تغطية حفل سالم الغييثي

[معلومات العضو عبدالله الحافر الغييثي]

بسم الله الرحمن الرحيم اعزاء ادارة ومراقبي ومشرفي واعضاء منتدى الدواسر الرسمي السلام عليكم ورحمة الله وبركاته يسرني نقل لكم التغطية لحفل زواج/سالم بن منيخر بن سالم الغييثي العــــريس العريس يتوسط من اليمن جده الشيخ/مطر الحافرالغييثي وعن اليسار عمه الشيخ/مثعي بن سالم الغييثي جــــــــــد العريس الشيخ/مطر بن حسن الغييثي العريس مع فهد بن محمد بن عبيدان ال عيد الغييثي حيث احياء الحفل عدد من شعراء النظم وشعراء المحاورة ، وقد تقدم شعراء النظم كلاً من : الشاعر/سالم بن صمهود الغييثي (الصلف) ياليتنـي سجيـت مارحـت اوصيـك=كان اللتمس لك عذر لومانت معـذور وانا ادري ان العلم ماهـوب خافيـك=يدريبـه اللـي لـه سنتيـن وشهـور العلـم واضـح مانبـي فيـه تشكيـك=ولانته علـى بعـض المعاذيرمجبـور واصل طريقك جعـل ربـي يهنيـك=عسى طريقك لـك بساتيـن وزهـور لانتـه براجينـي ولانـي براجـيـك=ودرب الفرج مفتوح ماحط له سـور ومـن لايحـل معقـدات الشرابـيـك=كم غره اللي يسدي الـراي والشـور ولاتحسب الدنيا توقـف علـى هيـك=الايـام حبلـى كـل يـومً ولـه دور والصاحب اللي وقت الازمة يخليـك=وش ينفعك ضحكه الى صرت مسرور يبغيـك لاجـا لازمـه مالـك بريـك=ولاجا لزومك مايبـي جنطـه يـدور ويبغي القلايع كلها ذيـك مـن ذيـك=وهويدوب يضـوي العـرج والعـور الله علـى اللـي لانخيتـه يهقـويـك=كنه يحس بمـا تحسـه مـن شعـور والشكرللـي لـه عـبـاده ممالـيـك=اللي خلق الانسان من طورفي طـور [line] والشاعر/سالم بن دهيم بن كاموخ الغييثي وقد القى قصيده ترحيبيه ثم تلاها بقصيده في سيدي ولي العهد حفظه الله يامير بشر عسى الاحوال مضبوطه=الله يحفظك لنا يالقايد الثاني ولي عهد" بك الامال مربوطه=درع الوطن لا غشى في الجو دخاني قايد دفاع" لك البصمات محطوطه=دون الوطن محتدين" كل قوماني من رحت يا امير والافكار مضغوطه=محبتك في ضميري شانها شاني محبتك فطرة" ماهيب ملقوطه=تجري مع الدم الاحمر وسط شرياني في خاطري شوفتك والناس مبسوطه=بأرض الوطن ياحبيب الشعب سلطاني ياشوق هيفا" طويلة عنق شمحوطه=شامت من الشوخ تبغي طير حوراني وزير جيش" يشرف جيشنا نوطه=قايد دفاع الوطن في كل ميداني يقوله اللي وفاء بالعهد وشروطه=لا هاب ولد الردي نقدم على الجاني بوسام حرب" خذيته وأقر مخطوطه=بأسم الملك مثبت ماقلت بالساني [line] والشاعر/مشيع بن فهيد الغييثي(المتعلي) أقسم بمن كون عباده من الطين= وأقسم قسم باللي خلقني وأناله وأقسم قسم باللي نزل بآية التين=وأقسم بذكرالله جلا جلاله أقسم وأنا مانيب مجبر على الدين=بس الوفا بين الضلوع أجتواله لاشاكي(ن) غربه ولاشاكي(ن) دين=لوأني أغرب من غريب(ن)لحاله غريب ويعاني ولاعون ومعين=عليه تهمه والدهر ماصفاله مطرود عن شوف الوطن والمحبين=ويخط من دم الحميه رساله يقدح ورى فكر الضعوف المساكين=لوهو تشكل له ثمانين حاله يدنف عليه الليل ويصارع البين=ولاقطع من رحمة الله حباله لوهو جفاه الحظ وأصابته عين=والعين ماصلت على أحمد وآله قوست ياحالي وأنا بين قوسين=والضيق حاشرني على شين فاله غديت في بحرن مثل بحر قزوين=وأبحرت به من سيف جاله لجاله وأخذت سبع أسنين وسط البحر لين=ماكان غطاني من الحال شاله وأصبحت مأخوذن ولاأدري على