التغطية المصوره لحفل الشيخ شعيب بن فارس الدبالين على شرف شيوخ واعيان قبيلة الدواسر - ::: مـنتدى قبيلـة الـدواسـر الـرسمي :::

العودة   ::: مـنتدى قبيلـة الـدواسـر الـرسمي ::: > :::. الأقســــام الـخــــاصـــــة.::: > :: قسم اللقــاءات والفعاليات والتغطيات الخاصة::

إضافة رد
انشر الموضوع
 
أدوات الموضوع انواع عرض الموضوع
قديم 16-11-2010, 09:02 AM   #1
 
إحصائية العضو







الإداره غير متصل

الإداره is on a distinguished road


:e-e-5-: التغطية المصوره لحفل الشيخ شعيب بن فارس الدبالين على شرف شيوخ واعيان قبيلة الدواسر

بسم الله الرحمن الرحيم

الحمد الله رب العالمين والصلاة والسلام على سيد الأنبياء والمرسلين سيدنا ونبينا محمد ابن عبدالله وعلى آله وصحبه ومن وآلاه ومن اهتدى بهديه واستن بسنته إلى يوم الدين

إخواننا أعضاء وزوّار الموقع الرسمي لقبيلة الدواسر




أعدّ التقرير

عضو مجلس إدارة الموقع : فهد بن هادي الغريري
عضو مجلس إدارة الموقع:راشد بن محسن المسعري
عضو مجلس إدارة الموقع:خميس بن مطر الغييثي




إلتقط الصور :

المراقب بالموقع الأستاذ دغش بن محمد الصخابرة.
المشرف بالموقع الأستاذ: عبدالرحمن بن فلاح ال بريك



كما عودناكم مسبقاً بمواكبة الأحداث المتعلقة بقبيلة الدواسر في كل مكان وإدراجها عبر البوابة الرسميّة لقبيلة الدواسر على شبكة الإنترنت ، فإننا ليسرنا ويشرفنا أن نعرض التغطية المصوّرة الثانية لموقع القبيلة لإحتفالات قبيلة الدواسر بدولة الكويت إحتفاءً بمقدم أمراء وشيوخ و وجهاء القبيلة من كل حدبٍ وصوب بغية المشاركة والحضور في حفل إفتتاح مبرة قبيلة الدواسر الخيريّة بدولة الكويت.



الشيخ شعيب بن فارس الدبالين

حيث أقام الشيخ شعيب بن فارس الدبالين حفل عشاء مُعدّ على شرف أمراء و شيوخ ووجهاء القبيلة يوم الاربعاء الموافق 26 /11/ 1431هـ لعامنا الجاري في وذلك بقاعة الفهد بالجهراء بدولة الكويت الشقيقة ، حيث حضر الحفل أمراء القبيلة و وجهائها ورجال الأعمال بغية المشاركة في هذا الحفل البهيج والجميل والإلتقاء بأكبر شريحة من أبناء القبيلة


وقد بدأ الحفل الخطابي الذي قام بتقديمه عضو الموقع دغش بن حمد بن منصور الصخابرة عند الساعة الثامنة والنصف مساءً


عضو الموقع دغش بن حمد بن منصور الصخابرة



وكانت اولى فقرات الحفل أيات من الذكر الحكيم تلاها سالم بن فارس الدبالين


سالم بن فارس الدبالين



المقدم فارس بن شعيب الدبالين

هذا وكما رحب المقدم فارس بن شعيب الدبالين بجميع أمراء قبيلة الدواسر وأعيانها بكلمةٍ ترحيبيّه ، أكد من خلالها أهمية هذه الزيارات والملتقيات التي تكون سبب في تقوية أوصار القربى وصلة الأرحام بين أبناء القبيلة ،شاكراً في ذات الوقت الدكتور جلوي بن مبارك الجميعه على إقامته حفل المبرة الخيرية لقبيلة الدواسر .



الشيخ عبدالعزيز الغزي البدراني


وبعدها القاء الشيخ عبدالعزيز الغزي كلمه توعويه حظ بها الجميع في التكاتف والتعاضد



وإنطلقت فعاليات القصيد بعدما إستهل ( عضو الموقع ) الشاعر فارس بن سالم الدبالين في قصيدة ترحيبية



عضو الموقع الشاعر فارس بن سالم الدبالين

وشارك الشاعر فارس الدبالين بقصيدة ترحبية بهذه المناسبة ، حيث يقول فيها :

