شيخة آل حفيظ

[معلومات العضو فهد المصارير]

مناسبة القصيدة : إهداء سند وأخوه حفيظ ( ناقة إلقحة ) لعمي : سحمي جميشان البجيري المصارير، الذي طلب مني كتابة القصيدة تخليدا ُ لفعلهم الكريم والذي غير مستغرب منهم :

ياسلام الله على أهل الوفا وأهل السلوم=الشيوخ القايدين الشيوخ المقدمين
يوم وقت الجيش والخيل من قوم ٍ في قوم=شيخة آل حفيظ سادات كل السايدين
هم هل الفزعة مع لاد عمار القروم=ضد جيش الترك واللي معه متحالفين
قادهم فرحان بالراي والفعل الجزوم=ناطحين الموت دون القرابة صاملين
شتتوا جيش العدو ثم ردوه مهزوم=وذي عوايدهم في حق الغزاة الطامعين
وهم هل المخباط فعل ٍ وصل حد النجوم=اشتهر بين القبايل فعل سند الثمين
عقّر الضمر ثلاث ٍ من الخيل القدوم=رمية ٍ من بارك الرجل يانعم اليمين
وهم هل الست المسمين والحق معلوم=معتزين ٍ بالبويضا ونعم المعتزين
والحقايق مثبته بالشواهد والعلوم=ومايغط الحق رجل ٍ سوى حقده دفين
وياسند ياحفيظ نفخر بكم في كل يوم=دامكم بسلوم جدانكم متمسكين
بالشجاعة والكرم والمهابة والعزوم=كاسبين الطايلة دايماً دنيا ودين
امدح الطيّب ولا احد ٍ من الطيب محروم=دون نقص ٍ في الرجال الكرام المكرمين
والعطية من عطايا الولي من دون سوم=ناقة ٍ من خيرة الذود ماتشرى بدين
مابدعت القاف من شانها على العموم=لانها عاداتكم كل وقت وكل حين
قلتها وانا من اللي يسدون اللزوم=الرجال العارفين الرجال العاقلين
قلتها وانا من اللي يوطون الخشوم=لابتي سقم العدو في الوغا علم ٍ يقين
لابتي لاد الحبيبي عمى عين الخصوم=نكزم العايل وتشهد لنا شهب السنين
دوسرياً وافتخر في الدواسر كل يوم= الزحول اللي تسمو ( بخطلان الايدين)

)


وسلامتكم ،،،،

 

 

 

 

[معلومات العضو راشد المسعري]

الشاعر: فهد المصارير



صح لسانك يافهد على القصيدة الجزلة ويستاهلون الممدوحين ماقيل فيهم ونعم والله

باهل الست " الشكرة " وبيض الله وجه سند واخوه حفيظ على هديتهم لعمك سحمي

وبيض الله وجهك على رد الجميل بهذه القصيدة الجزلة وتستاهلون الطيب يالاد الحبيبي

ياهل العشر. ولك مني أجمل الود والتقدير ،،،

 

 

 

 

[معلومات العضو غازي المسعري]

فهد المصارير

صح لسانك ولاهنت وبيض الله وجهك

تقبل تحياتي

 

 

 

 

[معلومات العضو نايف الخييلي]

فهد المصارير

صح لسانك ويستاهل سند واخوه حفيظ ال حفيظ

 

 

 

 

[معلومات العضو سالم بن صمهود]

فهد المصارير
صح الله لسانك وكفو في الممدوحين

 

 

 

 

[معلومات العضو فهدالمحيسن]

قصيدة رائعه بيض الله وجهك

 

 

 

 

[معلومات العضو حد السيف]

قلتها وانا من اللي يسدون اللزوم=الرجال العارفين الرجال العاقلين
قلتها وانا من اللي يوطون الخشوم=لابتي سقم العدو في الوغا علم ٍ يقين
لابتي لاد الحبيبي عمى عين الخصوم=نكزم العايل وتشهد لنا شهب السنين
دوسرياً وافتخر في الدواسر كل يوم= الزحول اللي تسمو ( بخطلان الايدين)


اخوي فهد المصارير والله انك كفو انت ولابتك وصح الله لسانك وجعل شيبانك في الجنه

اخوك/ناصر بن عجب ال حفيظ

 

 

 

 

[معلومات العضو بوحمد الحمد]

لاهنت على الكلمات الطيبه


بيض الله وجهك

وصح السانك

تقبل مروري

 

 

 

 

[معلومات العضو فيصل الشكري]