وين=مدري جنوب الدار ولاشماله بس الوكاد أنا مع الموج غادين=وأقفيت أكظ الغيظ مانيب داله متشردين(ن) في ربوع البلادين=مافيه شعب أيضمنا بالكفاله رفعت رأسي فوق ويسار ويمين=والنور بانت صورته من شعاله وعديت روس النايفات الصعانين=وجريت صوتي في مقذل جباله وكنها تسابقني حمايا الوداعين =أهل الاصيله والاصل والأصاله قومن على سوق الحمايا مجانين=ياسعد أبو من حطهم رأس ماله ربعي بني عمي حماة المخلين=لادارت الايام دور المحاله دواسرن عاشوا كرامن عزيزين=بأيمانهم بطش المصايب سهاله دواسرن جزلين صعبين سهلين=كم مجرمن جاهم وهدوا أجفاله أمذوقين المعتدين الامرين=وسيوفنا تلمع على كل طاله أمجادنا من قبل سورن على الصين=أنشد سنام المجد من هم رجاله تاريخنا مكتوب وسط الدواوين=ماهوب يعرض سلعتن في بقاله واللي دعاني من قسا العسر للين=ودعاني(ن)مجذوب عمه وخاله نعم وأكررها مباشر وبعدين=ليت الثنا يوفي وأرد الجماله والله ماأنسى موقفك ياأحمر العين=موقف ويرمز للنداوي شكاله لوكان باقي من لزومي لذلحين=لكن حي اللي يلقيك باله عزالله أنكم يالوداعين وافين=ياللي وديتوا جاركم من خماله جيتوا عزيزينن وعشتوا عزيزين=أنتوا سماة الطيب لاجا مجاله من غير قاصر فالرجال المسمين=كلن يورد للمناهل حلاله قلته وأنا ربعي عذاب الحفيفين=ربعي غييثات الفخر والبساله معاشقين المجد عشق المزايين=أنشد عن وقيان وش هي خصاله زعيمنا يوم أنقلاب الموازين=يقز دربه بين قاله وقاله أيجلي المبغض عن المرتع الزين=في شف وضحن ماخذاها حياله يكفي عن الشرح المطول عناوين=الجوهر الصافي يكفي جماله عسى هل الفزعات يبطون حيين=لأن الحيا يحييك لاأنشا خياله يالله عسى وراثة العز باقين=يارب لاتقطع لأهلنا سلاله وقد القى الجميع عدة قصائد ولكن اخذت قصيده لكل شاعر لانني لوقلت انتقيت فأني ظلمت نفسي فجميع قصائدهم معلقات ويظهر مقدم الحفل الشاعر عبدالله بن صمهود الغييثي بين الشاعرين سالم الكاموخ ومشيع بن فهيد ــــــــــــــــــــــــــــــــــــــــــــــــــ ـــــــــــــــــــــــــــــــــــ وبعد العشاء المعد لهذه المناسبة اتى دور عشاق المحاورة وقد احياها كلاً من الشعراء : الشاعر عبدالله بن صمهود الغييثي والشاعر/عيسى العرجي القحطاني والشاعر/بدر القرقاح القحطاني والشاعر/عبدالله رياض الغامدي وقد حضر الحفل جميع الاهل والاصدقاء اللذي يعز عليهم العريس حيث ان العريس رجل محبوب من الجميع ونترككم مع بعض لقطات من الحفل الملازم/عبيد بن حسن بن عبيد الغييثي الشيخ/مرسل الحافر الغييثي بجانبه الشيخ/سحمان صمهود الغييثي خال العريس/حسن بن مطر الغييثي مساعد بن محمد ال جعمل وبجانبه مشيع بن محماس الغييثي الشاعر /سالم بن دهيم وعلى اليمين محمد بن خرصان وعلى يساره ابنه الشيخ/مثعي بن محمد الغييثي يتوسط محمد زعال واخوه سبعان مناع بن عميش يتوسط محمد بن خرصان واحد الحضور من قبيلة الحباب العزيزه

[IMG][/IMG]

الشيخ/عبدالله بن لاحم الغييثي على يمين العريس

[IMG][/IMG]

الشيخ/تراحيب بن فهيد الغييثي

ـــــــــــــــــــــــــــــــــــــــــ وهذا خال العريس /خميس بن مطر الغييثي وهو راجع للخرج على حسب طلب الاخوان هههههه

[IMG][/IMG]

 

 

 

 

[معلومات العضو أبونواف الدوسري]

عسى الله يوفقه ويسعده ويرزقه الذريه الصالحه..

