لاقسى الوقت

[معلومات العضو عبدالرحمن الذايدي]

السلام عليكم ورحمة الله وبركاته


هذي اول قصيده لي في هذا المنتدى الشامخ

والقصيده هذي تحكي خلاف حصل بيني وبين احد الاشخاص العزيزين على قلبي

وكتبت هذه القصيده واتمنى ان تحوز على رضاكم


صلو على النبي

لا يا بعدي ماهو صحيح الذي جاك = لا و لا تصدق كل عاذل وواشي
انا عشيرك وإن طلبتن انا فداك = ما أبخل بها روحي عليك انت غالي
أنا عزيز النفس وحنيت لرضـاك = وجيتك أوضح موقفي واندهاشـي
ماهو بنا اللي لا قسـى الوقت خلاك = أنا لك الله دايم الدوم وافـي
الله حسيبك كيف صدقت بي عداك = وخلوك تشكي قسوتي وانفعالي
مفروض ماتزعل علي قلب صفاك = من بين كل الخلق قاصي ودانـي
تعال قلي عاتب النفس وش جاك = ترى الزعل ماهو بطبع الرجالي
تعال وضح عاتب أصحاب دنياك = ترى الرفيق أصدق من لسان حالي
فاهم كلامي ما أعتقد شي يخفاك = وإن كان خافي شي أكرر كلامـي
لا يا بعدي كله أكاذيب ماجاك = لا و لا تصدق كل عاذل حكابـي
وإن كان ترضـى ياعشيري كسبناك = وكانك تغلى الخلا ياحلالــــي

وسلامتكمـ


نبي نشوف تفاعلكم اخواني بردوود وان شاء الله راح نعطيكم مالدينا من جديد

من القصايد المقروئه والمسموووعه

اخوكم عبدالرحمن الذايدي

 

 

 

 

[معلومات العضو فهد]

وإن كان ترضى ياعشيري كسبناك***وكانك تغلى الخلا ياحلالي


صح لسانك اخوي عبدالرحمن


وقصيده جميله في كلماته


وننتظر جديدك

 

 

 

 

[معلومات العضو تركي ال فنيس]

قصيده رائعه من شاعر رائع لاهنت ياعبدالرحمن والي الامام

 

 

 

 

[معلومات العضو منذر بن رشود]

صح لسانك عبدالرحمن


وجعلك في زوووود


لاهنت

ولا خلا ولاعدم

 

 

 

 

[معلومات العضو عبدالرحمن الذايدي]

صحت ابدانكم اخواني


ابوبدر

وتركي الودعاني

وابوحمد


ومشكورين على المرور

 

 

 

 

[معلومات العضو العماني]

صح الله لسانك اخوي الذايدي على هذه القصيدة الطيبه ولاتحرمنا من مثل هذه الابداعات

تقبل تحياتي،،

 

 

 

 

[معلومات العضو عبدالرحمن الذايدي]

صح بدنك اخوي العماني واسعدني مرورك وتواجدك في صفحاتي

 

 

 

 

[معلومات العضو نايف]

صح لسانك يالذايدي على القصيده الطيبه وفي انتظار ابداعاتك ,,,,

تقبل تحياتي ,,

 

 

 

 

[معلومات العضو محمد الغريري]

أنا عزيز النفس وحنيت لرضاك = وجيتك أوضح موقفي واندهاشي

بيت بصراحة مبهر واعجبني

صح الله لسانك يا عبدالرحمن الذايدي


على القصيد الجزل ولا تحرمنا من ابداعاتك الجديدة


اخوك في الله

محمد الغريري

 

 

 

 

[معلومات العضو عبدالرحمن الذايدي]

صح بدنك اخوي نايف ومشكوور على المرور

 

 

 

 

[معلومات العضو عبدالرحمن الذايدي]

صح بدنك اخوي محمد ومشكور على المرور