قصيدة ال خليفه ورد السديري

[معلومات العضو تركي ال فنيس]

قصيده للشيخ خالد بن محمد بن عبدالله ال خليفه عند زيارة لامير محمد بن احمد السديري

علم لفاني بالظهر وقت الأ ذان=واستر قلبي يوم جاني بشيره
هل الهلال وشافته كل لاعيان= من قو نوره هل وقت الظهيره
بدر تلألأ واكتمل عقب مابان = ومن زود نوره صار بالقلب نيره
يامرحبا باللي لفي مثل هتان= غيث ومن عقب المحل صاب ديره
ترحيبة من مدنف القلب ولهان= من عقب طول البعد وافي عشيره
احلي حلا من ذر خلفات اسمان= مــــاحررن اخلافها بــــالصريره
لاروحن من خايع فيه حوذان= واسقاه من نور السماك المطيره
احن من ريح من الروض فتان= الي هبت الغربي سري لك عبيره
واغلي من الدانات غالية الاثمان= اللي بجوف اصدافها مستجيره
هلليت يامحمد وزينت لاوطان= يامرحبا عد النجوم المنيره
عد البشر عد الحجر عدماكان= واعداد فجر لاح واضوي سفيره
حبك ملي قلبي علي طول الأزمان=هل كيف صرت اليوم وسط العشيره
انت الذي مايعسره بدع الأفنان= عذال معوج الشعر في مسيره
قرم ويشري المرجله بأغلي الأثمان=وذكرك مع العالم غشي كل ديره
وأبوك اجود من وطا ترب لاوطان= عيد الركاب اللي لفت كل ديره
وربعـــــــك ودو جار من جدار قد كان=أنا أشهد ان جيرانهم مستجيره
والا بني خيك اعلي الله لهم شان=شيخاننا وان حيرتنا الكبيره
ياسيد كل اللي بدع نظم فنان = حنا جنود الشعر والا انت اميره
نغضي الي شفناك بالروس واعيان = ونسير خلفك ياامام المسيره
اميرنا من غير زور وبهتان = ولا خير في من لايقرر لاميره
وصلوا عدد ماغرد الطير بافنان = علي نبي حاز كل البريره

اجابة الامير الراحل السديري رحمه الله :

يقول من رد الثنا سر واعلان=باسم الذي بالكون محد خشيره
اهلا عدد ماغرد الورق بالحان = وعد الجراد اللي تزايد نشيره
اهلأ بدر غاص حص ومرجان= من ماجد خاض البحور الغزيره
عبر بحور الشعر مع كل الاركان =عقله يصور ماخفي من ضميره
ابيات بافكاره وزنهن بميزان= واضفي عليهن هالة مستديره
من نور عقله له دلايل وبرهان= ذكاه من مولاه مايستعيره
خالد سنام المجد من نسل عدنان =يسلب فؤاد مخاطبه بتعبيره
ربعه بني وايل بروغات الاذهان=للمجد سارو بالدروب العسيره
في معركة ذي قار ذربين الايمان=اروو مراهيف السيوف الشطيره
صانوا شرف عذرا تسمي بقحطان= وراحت علي فرسان فارس كسيره
بجيوش كسري فعلهم للملا بان = كم طاح عند وجيههم من عقيره
واهتز عرشه من عطيبين الاكوان= من حس رجد خيولهم بالمغيره
ساروا بدرب المجد شيب وشبان=وسادوا بضرب سيوفهم بالجزيره
القلب لك ياخالد الذكرميدان=مودتك صارت لقلبي خشيره
محبتك تمكنت بين ليحان=بالقلب مني واستجلت صغيره
منساك لامنساك لو كان ماكان=مدام جسمي فيه عقل وبصيره
ياهل الفخر وياهل المروه والاحسان=وانتم دليل الخير وانتم بشيره
بالسلم سامين وبالحرب فرسان=والطيب اخذتوا كوثره من غثيره
من دوحة بطلالها عز وامان = وللملتجي فيها حنان وخيره
ياخالد اودعتك سلام ابن بدران= للشيخ زبن المنهزم بالكسيره
وقل له تري قلبي من الحب مليان= والله يعرف البينه والسريره
محبة لبست من المجد تيجان=تهدي لشبلن مايذيره قصيره
حمد سنام المجد للجود عنوان=اللي لكم عند الشدايد ذخيره
عليه من ثوب السعد ضاف الاردان=ثوب من البيضا نسج من حريره
فتي بني وايل وماكاد له هان=بعزم يهد جبال راس الوعيره
ابوه عيسي وجده الشيخ سلمان=والله خلقهم للفضايل بريره

