|
|||||||
06-12-2009, 01:45 PM
|
#1 | ||||
|
مختارات من روائع الشعر النبطي
السلام عليكم ورحمة الله وبركاته اخترت لكم مختارات من روائع الشعر النبطي متمنيا ان تحوز على رضاكم واستحسانكم محمد الاحمد السديري
لا خاب ظنى بالرفيق الموالى = مالـي مشاريـه علـى نايـد النـاس لعل قصر ما يجي لـه اظلالـى= ينهـد مـن عالـى مبانيـه للسـاس لا صار ما هو مدهل للرجالى = وملجأ لمن هو يشكى الظيـم والبـاس بركات الشريف
يا مالك اسمع جابتي يوم اوصيـك=وأعرف ترى يابوك بآمرك وانهـاك وصيـة مـن والـد طامـع فيـك=تسبق على الساقه لسانه لعليـاك أوصيك بالتقوى عسى الله يهديـك=لهـا وتدركهـا بتوفيـق مـولاك ولا تحسب أن الله قطـوع يخليـك=ولا تفرح إن الله على الناس بـداك رافق أصيل فـي زمانـك يشاكيـك=لا شاف خلاتك عن الناس غطـاك ياذيب وإن جتك الغنم في مفاليـك= فاكمن الين إن الرعــــــايا تعداك فيما مضى يا ذيب تفـرس بياديـك=واليوم جاء ذيب عن الفرس عـداك ياذيب عاهدني وعاهـدك مارميـك=مرميك أنا ياذيب لـو زان مرمـاك الحر مثلك يستحي يصحـب الديـك=وإن صاحبه عاعا مععات الاديـاك ما خطاك ما صابك ولو كان راميك=واللي مصيبك لو تتقيـت مخطـاك ابودباس
يا الله يا اللي رد من عقـب مايـأس=يوسف على يعقوب وابصر نظيـره ترد علي دباس يا محصـي النـاس=يـا عالـم مـا بالخفـا والسريـره يا دباس انا بأوصيك عن درب الأدناس=ترى الـذي مثلـك يناظـر مسيـره عليك بالتقوى ترى العز يـا دبـاس=في طاعة اللي مـا ينجيـك غيـره عشرين عام كلها ارجيك يـا دبـاس=مثـل الغريـر اللـي تولـع بطيـره عدل المناكب هيلع فـرخ قرنـاس=يمناه من لطـم الحبـاري شطيـره عانق خلوج روحت عقب مـرواس=عنـد العصيـر لبيضهـا مستذيـره يا دباس أنا يا بوك ما نيـب بـلاس=ميـر ان عيـلات الرفاقـه كثيـره جنبت وسط السوق وامشي مع الساس=واخذ شوي الحـق وأتـرك كثيـره دباس
فرزا الوغى كنه على الوكر قرنـاس=قـروم ربعـه كلـهـا تستشـيـره دليـل عيـرات لياهـب نسـنـاس=ثـم ادلهـم الجـو ومابـه ذخيـره مهفي الغنم لأهل الركايب والأفـراس=لا روحـوا لـه لا عليهـم قصيـره راعي معاميـل بهـا العبـد جـلاس=للبـن يشـري بالسنيـن العسيـره هاذي بمركاهـا وهـاذي بمحمـاس=وهـاذي يصبـه للوجيـه السفيـره سليمان بن شريم
لا دك فـي قلبـي مـن الهـم داكـوك=جاوبت طربات الحمايـم علـى الـراك عزي لحالك يـا عزيـز وأنـا ابـوك=.كان الزمان اللـي وطانـي توطـاك إفهم وصاتي يـا عزيـز وأنـا ابـوك=.دامك صغيـر وغايـة العلـم يقـراك تـراه مـا ينفعـك خالـك ولا أخـوك=لا صار مـا تقضـي لزومـك بيمنـاك وربعك ليا بان الخلـل فيـك عافـوك=أقرب قريب ٍ لك مـن النـاس يشنـاك إن كثر مالك صدقـواّ لـك وطاعـوك=وإن قل مـا بيديـك شانـت حلايـاك كنـك سـراج البيـت للنـور شبـوّك=.وإلى إنقضى اللازم حدا الربع طفـاك وألا كمـا ليمونـة الحمـض مصـوك=وإلا قضى منهـا الطعـم فرغـوا ذاك بديوي الوقداني
