سعد بن جدلان (بعض قصايدة ) !!

[معلومات العضو عبدالرحمن بن عويس]

أحببت أعرض لكم بعض روائع

الشاعر الكبير (( سعد بن جدلان الأكلبي )) !!


ياصاحبي !!!!

ياصاحبي شوفتك عقب التشافـيق
تـحيي ضمـيرٍ دنا مـنه اليباسي
من لامـني جـعل تفـجاه التفافيق
والـكلّ منـهم محقـق ومـتواسي
بقـصيرات العـدن روس الصناديق
عكف الأصابع رهيفـات الـكراسي


يامرحبا يا صاحبي !!!!

يامـرحبا ياصاحبي طيّب الصـحبه
يليّ تصادق مع وليـفك وتـوفيّ له
يالليّ كلامـك من غـلاك اقـرح به
هرجك يوسع خاطري من شفاتـي له
كـنّ الكـواكب فيّ محيـّاك منسحبه
تلعج مقابيس الدجاء من ورى الشيله
الأحسـاد فرقـا شـملنا لافـرحّ بـه
إللّي معوشـتهم عـلى الـذلّ والحيله


يا وليــفي !!!!

أنا يـوم اجيّ وأمركم ياوليـفي حـنج
ولا وديّ أقــرابك تـلدّ النـظر فـيّه
لعبّ بيّ غرامك فالخفا لعبة الشطرنـج
ليا دار لعبه بين الأعـضاء السياسـيه
وسبح بي غرامك سبح موج البحر فاللنجّ
غفلت وغـدابي حبّـك شويّه ..شـوّيه
لاشـفت زولك قام يدخل أعظـامي بـنج
أسولف مـع العالم وقـلبي له نحـيّه

ياليل سرى برقه !!!!

سبحان والـيك يالــيلٍ سرى برقـه
أراقـبه والعرب في نومـها غـرقا
ماصدّت من شوفك الاّ الهم والـحرقه
بعض الملاقا تعوّضـني به الـفرقـا
حبٍ مـع حبّ غـيري ماظهـر فرقه
غديتّ كنّـي شفـيع وحـبّه الـزرقـا


مايسمح البال !!!

كـمّ مــفرقٍ كلّ ماجــيته تعديته
أشـوف خطّه ولا أقراء ويش لوحاته
ياكود مفرق رقبة العطـف لاجـيته
يـفرض عليّ الألتفاته والتـنهّاتـه
فيّ حشـمة الليّ مصافيني وصافيته
من خلقـتي ماحدٍ سـوّى بيّ سواته
مايسمح البال لين أقـف على بـيته
وأضرم له أضرامة الزيدي على قاته


أنا اللي همومي !!!!

أنا الليّ همومي صايراتٍ عليّ كـدر
لوّ انها تحوّل فـوق غيري فقد عقله
لامنه اشـتغل موضوعها داخل الصدر
تقلّ فايـزٍ وسطه فريـقٍ يصـفقّ له
على الصاحب الليّ مانـويناه بالـغدر
شـفوقٍ عليّ وانا ماغـير أتشـفقّ له
بنا بيت حبّـه فالحشا وأسس الـجـدر
وخـلاّ معالـيق الضـماير تخافق له


يا كبدي !!!!

ياكـبديّ الليّ من الحرمان منهشـمه
فيـها من العـام نــــجـارٍ بشاكـوشه
واللـيّ هشمها شفاتٍ دونـها حـشمه
أرهى علــى الليّ تـبي نفسي ولا أنوشه
حجزٍ يرّد الرجـاوي من ورى خشمه
وأنّ رده الـحجز والاّ ضاع فالـــطوشه
عـمّر بـيوتٍ عـلى بيـبانها رشـمه
وبــطونها بأفخـم الشـيراز مفـروشه


مــدري متى تقدرين !!!!

مـدري متى تـقدريـن المـشيّ يـارجلي
حـتى لامنّـي بغــيت الازم أنــهجـله
أمــرّ راع العـيون النـعّـس الـنـجلي
اللـيّ لـذا الحــين وجروحـي منه وجله
هرجه كما السكر اللـيّ في لبـن هـجـلي
لا روّحـت مـن نـبات المـكر والرجـله
مدامـعٍ مــن بشـاشـتها تبـلّـجـلي
أشـفـي لها من لأغـاره والشـفـق لـجله
ويضـفيّ عـلى لـبةٍ كـالـوهرّ الـمجلي
شـقرٍ تقـل مـن حـرير الـهند يـنـسجله


فاعل خير !!!!

أنا ويـن أبلـقى يالاجـاويد فـاعل خـير
حـريصٍ عـلى سرّ المحـبين لارسـلته
أناّ لوّ أبـصبر عـام مابـان بـي تـأثير
وهالحـين حتّى الصبر يومين ما أحـتلته
أنا مــثل صـقارٍ تـولّـع بحبّ الطـير
ولف قلبـه فـروخ الصـورايم وهـبلته
تـولعـّت في فـرخٍ قضـيبٍ يـتلّ السير
ابـيّ نظـرتٍ من لفـتة الـحرّ وسـبلته
صغـيرٍ بـسنّه غـير عندي ماهو بصغير
يامغـلاه في قـلبي وياكبـر مـنزلـته
أجمعله سمان الهرج خـوفٍ من التقصير
والى جـيت ابشرح له كلامـي تهيزلته
يجيني منّه هيبه . معزه . سحى . تقدير
اقـابلـه عـندي عـلم وأروح ماقلـته



الايا هبوب البارده !!!!

