مساجله رائعة بين الشاعرين حسين بن ضيف الله الكبرا وسعد الودعاني

[معلومات العضو حمد الودعاني]

بدأ بهذة القصيدة الشاعر حسين بن ضيف الله

أنا أشوف ناسٍ ياسعد للهروج تدوج=تشن الهجوم وشرها تو ماجاها
ضعوفٍ على ظهر النجيبه تحط خروج=على ساقة المقفين تشعب مطاياها
وأنا عن سنعهم يابن ودعان خضت الموج=بحور الخليج يشوق نفسي كثر ماها
أشرّه على الطيّب وأجنّب طريق الغوج=وناسٍ تمدّح بالحكي كيف نجزاها
حدوني وأنا مانيب لا أخطي ولا مرجوج=ورجلٍ يضد القوم يحسب خطاياها
ليا جات من ربعي يجي للعلوم بروج=وتصبح قضيه والمسولف تقفّاها
مع اللي يسوق الخيل قدمه بدون سروج=يكيّف على الغلطات من قبل يلقاها
خباث المظاهر كل يومٍ لهم منتوج=مثل من يداوي عين يعقوب وأعماها
وأنا خابر إن المعتدي لا أعتدى مفلوج=تبين الحقايق والعرب دون دعواها
ولا همني فالناس منهو يحب العوج=ليا شوّشت سود الضماير كتمناها
وعليك أسند المعنى وباب الثقه مزلوج=تجيك النشاما وأنت فالضيق منصاها
على شان نسلم ياسعد من مشاكل جوج=وناسٍ تحب الحقد تلقى نواياها

وهذا رد الشاعر : سعد الودعاني

تباشرت بكتابٍ ذهب بالدرر ممزوج=شهادة شرف وأفخر بها واتمناها
غوالي ومن غالي له العاليات زروج=من استاذ شعرٍ مايحيّره مبناها
هلا مرحبا ترحيبةٍ صدرها مبهوج=عدد من سجد خمس الفرائض وصلاها
وأنا يابن ضيف الله على نهجك المنهوج=بحالٍ ومال وربع واختر من ادناها
عليّ يشهد الله لو تبيني لنطح الفوج=تحيزم وأنا سيفك ليا من نطحناها
على ماتبي لا نيب ضايق ولا مزعوج=ولا خير في كلمه على غير معناها
وسود الوجيه اللي تزيد الهروج هروج=ليا شوّشت تاطا القدم فوق علباها
مع الخيل ياشقرا وحبل الكذب منسوج=جهاجيل قومٍ شوفها عند ماطاها
وأنا خابر الدعوى وراع الخطا محجوج=يوّلف علومٍ ماخبرناه سواها
ولا تنجحد وقفتك يوم الخصوم تروج=تبيّنت والبيضاء كسبت ونشرناها
بغاها وردّيته وعوّد وهو مسهوج=وضاعت علومه عقب حدّه على اقصاها
حديته وضاقت به دروبٍ وساع فجوج=وناسٍ تمدّح بالحكي تنتف لحاها

وسلامتكم جميع وصح الله لسان الشعار

وتقبلوااااااااا تحيااااااااااااااتي..................

 

 

 

 

[معلومات العضو سالم الغريري]

لا هنت يا حمد على القصايد الحلوه

وصح لسان الشاعرين حسن وسعد

 

 

 

 

[معلومات العضو مسعود المقيبلي]

الله لايهينك اخوي حمد الودعاني

على ايراد هذه المساجله

بين شاعرين لهم تاريخهم المشرف

وصدق الودعاني حيث قال:

ولا تنجحد وقفتك يوم الخصوم تـروج=تبيّنت والبيضـاء كسبـت ونشرناهـا
بغاها وردّيته وعـوّد وهـو مسهـوج=وضاعت علومه عقب حدّه على اقصاها
حديته وضاقت به دروبٍ وساع فجـوج=وناسٍ تمـدّح بالحكـي تنتـف لحاهـا

شاعرين يستحقون الأشاده

ومشكور اخوي حمد

 

 

 

 

[معلومات العضو كاسب الطيب]

لاهنت ياحمد على المساجلة الرائعه وبيض الله وجهك

وصح لسان الشاعرين على ابداعهم المتميز

 

 

 

 

[معلومات العضو سعد المقابله]

الله لايهينك وماقصرت على

المساجلة الطيبة

 

 

 

 

[معلومات العضو تركي ال فنيس]

بيض الله وجهك ياحمد الودعاني علي المساجله الرائعه وصح السانك والسان الشعار

 

 

 

 

[معلومات العضو الجوهره]

لا هنت يالودعاني ولا عدمنا مثل ذا المشاركات ....

 

 

 

 

[معلومات العضو العماني]

لاهنت اخوي حمد على المساجلة الرائعه وبيض الله وجهك

تقبل تحياتي،،

 

 

 

 

[معلومات العضو محمد ال بو زمام]

السلام عليكم ورحمة الله وبركاته

بيض الله وجهك اخوي ( حمد الودعاني ) على المساجله الرائعه .

 

 

 

 

[معلومات العضو نايف]

صح لسانك ولسان الشعار وبيض الله وجهك على نقل المساجله الجميله ,,


تقبل تحياتي ,,,

 

 

 

 

[معلومات العضو حمد الودعاني]

لاهنتوا جميع على المرور وحياكم الله

 

 

 

 

[معلومات العضو راشد النتيفات]

لا هنت ياحمد على المساجلة المميزه, وبيض الله وجهك.

& راشد النتيفات &

 

 

 

 

[معلومات العضو الواضح]

بيض الله وجهك أخوي حمد

وصح لسان الشاعرين

حســـــــيــــن الكبرى { وليس حــســن ]

سعـــــد الودعاني

 

 

 

 

[معلومات العضو حمد الودعاني]

ولاانت اخوي راشد ومرورك يشرفني

 

 

 

 

[معلومات العضو حمد الودعاني]

ووجهك ابيض اخوي الواضح

ومشكور على توضيح الاسم انا عارف انه حسين بس من العجلة كتبت حسن

والله يعطيك العافية على المرور