خلّ الجريـــــح

[معلومات العضو عبدالله الدوسري]

خلّ الجريح اللي يلملم جراحه=لا تزيد في بلواه ما انته بمجبور
توّي عرفت الوقت ما فيه راحه=و من يشتكي للنّاس ما هو بمعذور
كنت احسب ان قلبك يعرف السمّاحه=يدرا خويّه لو وقع له بمحذور
بدّلت ساعات الفرح لي مناحه=و بيّحت بي سدٍّ عن النّاس مستور
لا وا هني الطّير شلّه جناحه=و انا طريح وساد ما افارق الدّور
لدّ النّظر في اللّي عشانك مطاحه=لا تتبع اللي طبعه يلفّ و يدور
ياليت من يقدر يجي لك سباحه=يدخل عليك و يهدم الباب و السّور
الكلب ينبح ما علي من نباحه=و الذّيب ما يرضى لمن وصْلَت الزّور
ما ابي يجي بيني و بينك مساحه=ابْيَ اتخالط معْك باحساس و شعور
شوفتك تلغي كل طبّ و جراحه=و مفارقك يقطع عن عيوني النّور

 

 

 

 

[معلومات العضو شيهانه على يد صقار]

صـح السـانــك ,,

تسلم يمنااك اخوي ونننتظر االمزيــد ^_^

 

 

 

 

[معلومات العضو فيصل الشكري]

الشاعر القدير عبدالله الدوسري



صح لسانك ولاهنت على الابيات الجزلة والمعاني الرائعه


تقبل تحياتي,,

 

 

 

 

[معلومات العضو محمد بن سالم الخضراني]

عبدلله الدوسري صح السانك


قصيده معبره وجميله لاهنت على الابداع المتواصل



ولاعدمناك

 

 

 

 

[معلومات العضو نادر الناهشي]

عبدالله الدوسري..جزاله.. معاني مركبة...صورجميله

صـح لســانك...

 

 

 

 

[معلومات العضو مشعل راشد الشايقي]

الله عليك الله الله


لله درك اخي عبدالله على هذه الدره


صح لسانك وعلا شانك


تقبل حضوري المتواضع واعجابي



مع خالص التحية والتقدير

 

 

 

 

[معلومات العضو عبدالله الدوسري]

هلا بالشيهانة




شكرا لك





و دمت بخير،،،،

 

 

 

 

[معلومات العضو بدر بن صقر العجالين]

ياسلام ياسلام يابوصالح اقولك قصيدك درر

صح الله لسانك وفالك التميز لا عدمنا جديدك ووجودك ياعبدالله..

تقبل تحياتي،،