ألا يـالـهـبـوب الــبــارده عـجـلــي هــبـــي
علـى جـاش مـن قامـت هواجيسـه أتلـوبـه
أنــــا مــــرةٍ أصــحـــى ومـــــره يـغـيـبــي
وأســرح مـــع كـثــر الـطــواري بغيـبـوبـه
ألا يــادهـــر مــاهـــوب حـــــقٍ تـلاعــبــي
وخـلـيـتـنـي لـمــقــرد الـخــلــق لـعـبـوبــه
أعـبـادٍ مـغـفـلـهـا الـــزمــــان وتــعــجــبــي
يحسـبـون قــل الـمـال فـالـرجـل عـذروبــه
وأنــا قـانــعٍ بـالـلـي عـلــي كـاتـبـه ربـــي
ومــؤمــن بـمـقــدوره وقــانــعٍ بمـكـتـوبـه
ولا أبـغــى عـمـا ألـريـاء برأيه يـجـربــي
وهــو مـاعـرف مـاجـوب ربــي وماجـوبـه
هـدور المجـالـس راعــي الـمـدح والسـبـي
وهـو بالخـلاء لـو جـاه بنـتٍ خــذت ثـوبـه
يقولـون لــي جــز مــن تصـرفـك وتحـبـي
وهـي توبتـي مـن مجتمعهـم هــي التـوبـه
ديــــار الـوبـاء مــن طـبـهــا راح مـتـوبــي
وقرابـة الجـربـاء عـلـى الـحـول مجـروبـه
أنـاعــارفٍ مـنـصـاي ألامـــن بــــدا نــبــي
وعـارف طريـقـي والــذي بالتـجـه صـوبـه
وأنا أعرف من أعادي وأناأعرف من أحبي
وبــه نــاس لاتـعـرف ولاهـيــب محـبـوبه


ياعلاوي نجد !!!!

ياعــلاوي نجـد علـك مراديـم السحـاب
ديــــــــرةٍ فيهـا تربيــت يـوم انـي صغيـر
ياطبيب النفس شنهـو عـلاج الاكتئـاب
اعطني وصفة اعلاجه ترى وضعي خطير
عشت في غربة حقايق وفي وضع اغتراب
والتـجارب علمــــتنـي علـى شـي كــثيـر
استـــــفدت من الذيابه ومـن نبـح الكـلاب
واستفدت من الرغا واستفدت من الهديـر
ولاكسبت الا معرفـة عزيزيـن الجنـاب
ولاخسرت الامعرفـة عديــــميـن الضميـر
اقترب لا مقترب شين بعـض الاقتـراب
ابتعـــد لا مابتــــعد شـي فـي حقـي كبيـر
ياسؤالٍ كـل ماطـرحـك ملــقالـك جـواب
مالي الا الصبر وأهل الصبر توعد بخيـر
وصف خلان الرخا مثل ضحضاح السراب
يفرح العطــــشان شوفــه يحسب انـه غديـر
والردي لو هو ولد عم لاتحسب له احساب
كم عزيـــــــزٍ ذلـه الوقـت بــضيافـة حقيـر
والدروس انـواع تطبيـق والا بأنتسـاب
بس أنا اللــــي طبـــّق الـدرس قـدام المدير !!



أخوكم/
عبدالرحمن بن عيسى بن عويس

 

 

 

 

[معلومات العضو تركي ال فنيس]

لاهنت علي اختيار الابيات الجميله وصح السان الشاعر

 

 

 

 

[معلومات العضو ابو زيد الغييثي]

بن عويـــس لاهنت وبيض الله وجهك

على هذا الاختيار الموفق

لشاعر يعد علم من اعلام الشعر


أخوك / ابو زيد

 

 

 

 

[معلومات العضو محمد الخييلات]

الف شكر على موضوعك وصح لسان شاعرنا الهرم الكبير سعد بن جدلان الاكلبي

لكن لي ملاحظه بسيطه بالنسبه لاخر قصيده هي ليست للشاعر ابن جدلان بل هي لشاعر رشيدي ما يحضرني اسمه وارسلها للشاعر مانع بن شلحاط العجمي ورد عليها مانع لذلك وجب التنويه .. وشكرا لك مره اخرى

 

 

 

 

[معلومات العضو رائــــــــــد]

بيض الله وجهك على النقل الموفق


وصح لسان الشاعر


تقبل تحياتي

 

 

 

 

[معلومات العضو الزين]

والتـجارب علمــــتنـي علـى شـي كــثيـر=استـــــفدت من الذيابه ومـن نبـح الكـلاب

والردي لو هو ولد عم لاتحسب له احساب=كم عزيـــــــزٍ ذلـه الوقـت بــضيافـة حقيـر

بيض الله وجهك علي النقل الطيب وصـــــــــح لسان بن جدلان

 

 

 

 

[معلومات العضو فيصل الشكري]

لاهنت علي اختيار الابيات الجميله وصح السان الشاعر


تقبل وافر التقدير ,,

 

 

 

 

[معلومات العضو غازي المسعري]

لاهنت علي اختيار الابيات الجميله

وصح السان الشاعر ابن جدلان

تقبل مروري

 

 

 

 

[معلومات العضو ابو زابن المسعري]

بيض الله وجهك وصح الله السانك والسان الشاعر سعد بن جدلان

 

 

 

 

[معلومات العضو ال ثلاب المصارير]

الله عطيك اااااااااااااااااااااااااالعافية



أبو فيصل الجريس آل ثلاب المصارير



af.1213@hotmail.com