 

 

 

[معلومات العضو راشد المسعري]

الله الله

صح لسانك يابو غازي

أبيات رائعة وقمة وأنت في القمة دائماً

حكمة وتجربة واضحة في هذه الأبيات

تقبل ودي وتقديري ،،،

 

 

 

 

[معلومات العضو ظافر الأمير]

الـــــقــــــرم فـــــعــــــل الــغـــانـــمـــة عـــــنــــــد الـــــلــــــوازم مــشـــلـــحـــه
والا الـضـعـوف ضـعــوف لـــو تـكـشـخ بـكــل هـدومـهــا

الله يصح لسانك يا خالد قصيده جزله من شاعر جزل
تقبل مروري وتقديري

 

 

 

 

[معلومات العضو شافي بن راشد النتيفات]

ياسلام عليك يابوغازي شهادتي فيك مجروحه
صح الله لسانك ملاييييييييين