::: دثريني يامنيره زمليني يامنيره ( فديو ) و ( كتابيه )

[معلومات العضو المستشار]

دثريني يامنيره زمليني يامنيره=يامنيره في فوادي فرخ عبدٍ طق زيره
من هنوفٍ صوبها راع الهوى يشعب بعيره=سيدة سادات قومٌ سادةٌ أبناء ساده
من بهاها يامنيره ويش أوصف ويش أخلي=في جبين الطهر منها بدر سبتين امتجلي
هالةٍ دون المصلى أخلفت وجه المصلي=في محاجرها عقيد القوم يومي به جواده
الحجاج اهلال ما هو في أهلتنا مقيّد=من يشوفه قبل لا يبدي هلال العيد عيّد
لا متى والموت حدر رموشها السود يتصيد=لا متى ذبح البشر عند العيون السود عاده
دوب يانع وردها في روض لبتها تفتق=في سحر منطوقها صرفٍ من الراح المعتق
وكن ظفايرها على الغره ليا قامت تنتق=خدم أسودٌ وقوفٌ حو ل بنت البيه غادهٌ
ياوجودي يالزباد الزبد يالبيض المقشر=يوم حازت من أمامي عمد وأحمر المؤشر
ما أنا إلا أخو عقـمٍ بمـولودٍ مبشـر=من سروري يوم أعانق طيفها فوق الوساده
كن أصابعها من العناب أو بسرٍ عراقي=أو بلح شام مجفف أو قناني خمر ساقي
وكن ترايبها صحاف الترك حمران الطواقي=في سنا نور رقبتها ذابت أكثر من قلاده
فتنةٍ من شافها في جو سابع عرش عرّش=كاد ناعم ثوبها في جسمها الغض يتحرّش
مرحبا يامرحبا يامرحبا بالطش والرش=بالحرير الحر والغرو الغرير الغر عاده
كل ما تكبر تزين وكل ما تقدم تجدد=كن نحرها من ورا بوابة الثوب يتهدد
حجم ناحل خصرها في ردفها لاجيت أحدد=حجم نقطة نون داخل نون ما تقبل زياده
بين خصرٍ إشتراكيٍ وردفٍ رأسمالي=ويل ويلي شيب عيني طر جيبي ويل حالي
كل غضٍ في نحرها شايفٍ نفسه معالي=والاثنين بصراحه يستحقون الإشاده
كن عايم صدرها في وقفته قرمٍ ينادي=في خضم المعركه هل من مبارز أو معادي
من غروره يعتبر كل ما نقوله فيه عادي=يامصابيح الرواهب من بياضه في سواده
من مزاج الزنجبيله في شفاه السلسبيله=أورد الساعي كليبٌ حتفه نظم الجليله
جمرةٍ في روح تمره ضيعت آبو دليله=قايدٍ حاذاه قايد ريم وأنساه القياده
من ليونتها كأن ماله ولا عظمٍ جسدها=ومن نعومتها تخاف خدودها من لمس يدها
ومن كثر ما مشيها جذاب ما تمشي وحدها=ومن كثر ما جلدها صخيفٍ تحب اللبس ساده
ويش يسوا المسك وآبو المسك مع ريحة عرقها=يوم ذبت شالها واهتز في الملعب حلقها
ما كأن الله مثل باقي مخاليقه خلقها=فتنةٍ كانت طقوس القصر تعبدها عباده

 

 

 

 

[معلومات العضو رائــــــــــد]

يسلموووووووووووو

يالمستشار

والله ذوقك رفيع يالقرم
صراحة بكل ماتعنية الصراحة
كنت ابحث عنها من يوم سمعتها
بالتلفاز ولا حصلتها
صحيح
ما يجيب النايفة كود الولد


ودمت بالف خير

 

 

 

 

[معلومات العضو أبونواف الدوسري]

وفقك الله أخي المستشار

علي وضع كلمات القصيده والرابط

الله يوفق ناصر الفراعنه...

 

 

 

 

[معلومات العضو عبدالله بن قويد]

المستشار

الله يعيطك العافية

ولاهنت يالنشمي

والله يوفق الفراعنة والجميع أن شاء الله ,,

 

 

 

 

[معلومات العضو المستشار]

المشاركة الأصلية كتبت بواسطة رائــــــــــد

يسلموووووووووووو
يالمستشار
والله ذوقك رفيع يالقرم
صراحة بكل ماتعنية الصراحة
كنت ابحث عنها من يوم سمعتها
بالتلفاز ولا حصلتها
صحيح
ما يجيب النايفة كود الولد
ودمت بالف خير

احرجتني يا رائـــــــــــــــد

بذوقك الرفيع

وبيض الله وجهك يالقرم

 

 

 

 

[معلومات العضو المستشار]

المشاركة الأصلية كتبت بواسطة أبونواف الدوسري

وفقك الله أخي المستشار

علي وضع كلمات القصيده والرابط

الله يوفق ناصر الفراعنه...