شاش القصيد وناف في راس مشراف=كنه على راس الطويله نداوي
حر(ن) اليا جات المواقيف ينشاف=هدّه على الجزله يحول نحاوي
وانا على الغبّات ماحتاج مجداف=شاعر وفي بدع المثايل غناوي
الشعر جاله يالمناعير ميقاف=من شاعر(ن) في مدح ربعه هواوي
يامرحباً ترحيبة(ن) عد ماناف=اسم الدواسر في كبار الدعاوي
ويامرحباً ترحيبة(ن) عد ماطاف=بيت الله المصيون عبد(ن) رجاوي
الورد جاله في مجيكم تغرياف=كنّه على يمنى حداكم شفاوي
وادلالنا بالسلم والعرف تطاف=تستاهلون الطيب والعود جاوي
في محفل اللي بالفعايل له اهداف=جمع الدواسر له شفاة ومناوي
اللي على فعل المواجيب زهاف=رجل على فعل المراجل شقاوي
يامرحبا ياصلب ماضين الاسلاف=اللي لهم فعل(ن) على الطيب حاوي
المرجله بيت(ن) بسيسان وقاف=وافعالكم ساس(ن) يجمل وياوي
لجل القبيله صرتو عضود واكتاف=فيكم حمياً ماتخيّب هقاوي
في مامضى يوم الردي ماله لحاف=جداننا بالفعل سيف(ن) سطاوي
واليوم حنا والصعيبات ميلاف=نمشي على درب(ن) نزيه ونقاوي
يشهد لنا فعل قبل مدت(ن) طاف=نايف ويبرى للجروح ويداوي
يوم ان ابن عم(ن) لنا شاف ماعاف=ساقوا الدواسر له بسوق رهاوي
فعولنا يالابتي عدل وانصاف=ناقف ونفزع لاحدتنا البلاوي
حنا هل الفزعه ذرا كل من خاف=اهل الفخر واهل السطر والعزاوي
ولايجحد فعول الرياجيل عرّاف=كل القبايل صيتهم فالعلاوي
وصلاة ربي تختم الشعر والقاف=على نبي(ن) بعث بامر(ن) سماوي




وبعد ذلك كان الجميع على موعد مع شيلة " شلة " رائعة قدمها الشاعر الشاب شجاع بن علمان الدبالين وكانت كلماتها للشاعر القدير محمد بن محسن بن حشفل الخضراني



شجاع بن علمان الدبالين


لا يامرحبا باللي تعنوا من بعيد الدار=تراحيب الوفاء والعود الازرق مع مباديها
نهار جاوبه عيد لنا ليله يشع انوار=لنا فرحه واعز ايامنا وابرك لياليها
بني عم لنا غالين والهم عندنا مقدار=يسر البال جيتها عسى ربي يحيها
دواسر وان عرضنا فعلهم قمنا نعد الكار=ونرفع روسنا مع ذكر حاضرها وماضيها
هل الطالات واهل الجود لاشح العميل وبار=وهل الشيمات بفعول الكرم تندى يمانيها
اقوله باسم ربع جالهم بين الرجال اذكار=مجملة الفعول اللي ينومس طيب طاريها
حضرنا واجتمعنا عند منهو يكرم الخطار=شعيب ذخر فارس كاسب العليا وراعيها
نهار الغزو يوم ان السماء والارض شبت نار=كويت العز صبحها العراقي طامع فيها
ماهاب الموت يوم انه ضهر بابله مع ابل الجار=جذبها والقنابل حسها يضرب حواليها
من المطلاع طلعها جنوب ما حسب الاخطار=ايلين انه ورى كل الحدود امن مفاليها
ماهي منه غريبه من رجال ترخص الاعمار=تفك الابل وتكسر فالقا شوكة معاديها
دبالين مواقفهم بوقت النايبات كبار=من الخضران ساس الطيب تجذبها مجانيها





الشاعر فهد بن مسفر بن قحيفان الخضراني


وشارك الشاعر فهد بن مسفر بن قحيفان الخضراني بقصيدة بهذه المناسبة



عضو الموقع الشاعر محمد بن محسن بن حشفل الخضراني

وشارك الشاعر محمد بن محسن بن حشفل الخضراني بقصيدة ، حيث يقول فيها :

دواسر فعلهم بالمدح ياسر=اهل الامجاد خطلان الايادي
رجال ٍ من على التاريخ الاول=تصون الحد وتضد المعادي
على القالات ومصالا الحرايب=رسوا والشره ينصونه عمادي
ياكم خصم ٍ شكا الضدات منهم=كسر ولا تعشته الحنادي
ايلوا باعدها الامثال واجد=مواقف مروية حدب الهنادي
هم الحصن الحصين اللي يزبن=الا يا سعد منهم له سنادي
اهل شيمه واهل كرم وشجاعه=واهل رايه واهل راي ٍ قيادي
واهل نخوه واهل خوه وجيره=مقاطع حق عراف ٍ عوادي
واهل غرس ٍ واهل ملك وحضاره=واهل حردٍ واهل سرد وعتادي
واهل حدٍ وسيع ما يوصف=مسايـيـل تنثر في حمادي
من الوادي الى الخرج وشماله=على ما حدر العارض قصادي
واهل علم واهل سلم وبداوه=واهل مارد واهل قفر ومنادي
هل ابل فالمهامل هم جنبها=من الحد المطرف ما تحادي
ينوسون الخطر في كل ديره=لا زاف العشب بحلول البرادي
ومعهم جارهم عصاه توسم=على عيون الملا يمشي عنادي
على مشهاة نفسه يهملونه=ولا حدٍ ينشده وين انت غادي
غداء سلم ٍ لهم بين القبايل=يوم ان الوضع من قدح الزنادي
نعد اللي سمعنا ونتفاخر=بعلم ٍ صدق ماهوب اعتقادي
بدون قصور في باقي القبايل=من اهل الطيب من حضر وبوادي
اقوله من مقامي خص هذا=بعد جينا ولبينا المنادي
لكم ياهل الكويت ويوم جينا=شعرنا بالفرح والكيف زادي
بدار اهل الوفاء دار الصباحي=لها بالفعل معروفٍ يشادي
بلادٍ ضيفت صقر الجزيره=ومنها اعلن مسيرة للجهادي
هذاك معزي اللي عز داره=بعد ما كان في حال النكادي
قضى مقدار عشر سنين نازح=وهو ما طاب له حلو الرقادي
جزع مما نظر ثم سل سيفه=وقال اليوم انا مالي قعادي
يبي دار شكت من عقب فقده=يراودها وهي باسمه تنادي
ورجع ما عاد طاوع للعذايل=مغل ٍ بايع ٍ روحه مفادي
معه سته من رجال الدواسر=من الستين بحساب العدادي
يحثون السرى من فوق ضمر=مضراةٍ على قطع الريادي
على ساقة صليب الراي ساقوا=عماراً تاليتها للنفادي
من المشرق ضوى باليل الاضلم=ودك الحصن بطيور الهدادي
وظهر فجر السعد ليلة رجوعه=بعد ما رد ملكه واستعادي
وأقام الدين في شبه الجزيرة=وصان حدودها والامن سادي
وسلمها عياله وحفظوها=بحفظ الله بحرص ٍ واجتهادي
خلفهم من سلفهم شيخنا اللي=على الله ثم عليه الاعتمادي
ابو متعب عسى ربي يحفظه=مشيـّد دور الامجاد الجدادي
سعى في صالح الشعب السعودي=وساق الخير في كل امتدادي
وحنا دايم نعلن ولانا=ولا نخلف قديمات المبادي
نحب شيوخنا والدار غالي=هذا والله هو العلم الوكادي
يقوله شاعر مثل ربوعه=بقولٍ ما يجي فيه انتقادي
من الفرجان عطبين الضرايب=هل الردات في يوم الطرادي
وصلى الله على الهادي محمد=شفيع الخلق في يوم المعادي




