مـن تقنـع النفـس .!!

[معلومات العضو المحيربي]

السلام عليكم ورحمة الله وبركاته...

نقلت لكم قصيدة الشاعر احمد علي الكندي (رحمة الله).

وهو شاعر اماراتي معروف من امارة ابوظبي .


مـن تقنـع النفـس قنعـت لــو تعاتبـهـا ### ما عاد ترجـع كمـا لـول علـى العـاده

شــي بــلا شفـهـا مــا عــاد يطـربـهـا ### اذا انكـفـت مالـهـا فـــى تـركـهـا راده

نفسي على ما كرهت مانـي بغاصبهـا ### ما هي على المخدعه والشين معتـاده

بالأرض عايش وماشـي فـي مناكبهـا ### والحـمـد والشـكـر للمعـبـود و زيــاده

مـا حــد رزقــه بـيـد غـيـره ويطلبـهـا ### الـرزق عنـد الــذي يرجـونـه اعـبـاده

خــل الهضـيـمـه وتـركـهـا لصاحـبـهـا ### لـو كـان عنـدك بعيـر عاجـز اشــداده

مـن تلـدغ اليـد فـى الحفـره عقاربهـا ### مـا تـردهـا ثانـيـه والعـقـرب اســداده

واختار "م" الهجن سير البعد يطربها ### مـا تتبـع الظـل يــوم الشـمـس وقــاده

والــدار مــن يــوم تتـكـدر مشـاربـهـا ### مـا للمعيشـه بهـا ذوق عـلـى الــراده

مــا تـدمـع العـيـن الا لـهــا سبايـبـهـا ### أمــا وغــف أو بـهــا عـلــه ونـكــاده

وتقبلوا تحياتي
م ن ق و ل

 

 

 

 

[معلومات العضو ابن شميعان]

اخوي المحيربي يسعدني ويشرفني اكوان اول من يرد على طرحك جميل هذا يالغالي

صح لسان الشاعر

اخوي المحيربي لاهنت على طرح هذا

ولاعدمناكـ

تحيااااااااااااااااااتي

 

 

 

 

[معلومات العضو المحيربي]

ماعليك زود اخوي نايف ولاهنت على التشريف

والمرور.


وتقبل تحياتي

 

 

 

 

[معلومات العضو خيالية]

صــــح لســاان الشــاعر وسلمت يمينك احــــترامي ..

 

 

 

 

[معلومات العضو المحيربي]

لاهنتي اختي خيالية ومشكوره على التشريف والمرور.


تحياتي