تستاهل الناموس يابو هديبان

[معلومات العضو ابو عبدالله الثاقبي]

قصيدة ولد العمي الشاعر محسن بن فالح الشكره في عمي الشيخ ناصر بن هديبان

وهي اهداء لبو هديبان في مشاركته وفوزه الدائم في مزاينات ام رقيبه هذي السنه وكل سنه

يقول محسن بن فالح

	تستاهل الناموس يابو هديبان = قدام فوز الذود بالطيب فايز صفر ٍ مزايين ٍ مواريث جدان=تتعب هل الانظار والوصف عايز تكسب بها الناموس في كل ميدان=يوم الطرب والانهار الجوايز يازين شوف الصفر من بد الالوان= وانته ملكت النادرات الغزايز اللي لها من خالق الخلق برهان= ذود ٍ تبدوي مادخلها الفايز طال ٍ وبرها بالذهب عالي الشان=تقول وحدتهن ( من الروز رايز ) فهق الظهور النابيه فهق الاذان= بنات هرش كلبوهن ركايز هدل المشارب واللحي مثل شامان =تركي على كبد الحسودالحزايز لا سمعن الصايح يداخلهن اجنان = ومن الصطر قامت تشوش وتشايز الله يحميهن خطيرين الاعيان= ليا اقبلن حثلوم والا كزايز سلعت زحازيح للامجاد عنوان =شرواك يا معطي البكار العوايز المدح يرجح لك على كل ميزان = نوادره تقبل لمثلك لزايز نفخر بصطيتك بين حضر ٍ وبدوان= ياللي طبوع الطيب عندك غرايز تستاهل الناموس من قلب ولسان=ياللي على الناموس مرهي وحايز المدح يثبت كان للمدح برهان=ومدح ٍ بلا برهان ماهوب جايز والمعذره لا صار بالقول نقصان=ان جزت جايز وان تقصويت جايز

والله يطول بعمر القاصد والمقصود فيه

 

 

 

 

[معلومات العضو مبارك الخييلي]

صح ألسان الشاعر محسن بن فالح الشكره




ويستاهل الناموس أبو هديبان


أبو عبدالله الثاقبي


جعل يمينك سالمة


وبيض الله وجهك على النقل


تقبل شكري والتقدير

 

 

 

 

[معلومات العضو أبـ ريماس ـو]

صح لسان الشاعر الكبير محسن الشكري و يستاهل الشيخ هديبان كل خير

 

 

 

 

[معلومات العضو محمد بن حمد الشكرة]

أبو عبد الله الثاقبي يامرحبا والله ومسهلاً ياحفيد النشاما ياالله جعله شايبك عبد الله بن محسن في الجنة عز الله أنك وافي ولد وافي وعلي الحرام أنه يستاهل الفوز أبو هديبان طير شلوى أمير آل ثاقب وصح الله لسان أبو فالح على قصيدته الجزلة وهذا هو شاعر آل ثاقب تقبل تحياتي محمد بن حمد بن تويم آل ثاقب

 

 

 

 

[معلومات العضو سلطان بن دخيل الله]

لاهنت يابوعبدالله

ويستاهل الممدوح ابوهديبان ماقيل فيه من المدح

وصح لسان الشاعر الكبير محسن بن فالح الشكره

وبياض وجه للجميع

 

 

 

 

[معلومات العضو ابو عبدالله الثاقبي]

سلمتو على مروركم وتشرفت وتشرف الموضوع نور بكم

 

 

 

 

[معلومات العضو ابو عبدالله الثاقبي]

المشاركة الأصلية كتبت بواسطة محمد بن حمد الشكرة

أبو عبد الله الثاقبي يامرحبا والله ومسهلاً ياحفيد النشاما ياالله جعله شايبك عبد الله بن محسن في الجنة عز الله أنك وافي ولد وافي وعلي الحرام أنه يستاهل الفوز أبو هديبان طير شلوى أمير آل ثاقب وصح الله لسان أبو فالح على قصيدته الجزلة وهذا هو شاعر آل ثاقب تقبل تحياتي محمد بن حمد بن تويم آل ثاقب

تبقا تبقا تبقا وجعل شايبك الجنه

وانت والله وافي وربعك عزوتنا وافين سلمت يا ذيب ال ثاقب

الله لا يهينك وسلمك ربي

 

 

 

 

[معلومات العضو العماني]

صح الله لسان الشاعر الكبير محسن بن فالح الشكرة ، ويستاهل ابوهديبان والله يعطيه الصحه والعافيه وطولة العمر ويبارك في حلاله وماله .

وبيض الله وجهك يابوعبدالله على ايراد القصيدة الجزله .

تقبل تحياتي،،

 

 

 

 

[معلومات العضو محمد الولامين]

صح لسان الشاعر محسن بن فالح الشكره

ولاهنت يابوعبدالله على ادراج القصيده وبيض الله وجهك