لا هنت على نقل الصور..

 

 

 

 

[معلومات العضو محمد بن سالم الخضراني]

لاهنت ياخميس على التغطيه المصوره ولاهان كلا من الشعار والقائمين على هذا الحفل ومن هذا الباب ابارك للعريس والله يرزقه الذريه الصالحه ولك وافر التحايا ياخميس الحافر

 

 

 

 

[معلومات العضو سـ كون الليل]

بارك الله لهما وبارك عليهما وجمع بينهما في خير

الله يوفقهم ويسعدهم ويرزقهم بالذرية الصالحه

الله يعطيك العافيه ويسعدك

ولاهنت



ودٌّ بــلا حدْ

 

 

 

 

[معلومات العضو قمة الارض]

	بارك الله لهما وبارك عليهما وجمع بينهما في خير اللهم ارزقهم الذريـــــه الصــالـــحـه لاهـــنــت يــاذيبــان علـى الــنــقــل المتمــيــز وجــهدك المــبــذول

 

 

 

 

[معلومات العضو عبدالله الحافر الغييثي]

هلابكم جميع ولاهنت على طيب المرور والشعور الصادق

 

 

 

 

[معلومات العضو عبدالله الحافر الغييثي]

المشاركة الأصلية كتبت بواسطة قمة الارض

مرحبا والله ومسهلا على الحرام اني صادق والعاقبة لك ان شاء الله والله لا اسوي شي مايتسوى

 

 

 

 

[معلومات العضو ابو لاحم]

يستاهل كل خير ابو منيخر
نسأل الله العظيم ان يوفقه في حياته الدنيا والاخره

كفيت ووفيت يابو مطر الله لا يهينك

 

 

 

 

[معلومات العضو دغش محمد الصخابرة]

	عسى الله يوفقه ويسعده ويرزقه الذريه الصالحه.. لا هنت على نقل الصور ياأبو مطر ,,, عندي ملاحظة : وين صورتك ههههههههههههه؟؟؟

 

 

 

 

[معلومات العضو عبدالله الحافر الغييثي]

ابولاحم الله يسمع منك والعاقبه لك ابومحمد ارحب يالذيب وشلون تطلع صورتي وانا اللي اصور ؟ علمني ههههههههههه بعدين خايف من العين يشوفون ذا الولد المزيون ثم يعطبونه

 

 

 

 

[معلومات العضو محمد بن حمد الشكرة]

لاهنت يابو مطر والعذر والسموحة ياالقرم لإني ذاك ذاك الليل معزوم على خوي لي هويملي في الحسا والا كان ابرك الساعات لو حضرت العرس وابو منيخر عزيز وغالي ومن اعز اصدقاي ومااقول الا عسا الله يوفقه ويسعده

 

 

 

 

[معلومات العضو ابو لاحم]

الله يجزاك خير يابو مطر

 

 

 

 

[معلومات العضو عبدالله الحافر الغييثي]

لاهنتوا على صادق الشعور والله يوفق الجميع

 

 

 

 

[معلومات العضو متعب الشكري]

لاهنت ياخميس على التغطيه المصوره

ولاهان كلا من الشعار والقائمين


على هذا الحفل

ومن هذا الباب ابارك للعريس

والله يرزقه الذريه الصالحه

ولك وافر التحايا ياخميس الحافر

 

 

 

 

[معلومات العضو نايف الخييلي]

جعله مبارك ان شاء الله

والله يعافيك ويطول بعمرك على التغطيه الرائعه والوافيه ولو ان ناقصها شوفتك بالتغطية
يالمزيون , والله يعافيك على كل حال , ومبروك لابن العم العريس سالم بن منيخر الغييثي والله يوفقه ويرزقه الذريه الصالحه المباركه