أيــــام فــــي غـلـبـهــا وايـــــام نـغـلـبـهـا =وايـــام فـيـهـا ســــوا والــدهــر مـيـالــي جـربــت الأيــــام مـثـلــي مــــن يـجـربـهـا =تـجـريـب عـاقــل وذاق الـمــر والـحـالــي نـضـحـك مـــع الـنــاس والـدنـيـا نلاعـبـهـا =نمشي مـع الفـي طـوع حيـث مـا مالـى نوره الهوشان
يا عين هلّي صافى الدمع هلّيـه =واليا انتهى صافيه هاتى سريبه يا عين شوفي زرع خلك وراعيه =شوفي معاويده وشوفي قليبـه لا مرني بالدرب ما قدر احاكيه =مصيبةٍ ياكبرها مـن مصيبـه اللي يبينا عيّت النفـس تبغيـه =واللي نبي عيّا البخت لا يجيبـه بخوت المريه
ياجماعة وإن عزمتوا على أنكم راحليـن=غمغمونـي عـن مظاهيركـم لاشوفهـا كن في قلبي لهب نـار ربـع(ن) نازليـن=اشعلوهـا بالخـلا والهبـوب تلوفـهـا ول عود(ن)لاش رحمه ولا قلب(ن) يليـن=عسى ذودك في نحر قوم(ن) وانت تشوفها عيدوا بي في الخـلا والفريـق معيديـن=كل عـذرا نقشـت بالخضـاب كفوفهـا راشدالعجمي(ابن الذيب)
الولد وان طاب طيبه مـن خوالـه=بالخـوال يسـال قبـل الوالدينـي أشـرب الفنجـال واكـب البيالـة=طيـب واحـب سلـم الطيبيـنـي لالقيت اللي على السكه لحاله=واقف ويقول وين المستحيني اوقف الموتر حيا وابغى الجماله=يوم ولد اللاش وجهه مايليني راكان بن حثلين
يا ما حلا الفنجال مـع سيحـة البـال=في مجلسـن مـا فيـه نفسـه ثقيلـه هـذا ولـد عـم وهـذا ولـد خــال=وهـذا رفيـق مــا لقيـنـا مثيـلـه يـا ليـت رجـال يـبـدل بـرجـال=ويا ليت فـي بـدلا الرياجيـل حليـه شالح بن هدلان
ياذيب انا بوصيك لا تاكـل الذيـب=كم ليله عشـاك عقـب المجاعـه كم ليله عشـاك حـرش العراقيـب=وكم شيخ قوم كزتـه لـك ذراعـه كفه بعدوانـه شنيـع المضاريـب=ويسقي عدوه بالوغى سـم ساعـه ويضحك ليا صكت عليه المغاليـب=ويلكد على جمع العـدو باندفاعـه راشد الخلاوي
نعـد الليالـي والليالـي تعدنـا=والعمر يفنـى والليالـي بزايـد ولايــد الا يـــد الله فـوقـهـا=ولاغـالـب الا لــه الله غـالـبـه تقادير من لا لـه شريـك ولا مثـل=ولا له وزيـر فـي برايـاه قاطبـه له الحكم والتصريف والفصل والقضى=وما شاء من شئ في اياديـه غالبـه من قال لك ان الحـذر يمنـع القـدر=فاقاويل جاهـل مـن ابليـس كاذبـه واجهد وجاهد واغنم الـروح يافتـى=وحافظ على خمس مـن الله واجبـه فلا راس مـال المـرء الا صلاتـه=فان ضاع راس المال فالحال خاربـه حجرف الذويبي
يقـول ابـن عيـاد وإن بـات ليلـه=مانـي بمسكيـن همومـه تشـايلـه أنـا اليـا ضاقـت عليـه تفرجـت =يرزقنـي اللـي ما تعـدد فضايلـه يرزقنـي رزاق الحيـايـا بحجرهـا =لا خايلـة برقـن ولا هـي بحايلـه ترى رزق غيـري يا ملا ما ينولنـي =ورزقي يجـي لو كل حـي يحايلـه بداح العنقري
الله لحـد يـا مـا غـزينـا وجينـا =ويامـا ركبنـا حاميـات المشاويـح ويامـا علـى أكـوارهـم اعتلينــا =ويامـا ركبناهن عصيـرن مراويـح ويامـا تعـاطـت بالهنـادي يدينـا =ويامـا تقاسمنـا حـلال المصاليـح وراك تزهـد ياريـش العيـن فينـا =تقـول خيال الحضر زيـن تصفيـح الطيـب مـا هـو بـس للظاعنينـا =مقسمـن بيـن الوجيـه المفـاليـح البـدو واللـي بـالقـرى نازلينــا =كلـن عطـاه الله من هبَّـة الريـح تركي بن حميد