عضو الموقع الشاعر نايف بن مسرع - المستشار العام لقناة الأماكن الفضائية


وشارك الشاعر نايف بن مسرع بقصيدة بهذه المناسبة ، حيث يقول فيها :

على الشحم والطيب والجانب الزين = وعلى هلا والدلة الشاذلية
حياكم الله في احتفال الدبالين = اهل الكرم واهل العلوم الطريه
اقولها عنهم عساهم غنيين = ميانة مني بليا وصيه
امون لامن جيتلي حفل ذربين = وش عاد دام الطايله دوسريه
دعاني اللي ياعسى عمره سنين = اللي براسه شعلة الطيب حيه
سالم حليف الجود طلق الحجاجين = اللي على نفسه يقدم خويه
اللي ليا هاب المراجل رديين = ماحسب لهذي وهذي وذيه
من لابة ملبوسها المدح من حين = فرجان فرجان السعد والحميه
اللي ليا منه غدا العلم علمين = من امس ولا الصبح ولا قفيه
ترجح بوقفتهم ثقال الموازين = ويردون يوم الهوش حوض المنيه
فرجان لاكبرت وحميت الاكاوين = وتلاحمت صم الرمك والعبيه
يجونك الظفران قضاية الدين = اهل الجموع الراسيات العصيه
عاش الكريم اللي جمعله كريمين = ياحي حي الطيب ياحي حيه
انا اشهد إنها ساعة تعجب العين = يالله عسى حبال الموده قوية
وانا اشهد إن بن شعيب حمر عين = شهادة بابصم عليها بذيه



الشاعر فيحان بن سعد بن هتيل المسعري


وشارك الشاعر فيحان بن سعد بن هتيل المسعري بقصيدة بهذه المناسبة



المشرف الفخري بالموقع الشاعر مسعود بن سعد المقبيلي


وشارك الشاعر مسعود بن سعد المقبيلي بقصيدة بهذه المناسبة حيث يقول فيها :

من منبر صوته للأجيال ينذاع=صداه حكمه للعقول الحكيمه
منبر فخر له في سما المجد مطلاع=تحكي به الركبان عند المقيمه
يهب له من يمة الشعر ذعذاع=وتلقى الصبا ريحه يداعب نسيمه
يلقى به الشاعر مجال للأبداع=وقريحة ما ترتهي به عقيمه
مالي بعرض الناس شاري وبياع=ألعد راهي والهواجس محيمه
لاخذت مع طاروق الأبداع مرماع=أسرجتناه اسراج سودا الشكيمه
صفرا شناح عرفها له تشع شاع=تنصف غريم النفس يعتق غريمه
صفرا مالووذ فوقها كل فزاع=أما هدية شيخ..ولا غنيمه
مع ضف جمع يمة الحف ينداع=تقلط..مضرات بقو العزيمه
اسرج خيال بالمواقيف بتاع=له بالفخر في كل موقف وسيمه
من نجد خلينا الجديدات تنزاع=حشام وملبين دعوه كريمه
سلام ياربع لهم راهي الباع=بالطيب من ماظي العصورالقديمه
وأنا المعزب..والمسير بالأجماع=أمثل اللابه ..وراع العزيمه
يامرحبا عداد مالاح لماع=برق تلاعج في مقاديم غيمه
باهل الوفا وأهل المواقف والأسناع=أللي لهم هيبه وشيمه وقيمه
أهل الثنا والمجد من عصر الأطماع=على الرمك ولا على شداد ريمه
دواسر من فعلهم ذكرهم شاع=يزمون لابان الخصيم لخصيمه
أيمانهم ترمي عشى الذيب لاجاع=وتجلا عن المظيوم بالفعل ضيمه
جمعا الجماعه عز في كل الأوضاع=وعواقب التفريق دايم وخيمه
وصلاة ربي عد ماتحظر القاع=من سيل وسمي تساقيه ديمه



عضو الموقع الشاعر عبدالله بن فهد الصخابرة

وشارك الشاعر عبدالله بن فهد الصخابرة بقصيدتين ، حيث كانت الأولى : قصيدة ترحيبيّة والثانية : قصيدة في الدواسر .

