النمر ما عمر الحصيني تعشاه ..........

**معلومات** **العضو** · 28-01-2006, 03:43 PM

قصيدة للشاعر // جلعود بن لافي الشمري .

النمر ماعمـر الحصينـي تعشـاه=والسيف مايشبه لمـوس الحلاقـه
وترى الصديق بساعة الضيق تلقاه=والتابعيـه ماهـي مثـل البطاقـه
ومن لا يودك لا تـوده وتنصـاه=ومن فارقك افرح بساعـة فراقـه
خل الشعيب يسيل سيلـه بمجـراه=لاصار مالك فيـه قـدره وطاقـه
لا صار ما تقـدر تعـدل شقايـاه=هيهات ياتـي بالزعـل والحماقـه
النذل يطمع بك ليا صـرت تـدراه=لا صرت له طيب تره صار عاقـه
تمدل لـه يمنـاك ويمـد يسـراه=والنذل ماينفعـك ولا بـه شفاقـه
عليك بالطيب ليـا جيـت تنصـاه=ينفعك ماهو مثـل خطـو العلاقـه
ونفسك على فعل المكارم مضـراه=ويقوم بالواجـب بعـرف ولباقـه
ولا خير فاللي مايعـرف المعـاده=وعزي لحـيً مـا يعـزه رفاقـه
ياويل قلبـي وااااه واكبـر بلـواه=تسوقه آفـات البـلاوي سواقـه
بين الرجا والياس يقطف خلايـاه=عقب التسا عتبه كسيـف بطاقـه
يمسي ويصبـح حايـرات نوايـاه=بين القداده والأسـى واصفطاقـه
من هاجس بالقلـب لازال بكمـاه=بقص كنين القلب يضفـي رواقـه

عسى أن تنال رضاكم ،، وتقبلوا تحيات أخوكم " آل جعيد الدوسري"

**معلومات** **العضو** · 28-01-2006, 04:12 PM

النمر ماعمر الحصينـي تعشـاه=والسيف مايشبه لموس الحلاقـه
وترى الصديق بساعة الضيق تلقاه=والتابعيه ماهـي مثـل البطاقـه
ومن لا يودك لا تـوده وتنصـاه=ومن فارقك افرح بساعة فراقـه
خل الشعيب يسيل سيله بمجـراه=لاصار مالك فيه قـدره وطاقـه

ياسلالالالالالالالالالالالالام على الحكم الجميلة

العزيز الغالي آل جعيد الدوسري

بيض الله وجهك يالقرم على هذه القصيدة الرائعة

وصح الله لسان الشاعر جلعود بن لافي الشمري

ولاتحرمنا من مثل هذه الروائع

تحياتي العطره

دغش البطي

**معلومات** **العضو** · 31-01-2006, 10:12 AM

أخوي "دغش البطي" ،، ما نقلتها إلا أبغى إلي مثلك وشرواك يفرح ،،، يجعل أيامك أفراح. ما عليك زود يا أبيض الوجه يالسنافي.

وتقبل تحيات أخوك/ آل جعيد الدوسري

**معلومات** **العضو** · 31-01-2006, 05:05 PM

ولا خير فاللي مايعـرف المعـاداه
وعزي لحيً مـا يعـزه رفاقـه

صح لسان الشاعر ، اشهد بالله إنه حكيم

صح لسانك يالجعيدي ولا هنت

**معلومات** **العضو** · 31-01-2006, 05:23 PM

ماشاء الله عليك اخوي آل جعيد كل قصيده احلى من الثانيه

بيض الله وجهك وماقصرت

**معلومات** **العضو** · 01-02-2006, 07:42 AM

أخوي ماجد الدوسري و أخوي هايف العماني ،،، مروركم الطيب شرف لي يالنشاما،، وتقبلوا تحياتي.

الذين يشاهدون محتوى الموضوع الآن : 1 ( الأعضاء 0 والزوار 1)

		منتديات صحيفة وادي الدواسر الالكترونية