ياما حلا ياعبيد في وقت الاسفار =جذب الفراش وشبّ ضوّ المنارة
مع دلة(ن) تجذا على واهج النار =ونجر إليا حرّك تزايد عباره في ربعة(ن) ماهيب تحجب عن الجار=لا منّ خطو اللاش ما شبّ ناره النجر دقّ وجاوبه كل مرّار =مالفّه الملفوف من دون جاره وأخير منها ركعتين(ن) بالاسحار =لاطاب نوم اللي حياته خساره تلقاه في يوم(ن) يضيعن(ن) الافكار =يوم(ن) على المخلوق ما اطول نهاره
|
||||
|
|
|
|
06-12-2009, 01:51 PM
|
#2 | |||||
|
رد: مختارات من روائع الشعر النبطي
|
|||||
|
|
|
|
06-12-2009, 01:56 PM
|
#3 | ||||||
|
رد: مختارات من روائع الشعر النبطي
صح السانك وبيض الله وجهك يالشقردي
|
||||||
|
|
|
|
07-12-2009, 12:01 AM
|
#4 | ||||
|
رد: مختارات من روائع الشعر النبطي
اللــــــــه يــبـيــض وجـهـك
|
||||
|
|
|
|
07-12-2009, 12:19 AM
|
#5 | ||||||
|
رد: مختارات من روائع الشعر النبطي
|
||||||
|
|
|
|
07-12-2009, 08:10 AM
|
#6 | ||||||
|
رد: مختارات من روائع الشعر النبطي
اقتباس:
يامرحبا يا خميس ياقرم الغييثات ،،، ولاتهون يالغالي وعطرت الصفحه والموضوع بمرورك الكريم
ولك تحياتي وتقديري
|
||||||
|
|
|
|
07-12-2009, 08:20 AM
|
#7 | |||||
|
رد: مختارات من روائع الشعر النبطي
اقتباس:
يامرحبا بالقرم نسل الاجاويد=يامرحبا ترحيبة مالها عداد
الله يطول عمرك على طاعة الله يانسل الاجاويد وشرفني مرورك الكريم على الموضوع
وتقبل تحياتي وتقديري
|
|||||
|
|
|
|
07-12-2009, 08:29 AM
|
#8 | |||||||
|
رد: مختارات من روائع الشعر النبطي
|
|||||||
|
|
|
|
07-12-2009, 09:13 AM
|
#9 | ||||||||
|
رد: مختارات من روائع الشعر النبطي
شكرآجزيل
علـــى هذا الإنتقاء الجميل جدا والرائع
|
||||||||
|
|
|
|
07-12-2009, 09:37 AM
|
#10 | ||||||||
|
رد: مختارات من روائع الشعر النبطي
راكان بن حثلين
|
||||||||
|
|
|
|
07-12-2009, 02:14 PM
|
#11 | ||||||||
|
رد: مختارات من روائع الشعر النبطي
|
||||||||
|
|
|
|
09-12-2009, 08:17 AM
|
#12 | ||||
|
رد: مختارات من روائع الشعر النبطي
عاشق هريسان
متعب الصخابره متعب الشكري حماد الدوسري شيهانه بكف صقار العنووود شاكرلكم مروركم الكريم على الموضوع واللي عطرتوا فيه الصفحه والموضوع وكلامكم الطيب مع فائق التحيه والتقدير
|
||||
|
|
|
|
09-12-2009, 10:45 AM
|
#13 | ||||
|
رد: مختارات من روائع الشعر النبطي
بيض الله وجهك على الانتقاء المميز
|
||||
|
|
|
|
23-12-2009, 07:33 AM
|
#14 | |||||
|
رد: مختارات من روائع الشعر النبطي
اقتباس:
وتقبل تحياتي
|
|||||
|
|
|
|
23-12-2009, 10:05 AM
|
#15 | ||||
|
رد: مختارات من روائع الشعر النبطي
تسلم يمناك لاهنت ياخوي
|
||||
|
|
|
 |
«
الموضوع السابق
|
الموضوع التالي
»
| الذين يشاهدون محتوى الموضوع الآن : 3 ( الأعضاء 0 والزوار 3) | |
العرض العادي
|
|
|
|
|
إعلانات نصية |
| منتديات صحيفة وادي الدواسر الالكترونية | |||
الساعة الآن 11:33 PM