في محل اللي يروم العلا دمث الجناب = مرحباً يالابةٍ نفختر بحضورها
من حضر منكم يكفي عن الربع الغياب =حفلة فيها السعد بان وانتم نورها
عشت يابن الشعيب الشهم شيال الصعاب= وقفتك من طيب ربعك وماضي دورها
رايتك في دار الاجناب من فوق السحاب= وحفظت لك صفحة المجد بين اسطورها
مجد عز لبيض الوجه ترجمه الجواب = والمشاعر عبرتبه بصدق اشعورها

قصيدة المشاركة
هب النسيم وعانقـه نفـح الازهـار=والفكر عانـق فيـه نشـوة عبيـره
ماينجرف فكـري معـا كـل تيـار=ياخـذ مفيـده ويتجاهـل كثـيـره
الشعر بحـرٍ يسبحـه كـل بيطـار=ولاكـل سبـاح يعـدي غـزيـره
لاقالو الشعار فـي بـدع الاشعـار=اقطف ثمر مالاق واسخـر عسيـره
مالي عن الميقـاف صـده ومعـذار=في مدح طلقيـن الوجيـه السفيـره
ابافتخر بفعول ربعـي هـل الكـار=قولٍ على البرهـان ماقلـت غيـره
اهل الفخروالمجد وافيـن الاشبـار=قوماً لهم في صفحـة العـز سيـره
دواسر بالحـرب يهـدون الاعمـار=لاولعت في الحرب نـار السعيـره
اثقل على البيدا من جبـال سنجـار=خيالهـم يركـى الجمـوع الغفيـره
ايمانهم تـروي عطـش كـل بتـار=داوت عما عمي البصر والبصيـره
يوم البيارق رفرفت والدخـن ثـار=والجمـع يرسـي والمنايـا مغيـره
ردو حياض الموت بعزوم وصـرار=ماخاب مـن رب البرايـا نصيـره
غشا خضار الجـو دخـان وغبـار=وصارت على الجمع المعادي كسيره
من دون زين الغرس حلوات الاثمار=شلـف تقـدم للمـعـادي بـريـره
ماسورت دون الطماميـع باسـوار=اسوارها حدب السيـوف الشطيـره
يصرم ثمرها لالفـا الـدار خطـار=وتشرب قـراح مايغثـرب حفيـره
الضيف يلقـى عندنـا بـن وبهـار=وحيـل تقـدم بالصحـون الكبيـره
ومن مثلنا يمن وياسم عصى الجـار=لاحدتـه سـود الليالـي نجـيـره
ندي وفاة الجار من طيحـه جـدار=سـلـمٍ تغنـوبـه رواة الجـزيـره
ونوفي حقوق الجار في السر وجهار=ونذبح ولدنا لجـل موتـه غريـره
ومن دون حلوات اللبن حسك الاوبار=نمـراً بمفتـوق القنـا والذخـيـره
ياما حميناها علـى قـب الامهـار=بمصقـل ترعـب شباتـه جفيـره
ترعى الطرف ماهالها روع الاخطار=حتى العـدو ماقـد شعاهـا نذيـره
يازينها لافرعـت عقـب مصفـار=وبطا من العـد المسمـى صديـره
واقبـل ولاد القاحهـا والبـر طـار=عن كـل نابيـة الفقـار الظهيـره
شرقي جبال طويق ويميـن ايسـار=شرد الجوازي من طرفهـا تذيـره
تلقى لهـا فـي كـل دارٍ لهـا دار=تتبـع حيـا نـوٍ جذبهـا بشـيـره
لا لاح برقٍ في دجـا لليـل سمـار=وفي غـب براقـه شعاهـا غثيـره
في شفها مـن دون تحديـد وحيـار=ترعى ثمر نبتـه وتطـرق غديـره
وصغيرنا ينشا علـى شبـة النـار=تبقى العظايم فـي عيونـه صغيـره
مهما كتبنا مـن تواريـخ واخبـار=بعطيك عـن مافـات نبـذه يسيـره
في نجد سدنا كل الانحـا والاقطـار=وحفظ لنا التاريـخ شمـس منيـره



الشاعر زابن بن سلطان آل عمار

وشارك الشاعر زابن بن سلطان آل عمار بقصيدة بهذه المناسبة



الشاعر سعيد بن فارس الصخابره


وشارك الشاعر سعيد بن فارس الصخابره بقصيدة بهذه المناسبة حيث يقول فيها :


