ابن قطنان السبيعي وخاله ابن قرمله القحطاني......

[معلومات العضو ولد ودعان]

السلام عليكم ورحمة الله وبركاته :

اذكر لكم قصه الفارس سعد بن مسلط بن قطنان من قبيلة سبيع وخواله هم آل قرملة شيوخ قحطان ، وقصه خطبته وقصيدته .

في يوم من الايام ذهب ابن قطنان السبيعي للسلام على خاله الفارس عمر بن هادي ( ابن قرمله ) وينوي ان يخطب بنت خاله عمر ابن هادي واسمها ( شيخه ) وكانت على جانب من الجمال وعند وصوله لمنازل خاله عمر بن هادي قام له خاله بواجب الضيافه وبعد ذلك اخبر خاله بسبب مجيئه وانه يرغب بالزواج من ( شيخه ) ابنة خاله فاجابه خاله عمر ابن هادي وقال له : ياولدي متكاثرين يوم زوجنا أبوك وجابك وصرت عقوبة على خوالك قحطان ( يقصد بالفروسية والشجاعه ) لانه كل ماجاء واحد من قحطان عندنا يا ال قرمله قال اغار علينا ولدكم وصبحنا ولدكم وانا اخشى ازوجك شيخه ثم يجيك ولد يصير عقوبة على خواله قحطان بشجاعته مثلك.

عاد ابن قطنان لمنازل جماعته إلا ان امنيته لم تتحقق وكان متولع جدا بها واخذ له ايام ومرض وضعف حاله فذهبوا به جماعته لطبيب بعالج في ملكة المكرمة وفي يوم من الايام وهو على فراش المرض شاهد مجموعه من حمام الحرم يدرج بالقرب منه فهاضت قريحته بهذه الابيات :يقول ابن قطنان السبيعي :

شي وزا في خاطري مادريبـه=وهيضت مابي ياحمام الحرميـا
على الذي ماكسر النهـد صيبـه=في شبته مـادق ربـق البهميـا
وان طالت الشده عليهـم تعيبـه=ماسر حوها في نحـور الغنميـا
فوق اشقح زين الحنـي تلتويبـه=يدجر إلى مااوحا حساس الخدميا
يابنت من يشعا جهامـة حريبـه=واليا تبيـن لـه خفيـف لطميـا
سميهـا كـل العـرب تقتديبـه=شيخٍ على شيـخِ وفيـه العدميـا

وسلامتكم.........

 

 

 

 

[معلومات العضو طالب المجد]

الله يجيرنا من الحب .............يعطييك العافية يا ولد ودعاان

 

 

 

 

[معلومات العضو صالح الجعيدي]

ولد ودعان
،، مرحبا ،،
ولا هنت على إيراد القصة وقصيدتها يالغالي.

لا تبطي علينا بجديدك و إبداعك و مشاركاتك.
تقبل مروري ،، مع خالص التحية و الاحترام.

 

 

 

 

[معلومات العضو ولد ودعان]

أبشر انشالله بالنشاط يابن وشاكرلكم على مروركم الطيب

 

 

 

 

[معلومات العضو أبونواف الدوسري]

الأخ ولد ودعان

لا هنت على إيراد القصة وقصيدتها الجميله.

أخوك أبو نواف الدوسري.

 

 

 

 

[معلومات العضو صقر العرب]

شكرا على ايردا القصة والابيات
لكم فائق التقدير

 

 

 

 

[معلومات العضو ابن غلباء]

ولد ودعان ارحب مليااار ياخال

وسلمت يمينك ع القصه وحبيت انوه ترا ذي القصه استغلها الشيخ تركي بن حميد واستفزع بها السبعان

ولكن ذا مومجالها ..

تحياااتي

 

 

 

 

[معلومات العضو ثامر الدوسري]

ابن ودعان لا هنت يا البناخي على مجهووودك الطيب ...


تحياتي لك اخوك: ثامر الدوسري

 

 

 

 

[معلومات العضو أبو سعود الودعاني]

ارحب يابن عمي

لاهنت ولاهان غاليك

الشجاعه في سبيع الغلبا

معروفه شجعان وفرسان

كفو من دون نقصان في باقي القبايل

رحم الله الشاعر

ورحم الله الجميع

وتقبل خالص ودي