ازغر العينين .. افرق السنّين

**معلومات** **العضو** · 01-03-2011, 06:58 PM


	ازغر العينين .. افرق السنّين كان شاب يعيش مع والده وزوجتة اللي هي بنت عمة وفي لحطة طيش حصل خلاف وهجّ من ديرتهم لـ ديرة ثانية وهو يلفي على شايب عنده حلال قاله ياعمي ابيك تشغلني عندك راعي وافق الشايب وشرط عليه شرط قاله ( لا ترقى بالعوالي ) وهو يسرح عند الشايب سنين طويلة ويتجنب العوالي ويوم من الايام رقى براس جبل ويطرون عليه زوجته وابوه ويقوم يبكي ويروح لـ الشايب قاله ابي شرطي ابدور اهلي قال ايه رقيت العوالي ؟ وتعجب الشاب اللي اصبجح بهذا الوقت رجل متوسط العمر قاله تبي شرطك او اعطيك ثلاث نصايح قال لا والله عطني النصايح قاله ( لا ترافق ازغر العينين افرق السنين ولا تأمن المسايل حتى بوقت القوايل وان زعلت بالليل خل زعلك للنهار وان زعلت بالنهار خل زعلك لليل ) قال زين ويودعه ويمشي وهو بالطريق واجه رجال وهو يخاويه ويوم برّق يامار خويه عيونه زغر وسنونه فرق وهو ياخذ حذره ويحط قشه بمكانه ويوم نووا يمرحون وهو يحط قشه مكانه ويغطيه ويندس وهو يقوم خويه ويتسحب بخنجرة ويطعن بالقش ويسرعه طب عليه وذبحه وهو يكمل طريقه ويواجه قافلة حجيج قاعدين بشعيب يابس وهو يحذرهم من السيل ويضحكون عليه قالوا سيل بالصيف وهو يرقى براس الجبل ويخليهم بشعيبهم وهو يجي السيل ويقشهم ويموتون ويكمل طريقة حتى وصل ديرة اهله وينشد عن بيت ابوه قالوا له الشايب توفى ويدلونه على البيت ويلفي وطبعاً شكله تغير مع السنين ويقلطه ولد شباب مشورب ويقهويه ويمرح هاك الليلة ويقوم ويويق مع الرواق وهو يشوف الولد الشباب يندحس مع زوجته اللي هي بنت عمه ويفور دمه ويتذكر نصيحة الشايب الثالثه عن الزعل ويكتم غيضة ويجي الصبح ويروح ويسأل واحد من الشيبان عنهم قال راعية البيت كانت مع رجلها وعمها وهج رجلها وهي حامل وهذا ولدها

.

**معلومات** **العضو** · 01-03-2011, 07:32 PM

يؤؤؤؤؤ هههههه ^_^ ماله وجه يتكلم بالنهايه
تسلم على النصايح الحلوه يا ابو شبيب
تقبل تحياتي ومروري وتشرفت فيك

**معلومات** **العضو** · 01-03-2011, 08:17 PM

قصة جميلة تحوي من الموعظة الكثير
لاهنت يابوشبيب

**معلومات** **العضو** · 04-03-2011, 07:21 PM

اقتباس:

المشاركة الأصلية كتبت بواسطة في صمتي لك كلام

يؤؤؤؤؤ هههههه ^_^ ماله وجه يتكلم بالنهايه
تسلم على النصايح الحلوه يا ابو شبيب
تقبل تحياتي ومروري وتشرفت فيك

من قال سالم

وشرف لنا اللي انورتينا بمرورك

**معلومات** **العضو** · 04-03-2011, 07:23 PM

اقتباس:

المشاركة الأصلية كتبت بواسطة نايف آل بريك

قصة جميلة تحوي من الموعظة الكثير
لاهنت يابوشبيب

من قال مايهان

وشرفتنا اخوي نايف

**معلومات** **العضو** · 04-03-2011, 07:39 PM

لكن في وقتنا الحاضر يجب الحذر من جميع الوان و أنواع العيون..

النصيحة تشرى بجمل لقيمتها وصدق من ينصحك بها

لهذا يقولون النصيحة بجمل

ولاهنت يابوشبيب على القصة الجميله