قصيدة عيسى بن حصن الشرافي

[معلومات العضو ولد ودعان]

قال عيسى بن حصن الشرافي عندما مر بمنازل اخواله المخاريم ورأى قصورهم بعلو الوادي,وقد تغير كل شيء,وقد كان اخباره لوالدته سببا لموتها اسفا على اخوتها.قال عيسى.

انا هاضني يوم وانا فيه ساند=الى ذي قصور الطيبين خراب
وقفت انا ادري النظر واعتبر ابها=لاكن ماوقف لها بجناب
ولكن ماشيد بها منازل=رفاع المباني كنهن هظاب
اقول له يادار وين ربيع=قالت قمر يوضي سناه وغاب
يادار سطان انا لقيته وينهو=ادعيه قوليه بالمراح اركاب
ربع معابير على اكوار ضمر=ولا عاد فوق اظهورهن زهاب
يبون العشا عندك ياعيد النضا=يبونه يوم انك سهل جناب
يادار وينهو فارس الخيل ماجد=لاحل باطراف الجموع ضباب
خوالي عزاز الجار كسابت الثنا=كرام اذا عاد الزمان جداب
ياويلنا يادار مما غدا بهم=وهو مقتفينا موقف وحساب
ولو ان قصدي الموت فالموت هين=ياسعد من يقبر يصير تراب
مير البلا الميزان والعدل بالقضا=ولا يختفي على الله بشيي غاب

والقصيدة أطول من ذالك

المصدر: (( كتاب / من أشعار الدواسر )) للفصام

 

 

 

 

[معلومات العضو عبدالرحمن الشرافي]

خوالـي عـزاز الجـار كسابـت الثنـا=كـــرام اذا عـــاد الـزمــان جــــداب

كفووووو والله بالمخاريم (( لاد المنيعي ))


ورحم الله الشاعر / عيسى بن حصن

وغفر له



والله يعطيك العافية يا ولد ودعان على النقل



وتقبل فائق التحية والتقدير

 

 

 

 

[معلومات العضو ولد ودعان]

المصدر كتاب (من أشعار الدواسر)

لــــــ محبوب بن سعد مدوس الفصام الدوسري

 

 

 

 

[معلومات العضو العماني]

الله يرحم الشاعر الكبير عيسى بن حصن الشرافا ويسكنه فسيح جنانه

وبيض الله وجهك اخوي بن ودعان على ايراد هذه القصيدة التاريخية لابن حصن في خواله آل ربيّع المخاريم

تقبل تحياتي،،

 

 

 

 

[معلومات العضو ابومبارك الدوسري]

ولد ودعان

صح لسانك ولسان الشاعر علي هالقصيده

ولاهنت علي هذا الأختيار الجزل

أحترامي

 

 

 

 

[معلومات العضو سالم بن محمد الشرافي]

لاهنت ياولد ودعان على هاذي القصيده للشاعر الكبير عيسى بن حصن رحمه الله

 

 

 

 

[معلومات العضو أبونواف الدوسري]

الله يرحم الشاعر الكبير عيسى بن حصن الشرافا ويسكنه فسيح جنانه

وبيض الله وجهك اخوي بن ودعان على ايراد هذه القصيدة التاريخية لابن حصن في خواله آل ربيّع المخاريم

تقبل تحياتي،،