قصيدة راكان بن حثلين

**معلومات** **العضو** · 17-09-2009, 11:22 PM

الله مـن قلـبٍ تخالـف إشطونـه= وبقعا تصفـق بـه يميـن ويسـار
يوم الزعيـم لبـس علينـا زبونـه= وأحمل علينا كن لـه عندنـا ثـار
يـوم القبايـل والـدول يتبعـونـه= نوى يجلينـا وراء حـد الأمصـار
لعيون من بالميـل يجلـي عيونـه=إنفرق الطابور لو صار مـا صـار
ذكرت أنا اللـي جارهـم يهملونـه= لاد زايد سلمهـم هملـة الجـار(1)
نصيت اللي ما رضوا لي بالمهونـه=نصيـت أهـل السيـح لاد عمـار
لجاهـم المـطـرود يستقبلـونـه=ومن الخوف يامن عند وافين الأشبار
والضيف لامـن زارهـم يكرمونـه=صيانـي تنقـل وعزايمهـم اكبـار
كم كبـش مـن الضـان يدفعونـه=ولا من الحشـوان قعـدان وبكـار
السيـح ديرتـهـم ويستاهلـونـه=لا من استوى بالحمل زينات الأثمار
وريـة عليـه البحـر يفجـرونـه= بين القبايل ما بنـي دونـه جـدار
كـم واحـدٍ مـن دونـه يعدلونـه=حماية الأمدار في الموقـف الحـار
حريبهـم منهـم تشـده اجنـونـه=لاسمع عزوتهم من المعركـة نـار
والجوخ في يـوم اللقـا يلبسونـه= وسلة سيوف الهند من صنع بيطـار
والجار ما يرضون عليـه بمهونـه=من بينهـم ينـزل ولاكنـه بجـار
كـم خايـعٍ مـطـرف ينزلـونـه=ويرعـون قطعـان الأزاف نــوار
وكـم عقيـدٍ عندهـا يصفقـونـه=مستجنبين الخيل من قـب ومهـار
وجميلهم مـا انسـاه لجـو يبونـه=ولانيـب بـرد المجـازات بــوار

**معلومات** **العضو** · 17-09-2009, 11:23 PM

صــــــح لســــــــــــــان الشـــآعر / رآكــــان بن حثلين

وصح لسانك يا ذيبــــــــــــــآن

ولآهنت على النقل

*
*
احتــــــرامي

**معلومات** **العضو** · 18-09-2009, 12:48 AM

اشكرك على ايراد القصيدة
وعلى حسب ذاكرتي اللي
يوم كويسه ويوم ملخبطة

ان سبق ونشرت هذه القصيدة

فاصلة
للمشرف اتمنى تعديل الاخطاء المطبعية في العنوان

**معلومات** **العضو** · 18-09-2009, 01:55 AM

نصيت اللي ما رضوا لي بالمهونـه .. نصيـت أهـل السيـح لاد عمـار

كفو كفو لاد عمار

والله يرحم الشيخ راكان بن حثلين

..

الشكري الله يبيض وجهكـ على نقل القصيده