الاخ / فهد المصارير


صح لسانك ولاهنت على القصيدة الجزلة


تقبل وافر التقدير ,,

 

 

 

 

[معلومات العضو فهد المصارير]

شكرا ً لمرور الجميع ،،،

 

 

 

 

[معلومات العضو قديم الشوق]

المشاركة الأصلية كتبت بواسطة فهد المصارير

مناسبة القصيدة : إهداء سند وأخوه حفيظ ( ناقة إلقحة ) لعمي : سحمي جميشان البجيري المصارير، الذي طلب مني كتابة القصيدة تخليدا ُ لفعلهم الكريم والذي غير مستغرب منهم :

ياسلام الله على أهل الوفا وأهل السلوم=الشيوخ القايدين الشيوخ المقدمين
يوم وقت الجيش والخيل من قوم ٍ في قوم=شيخة آل حفيظ سادات كل السايدين
هم هل الفزعة مع لاد عمار القروم=ضد جيش الترك واللي معه متحالفين
قادهم فرحان بالراي والفعل الجزوم=ناطحين الموت دون القرابة صاملين
شتتوا جيش العدو ثم ردوه مهزوم=وذي عوايدهم في حق الغزاة الطامعين
وهم هل المخباط فعل ٍ وصل حد النجوم=اشتهر بين القبايل فعل سند الثمين
عقّر الضمر ثلاث ٍ من الخيل القدوم=رمية ٍ من بارك الرجل يانعم اليمين
وهم هل الست المسمين والحق معلوم=معتزين ٍ بالبويضا ونعم المعتزين
والحقايق مثبته بالشواهد والعلوم=ومايغط الحق رجل ٍ سوى حقده دفين
وياسند ياحفيظ نفخر بكم في كل يوم=دامكم بسلوم جدانكم متمسكين
بالشجاعة والكرم والمهابة والعزوم=كاسبين الطايلة دايماً دنيا ودين
امدح الطيّب ولا احد ٍ من الطيب محروم=دون نقص ٍ في الرجال الكرام المكرمين
والعطية من عطايا الولي من دون سوم=ناقة ٍ من خيرة الذود ماتشرى بدين
مابدعت القاف من شانها على العموم=لانها عاداتكم كل وقت وكل حين
قلتها وانا من اللي يسدون اللزوم=الرجال العارفين الرجال العاقلين
قلتها وانا من اللي يوطون الخشوم=لابتي سقم العدو في الوغا علم ٍ يقين
لابتي لاد الحبيبي عمى عين الخصوم=نكزم العايل وتشهد لنا شهب السنين
دوسرياً وافتخر في الدواسر كل يوم= الزحول اللي تسمو ( بخطلان الايدين)

)


وسلامتكم ،،،،

الغالي / فهد المصارير

صح لسانك طال عمرك

ونعم بآل حفيظ والله

رجال وكفو ويستاهلون

قصيدة جزلة وأكثر من رائعة

فقط لي ملحوظة على الشطر الثاني من البيت الأخير

(الزحول اللي تسموا بخطلان الايدين )

ومعلوم أن فيه خطأ غير مقصود والصحيح ( الزحول اللي تسموا بخطلان اليدين )

حيث أن المعنى والوزن كلاهما يستلزم ذلك

وتقبل فائق احترامي وتقديري

أخوك / قديم الشوق

 

 

 

 

[معلومات العضو ابو زيد الغييثي]

صح لسانك يافهد على القصيدة الجزلة ويستاهلون الممدوحين ماقيل فيهم ونعم والله

باهل الست " الشكرة " وبيض الله وجه سند واخوه حفيظ على هديتهم لعمك سحمي

وبيض الله وجهك على رد الجميل بهذه القصيدة الجزلة وتستاهلون الطيب يالاد الحبيبي

ياهل العشر. ولك مني أجمل الود والتقدير

 

 

 

 

[معلومات العضو ابوبدر المصارير]

بيض الله وجيهكم يالشكره

وصح الله السان الشاعر الجزل ابو طلال

 

 

 

 

[معلومات العضو محمد بن سالم الخضراني]

لابتي لاد الحبيبي عمى عيـن الخصـوم
نكزم العايل وتشهد لنا شهـب السنيـن
دوسرياً وافتخر في الدواسـر كـل يـوم
الزحول اللي تسمو ( بخطلان الايديـن)


اخوي الشاعر فهد المصروري

صح لسانك ويستاهلون اهل الست

وكفو والف نعم بكم وبهم