كاتبه :تركي الودعاني

 

 

 

 

[معلومات العضو أبوفهيد الودعاني]

صح الله لسانك ياذيبااااان


ولسان السديري وال خليفه


لاتبطي بجديدك


تحياتي لك ،،،

 

 

 

 

[معلومات العضو تركي ال فنيس]

والسانك يالسنافي واثلج صدري مرورك وتعليقك يالغالي

 

 

 

 

[معلومات العضو عمرو بن كلثوم]

صح لسانك يا تركي و جعلك تسلم

صح لسان ابن خليفه الجميلي التغلبي

صح لسان امير الشعرا السديري الزايدي الدوسري

 

 

 

 

[معلومات العضو محمد البدراني]

السلام عليكم ورحمة الله وبركاته :
مشكوووووووووور اخووي على هالقصايد وصح لسانك وننتظر مشاركاتك ومواضيعك المميزة وشكراااااااااااااااااااااااا

 

 

 

 

[معلومات العضو راشد المسعري]

بيّض الله وجه تركي بياضٍ يستحقه ....... العلـــوم الــغانمة تركي حصــدها

الغالي: تركي الودعاني أشهد إنك كفيت ووفيت بهذه المشاركة الرائعة والتي هي

لمجهودك الرائع في منتدانا المميز واللي ولله الحمد سيظل متميزاُ مادام يوجد فيه من

الأعضاء مثلك ولا يهونون باقي إخواننا الأعضاء ، فكلنا يداً واحدة للمحافظة على رقي

منتدانا.

مرة أخرى تشكر يالودعاني على هذا الجهد الطيب ، وأتمنى لك التوفيق .

 

 

 

 

[معلومات العضو تركي ال فنيس]

عمرو بن كلثوم لاهنت علي مرورك ومن قال يسلم

 

 

 

 

[معلومات العضو تركي ال فنيس]

دوسري ولي الفخر العفو يالغالي ولاهنت علي مرورك

 

 

 

 

[معلومات العضو تركي ال فنيس]

المشاركة الأصلية كتبت بواسطة ابو عبدالمحسن المسعري

بيّض الله وجه تركي بياضٍ يستحقه ....... العلـــوم الــغانمة تركي حصــدها

الغالي: تركي الودعاني أشهد إنك كفيت ووفيت بهذه المشاركة الرائعة والتي هي

لمجهودك الرائع في منتدانا المميز واللي ولله الحمد سيظل متميزاُ مادام يوجد فيه من

الأعضاء مثلك ولا يهونون باقي إخواننا الأعضاء ، فكلنا يداً واحدة للمحافظة على رقي

منتدانا.

مرة أخرى تشكر يالودعاني على هذا الجهد الطيب ، وأتمنى لك التوفيق .

ارحب ارحب يالمسعري يانسل المناعير وصح السانك علي البيت

يالغالي مرورك وتعليقك اثلج صدري ويحمسنا علي الرقي بهذا الصرح

وبيض الله وجهك كثر ماهو ابيض

 

 

 

 

[معلومات العضو عبدالرحمن النتيفات]

تركي الودعاني مبدع دائما

يا والله الشّعار

تقبل اطيب تحياتي

 

 

 

 

[معلومات العضو بدران البدراني]

الاخ الغالي تركي ال فنيس الودعاني مبدع دائما وآبداً

الله لايهينك

وحمة الله أبو زيد رحمه واسعة وأسكنة فسيح جناتة

تقبل اطيب تحياتي

 

 

 

 

[معلومات العضو تركي ال فنيس]

لاهنتوا علي مروركم يالغالين