يالله يالمطلوب يالي فوق خلقه رقيب= يالي ملايكة السما لرضاك خدامها
نطلبك بالتوفيق وانت اللي قريب= مجيب_يالي تدابير الفلك والغيب علامها
واثني سلامي من هجوس حاضرة ماتغيب=وقت اللوازم بالمعاني فاضت اقلامها
اعوم غبات البحر وآخذ دررها واجيب=جواهر" يصبها الهاجوس بلهامها
مني سلام" يارجال" تلحق الطيب طيب=وتحية" بالعود الازرق فاحت انسامها
_وعداد همال المطر لامن تنثر صبيب = لا انشت رفايا سيلها في مقدم غيامها
من دار ابومتعب مشينا والمعاني تطيب_=دار السعود اللي رست في ظل حكامهم
لامن دعى الداعي نجيب ولا نرد النديب=نمشي على اسلوم الوفا لو تتعب اقدامها
جينا في ديار الكويت أهل المقام العريب=دولة وفا شفنا الوفا في ماضي أعوامها
آل الصباح أهل المكارم والجناب الرحيب =المرجلة عاداتهم لا لزم ألزامها
وانا سعودي بالكويت اليوم ماني غريب=الجار قبل الدار اوطان" رفت اعلامها
بين السعودي والكويتي حبل وصل" قطيب=تكاتف امجاد" وقفنا نحكم احكامها
جمع الدواسر زود عز" دون شك" وريب= مثل السيوف اللي تسوق العز قدامها
فينا شيوح" بالنوايب والقسا ماتهيب= شيوخ القبيلة عزها هم سلة احزامها
وقفاتهم فخر" مع الحكام ضد الحريب=مواقف" عز وفخر قد نالوا اوسامها
دواسر" من جار وقته جالنا مايخيب=كل السلوم الطيبة بكفوفنا ازمامها
ناسم عصات الجار لو يبعد نعده قريب=وقفاتنا مشهودة" من ماضي ايامها
وانذري المضيوم لامن جالنا مستصيب=أرواح نعتقها لاشاف الموت سوامها
أهل الجمايل من لوايل بالزمان العصيب=انطوع الصعبات ساعة ترد بحيامها
ونعم القبايل كل جد ومجتهد له نصيب=وامجادها كما دروع" تكسي اجسامها
راع المراجل في عوايدها يودي يجيب=ويحسب له التقدير والجزلات لاقامها
درب المعالي في سنود بكل خطوة تعيب =ولاكل رجال" بيرقا يحطم ارقامها
فينا الشهامة عزمنا كما عزوم القضيب = الطايلة نرقا لها ونضيم من ضامها
ياقف لنا التاريخ يفخر في شباب" وشيب=بمجاد يشهدها فعل ماهي من اوهامها
خطلان الايدي من حربهم راح جرحه عطيب =يموت بكسور الفنا ماتجبر اعظامها
نتعب ورى الطولات نذهبها سوات الذهيب=نشقا لها وتجي لنا ياسرع درهامها
امجادنا بارض الجزيرة ثابتة ماتشيب=مثل الجبال الراسية ياصعب هدامها
علم" حكوه اكبارنا والعلم منهم يصيب=تجارب الايام نالوا من تعلامها
قال المثل اسأل مجرب لا لاتسئل طبيب=سيرة قبيلة بالشجاعة نالت أحلامها
وصلوا على محمد ختام القاف ذكره يطيب=شفيع الامه مصطفاها قدوة اسلامها



المراقب بموقع الدواسر الشاعر محمد بن سالم بن فهيد الخضراني


وشارك الشاعر محمد بن سالم الخضراني بقصيدة بهذه المناسبة حيث يقول فيها :


حركة في ليلا تلامع نجومه=من ديرة جعل المعزه لاهلها
الديره اللي بالكتاب محكومه=اللي تقدمها يسابق عملها
متوجه والخط تشر ارسومه=يم الكويت اللي كستها احللها
الديرة اللي فالخليج محشومه=اللي غلاها زاد من طيب اهلها
لدعوة اللي كل عسر يرومه= اللي هقاوي لابته ماخذالها
سالم وريث المجد من طيب قومه=نطح الصعايب خصلة من خصلها
لطام شرهات الوجيه الكضومه=وحلال عسرات الامور وامالها
من طيب راسه ماتراخا عزومه=ومن حنكته روس المعالي وصلها
حر تنومسني طلايع علومه=سيرة بطل تقديرها من بطلها
حر شهر وبعد من الارض حومه=لاكبرت القالات شاش ونقلها
كم عاني وقف ولبى لزومه= وكم حاجة لا عجز غيره حملها
عون الدريك اللي مجافيه نومه=ومنصاء الرجال اللي تزايد عللها
كن المراجل في يدية امحكومه=بشاشته خلقه وروحه بذالها
من لابة تعرف نهار الخصومه=يحشم مجاورها ويدرى زعلها
يفداه غوج كشخته في هدومه=يروغ وحقوق الرفاقه جهلها



الاستاذ المحامي :خالد بن محمد البراك

عقب انتهاء الكرنفال الشعري كان هناك كلمة للاستاذ المحامي خالد بن محمد البراك شكر فيها عموم ابناء قبيلة الدواسر على الحضور ودعاهم للغداء صبيحة اليوم التالي



الشيخ عبدالعزيز بن مترك العجالين - شيخ الفرجان



الدكتور بادي بن حسيان الرجباني



لقطات من الحفل:


