|
|||||||
06-10-2010, 05:48 AM
|
#1 | ||||||
|
قصيده الشاعر خليل الشبرمي (( مدح شيخ: حمد بن خليفه ال ثاني))
هذه قصيدة خليل الشبرمي التميمي التي قالها في برنامج شاعر المليون في مدح الشيخ / حمد بن خليفة ال ثاني حفظه الله ورعاه امير دولة قطر الحبيبه بسم رب العباد ابدا ولا ابدا غيـر بسـم الله أول بـادي الحليم العليم اللي يرى ويشوف ما فـي قلـوب عبـاده يا الله اليوم وفقني وعطني مطلبـي يالولـي ومـرادي وسدد أمري وشد أزري على ضيم الدهر والزمن وجهاده واعفُ عني واعني يا معين وقدني واهدنـي يـا هـادي وحل بالحال عقده من لساني يـا إلهـي وحـل قيـاده يا سلامي سلام الله سلامٍ صافـي مـن صميـم فـؤادي يا سلامي عليكم يا منـار العـز دولـه وشعـب وقـاده وما نشا وارتكم ثم ارتهش وارهش وجهّى غشين وجادي وشب من شرق برقٍ بالدجى سرهج سناه ورجس رعاده ثن جزل التحايا والثنـا ثنـه لابـن ثانـي المعضـادي حاكم نادرٍٍ منتوب مـن هامـة مضـر صافـي ميـراده ولتميم القبيلة تاح راسـي لا بتـي عزوتـي واسيـادي ولتميم الغضنفر ساعد السبـع المظفـر حمـد وسنـاده وبعدها قلت يا شرد المعاني ريعـي واذعنـي وانقـادي واصغري واخضعي لامجاد شيخ شامخ مثل شم اطـواده حازم حاسم حلحيل ومحنـك وحاكـم وحكيـم حيـادي عـز داره وشعبـه للحضـارة والعـلا والتقـدم قـاده اقتصادي سياسي دبلوماسي عسكـري داهيـة وريـادي قاد نهضة قطر للعالميـة شاهـدوا واشهـدوا بامجـاده والله اللي ليا منه عطى جزل العطا وان وهـب جـوادي بالحسب والنسب مع بسطه فالعلم والجسـم ربـي زاده هيلعـيٍ صميـدع صيرمـيٍ صــارمٍ سـاطـي ورادي يعربي معـرب حنظلـي مـن تميـم ووهيـب اجـداده أقسى الامه على الدجال والعيـال والمعتـدي والغـادي وذا حديث النبي المصطفى عند البخاري صحيح اسنـاده سيدي يالاسد يا سد مـأرب يالهـدا بالمحيـط الهـادي ياحمـد يازبنـا ياذرانـا ياعمـود الوطـن واوتــاده فيك رسم الشهامه والشجاعه والندى والمبـادي بـادي وفيك حزم الزعيم وهيبة الزيزوم وعزوم فـوق العـادة من سلايل سليل المجد قاسم قاسم الحرب عوق العـادي يكرم ضيفه ويعين الضعيـف ويـردع ويلطـم الهـداده قاسم الليث هذاب السرايـا بالبحـر والوعـر والـوادي ما يهاب المنايـا فـارس مقـدام واريـاه قـدح زنـاده جعله لجنة الفردوس من راحت حياتـه جلـد وجهـادي يضرب الكود ويدوس الافاعي لين عفّـا حـدود بـلاده آل ثاني هل العليا أولـى بـأسٍ شديـد وسبـط ايـادي كاسبين الثنا والطيب والطولات سـادة قطـر وعمـاده والمعاضيد لابان الضديـد بساحـة المعركـة والمـادي يـاردون المنايـا ورد هيـم ونارهـم دايــم وقــاده لابتي عزوتي للضيـف ريـف وللمعاديـن بالمرصـادي ومن زبنهم وجاهم في وطنهم زبنـوه وعطـوه مـراده ويا قطر دونك رجال ليا حـل الخطـر بالعمـار تفـادي من جميع الحمايل عند هيجـات العـزاوي تجـي وراده انشد الشقب عن صبح رمضان وهول كون جرت وطرادي ومن بغى زود افاده ينشد الخفجي وتعطيـه زود افـاده الحقايق جليله والمشاعـر حاضـره والبيـوت جـدادي صاغهن شاعر طولات ربعه يـا عـرب تفحـم العـداده وحشـا لله كـل فـي حقـه والعـرب نـازل وشـدادي والله يلـوم اللـي يلـوم اللـي يهيـم بهلـه وابـداده الفرزدق جرير العرفج اللوح القضـاه الصقيـه استـادي كلهم من تميم ومن حضر يدلـي بدلـوه مـن القصـاده حامي حامي حاضر بحاضر وان حدا للحماسـه حـادي شاعرك ماذخر واله الفخر يا سيدي لا فتخـر باسيـاده واسلم واسلم ودم واقبل قصيد صادق من صميم فـؤادي نظم حر تميمي يفتخر فـي لابتـه مـا نظمـه شحـاده قلتها وادري ان الطيـب كايـد والفتـى زارع حصـادي وكل مخلوق يلقى ما زرع لاحط فـي ضيقـات الحـاده وعد ما عاد عيد وفاح ريح العود الازرق وريح الكـادي ختمها يا صلاة الله على صفوة قريـش وجميـع عبـاده
|
||||||
|
|
|
|
07-10-2010, 01:42 AM
|
#2 | ||||||
|
رد: قصيده الشاعر خليل الشبرمي (( مدح شيخ: حمد بن خليفه ال ثاني))
لاهنت يابوسعيد على النقل ويستاهل الشيخ حمد ماقيل فيه
|
||||||
|
|
|
|
07-10-2010, 10:01 AM
|
#3 | ||||
|
رد: قصيده الشاعر خليل الشبرمي (( مدح شيخ: حمد بن خليفه ال ثاني))
صح لسانك وصح لسان شاعرها
|
||||
|
|
|
 |
«
الموضوع السابق
|
الموضوع التالي
»
| الذين يشاهدون محتوى الموضوع الآن : 6 ( الأعضاء 0 والزوار 6) | |
العرض العادي
|
|
|
|
|
إعلانات نصية |
| منتديات صحيفة وادي الدواسر الالكترونية | |||
الساعة الآن 06:54 PM
