قصيدة موجهه إلى الشيخ ضاري بن سعد الحطيم

[معلومات العضو ابو البدرين الحطيم]

بسم الله والصلاة على اشرف خلق الله محمد بن عبدالله صلوات الله وسلامه علية



قصيدة موجهه إلى الشيخ ضاري بن سعد الحطيم

بـسـم الإلـه اللي خـلـق انـسٍ وجـان = بـســمـه تـعــالى جــل رب الـسـمـــاوات
بشرع القصيد وشرع ابداع الاوزان = فــكـري شـرع مـبـداه في نـسـج الابيات
انشا القصيد استرسـل الـفـكـر هتـان = وامطر سـحـابـه والمـشـاعـر غـزيــرات
كتبـت شـعـرٍ من احـاسيـس وجــدان = مـن شاعــرٍ مـا اخـتـار غيـر الجـزيـلات
القاف مثل البيت لـه سـاس واركـان = وانــا بنـيـتـه لأجــل يــرقــا الـطــويـلات
كتبت شعـر المدح والشعــر نـيشـان = صبت الهـدف ما اخطيت بالقاف شارات
المـدح مـا يستـاهـله غــير مـن كان = فـــيـه الـمـراجـل والـخـصـال الـوفــيـات
مـثـل الـذي قــرم ولـه عـنـدنـا شـان = ضــاري وضــاري مـا تكـفـيـه صفـحات
فـخـر القبيلـه مثـل ضـاري كـحيـلان = عـنــد الــــدواســر ضــاريٍ لـلـمـهـمـات
فيه المراجل وسـط عـرقٍ وشـريـان= تـمـشي بـدمـه واثـبـت الـعـلــم بـاثـبـات
ربـاه عــود مـاخــذن فــعــل جــدان = لاهـو غــريـب الـيـا رقــو فـوق هـامات
طيب الخوال ومنبـع الـطـيب عـمـان = مـجـنـى الـمـكـارم والـوفـا والـمـلـمــات
لـه لابتـن في صفـحت الفخر عنوان = اهــل الـوفـا تــاريـخ مــجـد الـبـطـولات
لاد الغـيـيـثي والمـلا شـاهـد اعـيـان = بـاهــل الـثـمـان الـي تـخـص الغـيـيثـات
قـول وفـعـل يـثـبـت الـقـول مــيــدان = تــشـهـد تــواريـخه عــلى مـاضيٍ فـات
ربعي هـل الطولات بالفـعل شجـعـان = عـصر مـضى يـوم الـزمن فـيه غــارات
لاد الغـيـيثي مـرخـصـة غالي اثـمان =اهــل الـكــرم اهــل الـشـيــم والـمـروات
فـخـرٍ يـنـومـسـنا ولا عـنـه نـسـيـان = يـابـن الـحـطـيم الـفـخـر ما عنه سجـات
هـذا قـصـيد المـدح في ضــاريٍ زان = نـفـخـر بـمـدحـه جـعـل عـمـره مـسرات
والـرابـح الي للـنـوامـيـس كــسبــان = لـه في الـمـراجل والـصـعـيبـات وقفـات
والـخاتمـه واعـداد قـطرات الامـزان = صـلـوا عـلى الـمخـتـار في كـل الاوقـات

للشاعر:الصييفي بن حمد بن ضويحي الهواشله

 

 

 

 

[معلومات العضو الزين]

له لابتن في صفحت الفخر عنوان= اهل الوفا تاريـخ مجـد البطـولات
لاد الغييثي والملا شاهد اعيان =باهـل الثمـان الـي تخـص الغييثـات
قول وفعل يثبت القول ميدان =تشهـد تواريخـه علـى ماضـيٍ فـات
ربعي هل الطولات بالفعل شجعان= عصر مضى يوم الزمن فيه غارات
لاد الغييثي مرخصة غالي اثمان =اهل الكرم اهـل الشيـم والمـروات

تسلم يمينك علي النقل وصــــــــــــــــح لسان شاعرهـــــــــــــــا

علي القصيـــــــــــــــــده الطيبـــــــــــــه

 

 

 

 

[معلومات العضو ابو زيد الغييثي]

لاهنــــت يا بو البدرين على نقل هذه الابيات

والشيــخ / ضاري بن سعــد الحطيم


يستاهل المدح في كل وقت وفي كل حين

وصح اللسان / الصييفي بن حمد بن ضويحي الهواشله

وأعذرني على النتسيق


أخوكـ / ابو زيـــد

 

 

 

 

[معلومات العضو سالم بن صمهود]

صح الله لسان الشاعر والشيخ ضاري يستاهل اكثر ولاهنت يابو البدرين على النقل الطيب

 

 

 

 

[معلومات العضو العماني]

صح الله لسان الشاعر الضويحي الهواشله

ويستاهل الأمير ضاري بن سعد ال الحطيم حفظه الله ، امير ابن امير ومن سلالة طيبه واسرة كريمه لها من الأمجاد والمكارم المـتأصله من الماضي ومستمره الى الحاضر.

والله يجعله ذخر للدواسر كلهم .

ولاهنت يابوالبدرين على نقل القصيده وبيض الله وجهك يالقرم

تقبل تحياتي،،

 

 

 

 

[معلومات العضو يحيى الودعاني]

صح لسان الشاعر

و بيض الله وجهك لاهنت

 

 

 

 

[معلومات العضو شافي القويسي المخاريم]

صح لسان الشاعر الصييفي ال مانع الهواشله

شاعر مبدع



و يستاهل الامير ضاري الحطيم المدح

ولا هنت يا ابو البدرين

تقبل تحياتي الكريمه

 

 

 

 

[معلومات العضو مبارك الغييثي]

يستاهل أبوسعد ولاهنت يبو بندر

 

 

 

 

[معلومات العضو ناصر بن فهد]

.
.
•
صحُ لسانك.. وصح لسان الشاعرٌ
ويستاهل الشيخ:ضآرٍي بنٌ سعد آلحطيمٌ..
وتقبل موروريٌ