لقطه من الحضور


الشيخ فيحان بن شجاع بن سويلمه ال بريك


الشيخ عبدالعزيز بن مترك العجالين


الشيخ سعد بن قرنين


الشيخ محمد بن راشد بن دمشق المقابله


صوره من الحفل ويظهر من اليمين الشيخ جابر بن محسن الودعاني ويليه الشيخ عبدالعزيز بن مترك العجالين ويليه الشيخ عبدالعزيز الغزي البدارين




صوره من الحفل ويظهر من اليمين الشيخ متعب بن محماس الهواشلة ويليه الشيخ جمحان بن عرار المسعري ويليه الشيخ فلاح بن حمود ال بريك


جانب من الحفل ويظهر في اليمين الراويه شخبوط بن سعد المقابله




الشيخ بادي بن عرار بن صلال


جانب اخر من الحظور ويظهر في اليمين بدر الخييلات ويليه الشيخ عبدالعزيز بن محمد العجالين ويليه رسام بن حسيان الرجباني ثم بن الشتوي البدارين


جانب من الحضور


من اليمين فهيد بن محمد ال صويان الصخابره يليه منير بن غالب آل بوسباع يليه الشيخ جمحان بن عرار بن صلال يليه الشيخ عبدالعزيز بن محمد العجالين يليه الشيخ متعب بن محماس الهواشلة يليه الشاعر مسعود بن سعد المقيبلي






من اليمين الشيخ فلاح ال بريك قاضي محكمة الغزالة يليه احد اعيان الدواسر يليه الشيخ عبدالعزيز بن محمد بن مترك العجالين يليه الشيخ سعود بن مترك العجالين












يظهر من اليمين المحامي خالد بن محمد البراك المشاويه






الثاني من اليمين الشيخ فيصل بن زامان ال بريك




من اليمين الاستاذ مبارك بن ناهض الغييثي


إداري الموقع راشد المسعري أثناء النقل المباشر للحفل عبر الموقع الرسمي للقبيلة




















من اليمين اداري الموقع راشد المسعري وبجانبه الشاعر فهد بن قحيفان الخضراني وبجانبه المراقب العام بالموقع جندول بن حمد بن جندول " ابو نواف الدوسري "


من اليسار الشاعر فارس بن سالم الدبالين وبجانبه مراقب الموقع الشاعر محمد بن سالم الخضراني


الشاعر عبدالله بن فهد الصخابرة


الشاعر مسعود بن سعد المقيبلي


الإعلامي المعروف مبارك وقيان الدوسري


الشاعر معيوف الدوسري






في الختام إخواننا فإنه ليسرنا أن نتقدم بجزيل الشكر والعرفان لمقام الشيخ شعيب بن سالم الدبالين على حسن الإستقبال والمعاملة وكرم الضيافة الغير مستغرب منه ، وكذلك نتقدم بجزيل الشكر والعرفان لكافة أمراء و شيوخ و وجهاء القبيلة على حضورهم وكذلك على كلماتهم الطيبة التي وجهوها للموقع الرسمي لقبيلة الدواسر على شبكة الإنترنت


(صوت قبيلة الدواسر)
منتدى قبيلة الدواسر الرسمي
www.alduwasser.org/vb

 

 

 

 

    

رد مع اقتباس
قديم 16-11-2010, 05:32 PM   #2
 
إحصائية العضو







معزي غير متصل

معزي is on a distinguished road


افتراضي رد: التغطية المصوره لحفل الشيخ شعيب بن سالم الدبالين على شرف شيوخ واعيان قبيلة الدواسر

الله ايبض وجه الشيخ شعيب الدبالين على الحفل ولا يستغرب منه العلم الغانم ولشكر موصول للاداره الكريم على فعلهم الي اينومس الدواسر

 

 

 

 

    

رد مع اقتباس
قديم 16-11-2010, 07:59 PM   #3
 
إحصائية العضو







حنيان الدوسري غير متصل

حنيان الدوسري is on a distinguished road


افتراضي رد: التغطية المصوره لحفل الشيخ شعيب بن سالم الدبالين على شرف شيوخ واعيان قبيلة الدواسر

ماشاء الله تباركـ الله


عاش الكريم اللي جمعله كريميـن ***ياحي حـي الطيـب ياحـي حيـه


انا اشهد إنها ساعة تعجب العيـن *** يالله عسى حبـال المـوده قويـة



بيض الله وجــه الداعـي على كرم الدعوة وحفاوة الاستقبال

وشكر خاص لإدارة الموقع على جهودها الرائعة

والتي دائماً ماتجعلنا في قلب الحدث

 

 

 

 

 

 

التوقيع



Abu.Mubark


نشيط الوادي

    

رد مع اقتباس
قديم 16-11-2010, 09:54 PM   #4
 
إحصائية العضو








فارس الدبالين غير متصل

فارس الدبالين is on a distinguished road


افتراضي رد: التغطية المصوره لحفل الشيخ شعيب بن سالم الدبالين على شرف شيوخ واعيان قبيلة الدواسر

السلام عليكم ورحمة الله وبركاته
كل عام وانتو بخير ومن العايدين

وبيض الله وجيهكم يا إدارتنا الغاليه على اهتمامكم وتغطيتكم وجهودكم الجباره لخدمة القبيلة لاهنتوا يالقروم

واحب اشكر الاخوان اللي مروا من هنا وبيض الله و جيهكم وماعليكم زود

 

