محاوره بين الشاعرين \ سعد بن جدلان الأكلبي.... والشاعر \ ظافر بن هندي السهلي...

**معلومات** **العضو** · 12-10-2005, 01:19 AM

السلام عليكم ورحمة الله وبركاته,,,,,

هذه محاوره جرت بين الشاعرين \ سعد بن جدلان الأكلبي.... والشاعر \ ظافر بن هندي السهلي...

وإليكم نص المحاوره :

ظافر بن هندي :

يالاكلبي قرّب لعلّك ما تهون=عندي علومٍ يا عسى تفطن لها

الله يا علمٍ لفا بالتيلفون=خلاّ جنون الشعر تحضر كلها

سعد بن جدلان

اللي يمون انقول له قلّط تمون=واحدٍ نقل يا ذيب زلّ وخلّها

انتو عوارف تسمعون وتنظرون=واللي يبرّك للحمول يشلّها

ابن هندي

خل الميانه مير لدّ إليّ العيون=من شان نفرق دقها من جلّها

يا شعيل شيل الحمل من فوق المتون=ساعه بساعه والدروب اندلها

خل الميانه مير لدّ إليّ العيون = من شان نفرق دقها من جلّها

يا شعيل شيل الحمل من فوق المتون = ساعه بساعه والدروب اندلها

ابن جدلان

لا تحصرون الدر في ديس اللبون = فك الصرار احسن لكم واحسن لها

الطيّبون القالطون القالطون = قلنا لمن يتقن صلاته صلّها

ابن هندي

انته توصي وانت للبضعه زبون = ناسٍ كما حضرتك ويش اعملّها

للناس لون ولك يبن جدلان لون = حنا نعرف اهل الوفا من دلّها

ابن جدلان

السابقون انتو وحنا اللاحقون = من رز له خيمه يجي في ظلّها

عزالله انكم كلبوكم طيّبون = لكن ما اعرف دقها من جلّها

ابن هندي

اثرك تتبّعنا ونحن غافلون = ياملّ عينٍ غافله يا ملّها

ظنيت بالفارس وخابن الظنون = ماهوب لاقي ديرةٍ يحتلّها

ابن جدلان

انتو برازات السهول المؤمنون = بعض المراضا عندكم طبٍ لها

نبغي نختمّها بخير وتسلمون = يا عزوةٍ جابي لها حبٍ لها

ابن هندي

ان كان صايبكم من الدنيا جنون = حنا نحشر اجنونكم ونعلّها

ان مات ابويه ما كليته بالسنون = ياللي سكاكينك عليه اتسلّها

تقبلوا تحياتي ..

منقول.

** الشرافي **

وأنص الشرافا متعبين المعاميل ****** بيوتهم للضيف من دون بيبان

**معلومات** **العضو** · 12-10-2005, 02:42 AM

وعليكم السلام ورحمة الله وبركاته

يعطيك الف عافيه يالشرافي والله الله في المزيد

اخوك:عبدالله

**معلومات** **العضو** · 12-10-2005, 07:40 AM

اخوي الشرافي:

بيض الله وجهك ولا هنت ولا تكون اليتيمه نبي خواتها

تقبل تحيات اخوك فتى الجود

**معلومات** **العضو** · 12-10-2005, 09:59 AM

الشرافي ابيض وجه لاهنت على النقل المتميز والمحاوره المبدعه بين عمالقه الشعر

اخوك/صعوط المجانين

**معلومات** **العضو** · 15-10-2005, 02:22 AM

اخوي \ عبدالله الصخيبري ........مشكور على المرور يالقرم ....

فتى الجود .....لاهنت على المرور...

تقبلوا تحياتي ..

** الشرافي **

وأنص الشرافا متعبين المعاميل ****** بيوتهم للضيف من دون بيبان

**معلومات** **العضو** · 15-10-2005, 02:25 AM

أخوي \ صعوط المجانين ........

بيض الله وجهك على المرور...... ولاهنت يالقرم.

تقبلوا تحياتي ..

** الشرافي **

وأنص الشرافا متعبين المعاميل ****** بيوتهم للضيف من دون بيبان

الذين يشاهدون محتوى الموضوع الآن : 2 ( الأعضاء 0 والزوار 2)

		منتديات صحيفة وادي الدواسر الالكترونية