من قال وين الشعر؟قولو سعودي

**معلومات** **العضو** · 11-02-2009, 05:32 PM

هذه مجاراة للشاعر راجس الخضاري وهو نمط جديد للشعر المسمى بالشقر على شكل النظم

يالله بليل فيه صب الربابي=يجلى سواد في الحنايا ربابي
يا للي لقاف الشقر تلعب مهاوي=و انا مهاوي للملاعب مهاوي
من قال وين الشعر؟ قولوا سعودي=مشي تحت هتان وبله سعودي
في وقتنا إلي صار بالشعر بيطار= منا ومنا واضرب الكف بالطار
الله يعيد أمجادنا الهاشميه=تمشي بحد السيف لو هاشميه
يوم العرب تدعس على كل فاجر=سيل تحدر هادر الجم فاجر
حنا الدواسر شامخين كواسر=لعداء من افعال الدواسر كواسر
تغالب تغلب وبالزود زايد =لاصار عند الناس نقص وزايد
من نجد والمسحوب للسيف والمال=بالسيف والناموس والكيس والمال
من جا زبنا يهتني مايراعي=ياويل من زل وجهل ما يراعي
كل الرجال اللي لهم في الملا شان=حنا سندهم من عنا الوقت لا شان
هذي مزارعنا بلا شبك واسوار=لاشح بعض الناس من البخل باسوار
دخلينا لو ضعف ما يلحقه دين=نعطيه نصف المال لو كان مدين
اسأل مخاويهم يجاوب نبيهم=اقرب هل القبله لسنة نبيهم
دنيا الفنا لو عشتها يالبنادم=مجد العرب بنيانها بالبنادم
دمعي على وقتي تحدر وجاري=ألاعب القيفان وانظم واجاري
الناس من كثر الدراهم ترابي=والجوف ما يملاه كون الترابي
الله يرحم عصرنا والرجاجيل=واستغفر الله واطلبه والرجاجيل
كم واحد من شان جده يساوي=لاقارنه باردي خمـام مسـاوي
وجدي على عمر مضالي لحالي=ياطيب فالي مير عزي لحالي
هذا زمان الحقد والنقص مشه=عيبه بثوب الغير من الحقد مشه
عاشوا دواسرنا وربعي وداعين=لعب الشقر بالشعر هاوي وداعين