 

 

 

 

 

التوقيع

ياللي تقول انك سلايل هل الطيب=تمدح وتفخر في فعايل جدودك
حقك ..ولكن في فعول المواجيب=خلك على الهقوات واثبت وجودك


Twitter@ALGZL

اتشرف بمتابعتكم

    

رد مع اقتباس
قديم 17-11-2010, 01:16 AM   #5
 
إحصائية العضو







محمد بن فهد الرجباني غير متصل

وسام الخيمة الرمضانية 1430هـ البرونزي لصاحب المركز: الوسام البرونزي لصاحب المركز الثالث بالأفضلية بالخيمة الرمضانية 1430هـ طيلة شهر رمضان المبارك - السبب: وسام الدواسر الفضي: للأعضاء المميزين والنشيطين - السبب: النشاط والتميز
: 2

محمد بن فهد الرجباني is on a distinguished road


افتراضي رد: التغطية المصوره لحفل الشيخ شعيب بن فارس الدبالين على شرف شيوخ واعيان قبيلة الدواسر

بيض الله وجه الشيخ شعيب بن سالم الدبالين على استقباله وحفاوته الغير مستغربه من شخصة الكريم..
وبيض الله وجه أمراء و شيوخ ووجهاء وابناء قبيلة الدواسر لحضورهم وكلامهم الطيب...

وبيض الله وجه الاداره الكريمة والطاقم الرقابي والاشرافي على حضورهم وتغطيتهم المناسبة الكريمه والله لا يهينكم..

 

 

 

 

 

 

التوقيع

تستاهل مراقب وتستاهل الطيب=ياللي على خدمة بني عمك حضاب
ياذيب ياللي جيت فوق المراقيب=وياحر ياللي ماكرك عالي هضاب
يابوفهد عداك لوم وعذاريب=في طلتك مثل الجدي مابعد غاب
من لابة هداتكم تشبع الذيب=تقدم نهار الهوش وتقيد ركاب
ماهيب ترسل للمعادي مناديب= تقدم لامن ولد الردي وقف وهاب

الشاعر/شافي النتيفات


    

رد مع اقتباس
قديم 17-11-2010, 02:45 AM   #6
 
إحصائية العضو







عبدالكريم العماري غير متصل

وسام الدواسر الفضي: للأعضاء المميزين والنشيطين - السبب: المميزين والنشيطين
: 1

عبدالكريم العماري is on a distinguished road


افتراضي رد: التغطية المصوره لحفل الشيخ شعيب بن فارس الدبالين على شرف شيوخ واعيان قبيلة الدواسر

بيض الله وجه الشيخ شعيب بن فارس الدبالين على اقامة الحفل

وشكر خاص لإدارة الموقع على جهودها الرائعة

 

 

 

 

    

رد مع اقتباس
قديم 17-11-2010, 07:41 PM   #7
 
إحصائية العضو







علي العبدالهادي غير متصل

وسام الدواسر الفضي: للأعضاء المميزين والنشيطين - السبب: المميزين والنشيطين
: 1

علي العبدالهادي has a spectacular aura aboutعلي العبدالهادي has a spectacular aura aboutعلي العبدالهادي has a spectacular aura about


افتراضي رد: التغطية المصوره لحفل الشيخ شعيب بن فارس الدبالين على شرف شيوخ واعيان قبيلة الدواسر


بيض الله وجه الشيخ شعيب بن فارس الدبالين على اقامة الحفل
وشكر خاص لإدارة الموقع على جهودها الرائعة


 

 

 

 

 

 

التوقيع

للمتابعة على تويتر

https://twitter.com/#!/09765as

    

رد مع اقتباس
قديم 18-11-2010, 09:23 AM   #8
 
إحصائية العضو








راشد ناصرالدوسري غير متصل

راشد ناصرالدوسري is on a distinguished road


افتراضي رد: التغطية المصوره لحفل الشيخ شعيب بن فارس الدبالين على شرف شيوخ واعيان قبيلة الدواسر

الله يعطيك العافيه على الطرح الرائع


وبيض الله وجه الشيخ شعيب بن فارس الدبالين


تقبل فائق احترامي وتقديري

اخوك راشد ناصر الدوسري

 

 

 

 

 

 

التوقيع

    

رد مع اقتباس
قديم 23-11-2010, 08:20 AM   #9
 
إحصائية العضو







@@الـنــداااااوي@@ غير متصل

@@الـنــداااااوي@@ is on a distinguished road


:r-r-5: رد: التغطية المصوره لحفل الشيخ شعيب بن فارس الدبالين على شرف شيوخ واعيان قبيلة الدواسر


الله يبيض وجه راعي الحفل الشيخ /شعيب بن فارس الدبالين وبيض الله وجه اخواني الشعراء على هذا القصيد الجميل وبيض الله وجه اخواني الحضور من الدبالين وغيرهم من القبايل

 

 

 

 

 

 

التوقيع


زمانك لو صفالك يوم .. فلا تحسب صفالك دوم
وعينك لا اهتنت بالنوم .. ترا الأيام غدااااااره

    

رد مع اقتباس
قديم 27-11-2010, 08:05 PM   #10
 
إحصائية العضو








محمد بن حمد الشكرة غير متصل

وسام الدواسر الذهبي: للأعضاء المميزين والنشيطين - السبب: شكر وتقدير
: 1

محمد بن حمد الشكرة is on a distinguished road


افتراضي رد: التغطية المصوره لحفل الشيخ شعيب بن فارس الدبالين على شرف شيوخ واعيان قبيلة الدواسر

بيض الله وجه الشيخ شعيب بن سالم الدبالين على استقباله وحفاوته الغير مستغربه من شخصة الكريم..
وبيض الله وجه أمراء و شيوخ ووجهاء وابناء قبيلة الدواسر لحضورهم وكلامهم الطيب...