هلا وغلا بأمير المنتدى

وتسلم يمينك يالغالي

ودمت بحفظ الرحمن

 

 

 

 

[معلومات العضو غلا نجد]

ما شاء الله تبارك الرحمن ذوق راقي

سلمت يمناك لا عدمناك

صح اللسان شاعرها وسلم فكره

فاله البيرق ان شاء الله


استاذي لو تكرمت ابي استفسر كيف احفظها بالجهاز ؟اكن شاكره لك

وفقك الرحمن لخير الدارين

دمت متميزا بابداعك

 

 

 

 

[معلومات العضو المستشار]

المشاركة الأصلية كتبت بواسطة عبدالله بن قويد

المستشار

الله يعيطك العافية

ولاهنت يالنشمي

والله يوفق الفراعنة والجميع أن شاء الله ,,

هلا بالقرم

وتسلم يمينك على المشاركه

ولك مني كل الشكر والتقدير

 

 

 

 

[معلومات العضو المستشار]

المشاركة الأصلية كتبت بواسطة غلا نجد

ما شاء الله تبارك الرحمن ذوق راقي

سلمت يمناك لا عدمناك

صح اللسان شاعرها وسلم فكره

فاله البيرق ان شاء الله


استاذي لو تكرمت ابي استفسر كيف احفظها بالجهاز ؟اكن شاكره لك

وفقك الرحمن لخير الدارين

دمت متميزا بابداعك

كل الشكر لك اختي غلا نجد

وبالنسبه لطريقة الحفظ

اضغطي بالماوس الأيسر على مكان التحميل

بعدها راح يفتح لك صفحه جديدة ثم راح يظهر لك الحفظ

أتمنى يكون الشرح واضح

وشكرا لك

 

 

 

 

[معلومات العضو ذيب آل عريمه]

يعطيك العافيه أخوي المستشار

للحفظ :

ارعص بالماوس الأيسر تظهر قائمة أختار ( حفظ الهدف بالأسم ) ثم أختار مكان الحفظ

معليش أخوي المستشار على إعادة الشرح ، شرحك سرا هههههههههه

تقبل كل الود

 

 

 

 

[معلومات العضو مبارك الخييلي]

المستشار


جعلك سالم


يعطيك العافية وبيض الله وجهك على النقل المميز


ويستاهل التقييم


تقبل شكري والتقدير

 

 

 

 

[معلومات العضو المستشار]

المشاركة الأصلية كتبت بواسطة ذيب آل عريمه

يعطيك العافيه أخوي المستشار

تقبل كل الود

تسلم يمينك يالذيب

وبيض الله وجهك على المشاركه

ولك مني كل الشكر والتقدير

 

 

 

 

[معلومات العضو المستشار]

المشاركة الأصلية كتبت بواسطة مبارك الخييلي

المستشار


جعلك سالم


يعطيك العافية وبيض الله وجهك على النقل المميز


ويستاهل التقييم


تقبل شكري والتقدير

اخوي مبارك الخييلي

تسلم يمينك يالقرم على التقييم

وبيض الله وجهك

ورحم الله والديك

ولك من اخيك

كل الشكر والتقدير والإحترام

 

 

 

 

[معلومات العضو ابن قرنين]

لا هنت أخـــــــــــــوي المستشار على النقل الرائع والمبدع
وبيض الله وجهك يالسنافــــــــــي ...........

وصح لسان الشاعر :الفراعنـــــــــــــه......والله لو اني احد الشعراء المشاركين والله لنسحب و بسرعة من دون تردد ..........فرق واضح بين الفراعنه والباقين .....

ما سمعتو اخر خبر سمعته ................

في الحلقة الختامية .....بيكون الفراعنة معا لجنة التحكيم اللي ما يدرون ويش يقول....
ههههههههه

تقبلو خالص تحياتي للجميع
ابن قرنيــــــــــــن

 

 

 

 

[معلومات العضو المستشار]

المشاركة الأصلية كتبت بواسطة ابن قرنين

لا هنت أخـــــــــــــوي المستشار على النقل الرائع والمبدع
وبيض الله وجهك يالسنافــــــــــي ...........

وصح لسان الشاعر :الفراعنـــــــــــــه......والله لو اني احد الشعراء المشاركين والله لنسحب و بسرعة من دون تردد ..........فرق واضح بين الفراعنه والباقين .....

ما سمعتو اخر خبر سمعته ................

في الحلقة الختامية .....بيكون الفراعنة معا لجنة التحكيم اللي ما يدرون ويش يقول....
ههههههههه

تقبلو خالص تحياتي للجميع
ابن قرنيــــــــــــن

ولا هنت يالقرم

وبيض الله وجهك

اما اللجنه ان شهد انهم من جنبه مايفهمون

وتسلم يمنيك ياولد العم

وتشرفت بتعليقك