وبيض الله وجه الاداره الكريمة والطاقم الرقابي والاشرافي على حضورهم وتغطيتهم المناسبة الكريمه والله لا يهينكم..

 

 

 

 

 

 

من مواضيع: محمد بن حمد الشكرة

0 دعوة عامة من الشيخ / محمد بن زيد بن جريس الخييلات لحضور ملتقى قبيلة الخييلات
0 ياهـل الموقـع إلــي عنـدنـا غـالـي
0 مرشحي قبيلة الدواسر لإنتخابات نادي السالمية بالكويت-قائمة أبناء النادي
0 وزير التجارة يعين المهندس شويمي الكتاب المصارير عضوا بمجلس إدارة الغرفة التجارية بالخرج
0 سوف بعرض مساء اليوم الجمعة 19/11/1433هـ حفل تكريم الشاعر / نايف بن مسرع الدوسري بمناسبة مشاركته المشرفة في برنامج شاعر المليون للموسم الخامس على شاشة قناة الدانة

التوقيع




الى جنات الخلد يا بو فهد
أسأل الله ان يرحمه رحمةٍ تطمئن بها نفسه وتقر بها عينه
أسأل الله العظيم رب العرش الكريم أن يغفر له ويرحمه ويسكنه فسيح جناته


m.h.s502@vip.cn






    

رد مع اقتباس
قديم 29-11-2010, 07:24 PM   #11
 
إحصائية العضو








ناصر بن فهد غير متصل

وسام الدواسر الفضي: للأعضاء المميزين والنشيطين - السبب: النشاط والتميزوسام الخيمة الرمضانية 1430هـ الفضي لصاحب المركز: الوسام الفضي لصاحب المركز الثاني بالأفضلية - السبب:
: 2

ناصر بن فهد is on a distinguished road


افتراضي رد: التغطية المصوره لحفل الشيخ شعيب بن فارس الدبالين على شرف شيوخ واعيان قبيلة الدواسر






وعليكم السلام ورحمه الله وبركاته


أشكر الشيخ / شعيب بن فارس الدبالين على أستقباله وكرمه وحفاوته الغير مستغرب منه
وبيض الله وجه ولاهان على فعله .

والشكر موصول لادارتنا الكريمه على التغطيه الطيبه وبيض الله وجهها .

 

 

 

 

    

رد مع اقتباس
قديم 23-01-2011, 12:20 PM   #12
 
إحصائية العضو







مبارك بن شافي النتيفات غير متصل

وسام الدواسر الذهبي: للأعضاء المميزين والنشيطين - السبب: شكر وتقدير
: 1

مبارك بن شافي النتيفات is a splendid one to beholdمبارك بن شافي النتيفات is a splendid one to beholdمبارك بن شافي النتيفات is a splendid one to beholdمبارك بن شافي النتيفات is a splendid one to beholdمبارك بن شافي النتيفات is a splendid one to beholdمبارك بن شافي النتيفات is a splendid one to beholdمبارك بن شافي النتيفات is a splendid one to behold


افتراضي رد: التغطية المصوره لحفل الشيخ شعيب بن فارس الدبالين على شرف شيوخ واعيان قبيلة الدواسر

الله يبيض وجه الشيخ شعيب الدبالين على الحفل ولا يستغرب منه العلم الغانم

وبيض الله وجه الاداره الكريمة والطاقم الرقابي والاشرافي على حضورهم وتغطيتهم المناسبة الكريمه والله لا يهينكم..

تحياتي وتقديري

 

 

 

 

    

رد مع اقتباس
قديم 10-02-2011, 05:22 PM   #13
 
إحصائية العضو







عايض بن فهاد غير متصل

وسام الدواسر البرونزي: للأعضاء المميزين والنشيطين - السبب: التميز والنشاط
: 1

عايض بن فهاد is on a distinguished road


افتراضي رد: التغطية المصوره لحفل الشيخ شعيب بن فارس الدبالين على شرف شيوخ واعيان قبيلة الدواسر

وعليكم السلام ورحمه الله وبركاته

أشكر الشيخ / شعيب بن فارس الدبالين على أستقباله وكرمه وحفاوته الغير مستغرب منه

وبيض الله وجه ولاهان على فعله .

والشكر موصول لادارتنا الكريمه على التغطيه الطيبه وبيض الله وجهها .

 

 

 

 

 

 

التوقيع





الأتصال عندي بطيء جداا
المعذره على قلة المشاركة بالمنتدى





[/CENTER]

    

رد مع اقتباس
إضافة رد


الذين يشاهدون محتوى الموضوع الآن : 2 ( الأعضاء 0 والزوار 2)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

 


الساعة الآن 08:51 PM


Powered by vBulletin® Copyright ©2000 - 2024, Jelsoft Enterprises Ltd.
---