ارحب هلا مليار من جاشنا كاش

**معلومات** **العضو** · 26-06-2005, 10:26 AM


	السلام عليكم ورحمة الله وبركاته اهداء هذه القصيده المتواضعه وهي رد على ثلاث لبيات جاتني في رسالة جوال وهي على طرق قافية الشين وقمت بالرد عليها والمعنى في بطن الشاعروالقصيده كمايلي... ارحـــب هــلا ملــيار مــن جاشــنا كـــاش مـــع مـلاييـــن الغــلا لــك مـــغابيــــش طــوشتني بــرســالتـك طـاش مـاطــاش ونـغـمـشتني والــراس يـدبـي نــغاميش لـك منــزل عـالـي ولانـتـــب عـــرب لاش ولانتــب دويــني ولانـت خبــل الدراويش اسمك نقشــته وســط قلبــي بمنــقاش نـقـش الــوشــام الي بنـقش المنـاقيش نـقش الغــلا ماهـــوب نـقش على مـآش نـقش وراء حـــدب الحنـايـا مــخاشيــش وراء الضـلوع الحـدب مـاهـوب غــشاش ولاتـسـتوي لاهــل القــلوب المــغاشيش اصفـى من الصافي وابيض من الشاش يســقيك مـن وبـــل القــراح المراشيش مـــيــلاف قـلبــه يـالغـلا عــد ومشاش تــارد على عـــده جــموع(ن)مــعاطيش مـانيـــب ناســيكم ولا نيـــب منـحاش ولانــي مـن نـــاس غــــلاها دنــاديــش يســوقنــي شـوقــي مـع كل مطراش وافــرح ليــا مــن شــفت لافـي مطاريش يـاهيــه هــونها علــى قلــب منــداش نسـمة غـــلا مـــع الهبــايــب نـشانيــش افـــز مــن نــومــي لاحــل طــريــاش كنــي قــريص(ن)كــل ماوحيـت طاريش يـحشـني حــشة محاشيش حـشاش لابـطـت مـراسـيلك ولا جــت طـــواريش هبــت هبـوب(ن) بارده وبلها اطشاش رسـالـتك يـــم القـــــرون العـكاريــش وسـلام منـي ياهــوى البــال لاجـاش مـرســول حبــي يـالعيـــون المــراميش لاوالــذي صـــور ك يـازيـن واعـطاش هـــذا الجـــمال انـي فـلا يــوم نـاسـيش ياهـــيه يالـى بالهــواء صــرت ويــآش اثنـين فــي واحــد وشــهي تــواليـش من مـوق عيني هبهبت داخل الجاش صـافي دمــوع العيــن تســقي مرابيش اسـقيـك مـن شــوقي كوارير وغراش اللـــــذ مــن در البـــكار الـمـــراهيـش وختــامها منـي لـكـم وابـل ارشـاش سـحابـت(ن) تمطر عليش اوحـواليش وسلامة روسكم الــهـاجــس منير الشكري

**معلومات** **العضو** · 26-06-2005, 11:17 AM

اصفـى من الصافي وابيض من الشاش
يســقيك مـن وبـــل القــراح المراشيش
*****************************
مـــيــلاف قـلبــه يـالغـلا عــد ومشاش
تــارد على عـــده جــموع(ن)مــعاطيش
****************************
مـانيـــب ناســيكم ولا نيـــب منـحاش
ولانــي مـن نـــاس غــــلاها دنــاديــش
****************************
يســوقنــي شـوقــي مـع كل مطراش
وافــرح ليــا مــن شــفت لافـي مطاريش
****************************
*********************
***************
********
***
*

الشاعر الكبير منير الشكري

يسعدني ويشرفني أني أول من عانق هذه الدره

فلله درك من شاعر جزل ومبدع

الحقيقه القصيده هذي غير وأنت شاعر غير

التصفيق حتى تكل الأيادي لهذه الشامخه بشموخك

وصح الله لسانك مليون × مليون ولايكفون

تقبل الود والتقدير وأكد المتابعه

أخوك دغش البطي

**معلومات** **العضو** · 26-06-2005, 12:04 PM

تسلم ملايين ياالهاجس على هذه القصيده الطيبه

واللي قافيتها صعبه حتى قمنا نوشوش .

بحق يعطيك العافيه وننتظر المزيد .

تحياتي لك .

**معلومات** **العضو** · 26-06-2005, 02:44 PM

صح لسانك ، ولاهنت .
شاعريه طيبه ، وابداع في أختيار الألفاظ .
لاتحرمنا من جديدك .

**معلومات** **العضو** · 26-06-2005, 03:10 PM

الأخ الهاجس

والله درر درر درر

والله لويسمعونها اصحاب الكشكشه إن ياخذونك منا

صح لسانك أخوي منير الشكره

ولاتبطي علينا

**معلومات** **العضو** · 26-06-2005, 05:13 PM

قصيده في قمة الروعه بيض الله وجهك يالشكري مبدع جزل

**معلومات** **العضو** · 26-06-2005, 05:58 PM

الشاعر / منير بن شايع بن برجس

صح لسانك على القصيده الجزله

وعز الله انك اخذت السر

جعل من ارثك في الجنه

والله لا يهينك

تحياتي لك

اخوك

ابو عبد الله الشكره

**معلومات** **العضو** · 26-06-2005, 07:51 PM

لاهنت يالشكري على القصيده الجزله وبيض الله وجهك
غديت جنوبي

**معلومات** **العضو** · 26-06-2005, 09:41 PM

صح اللسانك يالهاجس ولاهنت على المشاركه الذهبيه

**معلومات** **العضو** · 27-06-2005, 07:31 AM

صـــــــح الله لســـــــانك

وجعلك تسلم على هالقصيدة الرائعه كروعت صاحبها

دمت ودام صدى همس قوافيك يرن بمسامعنا

لاتبطي بجديدك ،،،،

**معلومات** **العضو** · 27-06-2005, 03:06 PM

صح لسانك اخوي الهاجس
على القصيدة الجزله ولاهنت

**معلومات** **العضو** · 28-06-2005, 12:34 AM

صح الله لسانك اخوي منير على القصيدة الرائعه

تقبل تحياتي،،

**معلومات** **العضو** · 28-06-2005, 02:41 AM

صح صح السااانك يالهااااجس ...... قصيدة طيبة من طيب .

....................................

طــوشتني بــرســالتـك طـاش مـاطــاش
ونـغـمـشتني والــراس يـدبـي نــغاميش

ياهـــيه يالـى بالهــواء صــرت ويــآش
اثنـين فــي واحــد وشــهي تــواليـش

من مـوق عيني هبهبت داخل الجاش
صـافي دمــوع العيــن تســقي مرابيش

مسكييين يالهااااجس ......

تحياتي لك ... أخوك ...... مـــاجـــد

**معلومات** **العضو** · 29-06-2005, 03:15 AM

الهاجس

صـــح كــــلك مليـــــــوون

ولاهنــــــــت ,,

أختـــــــكـ

**معلومات** **العضو** · 02-07-2005, 09:06 AM

صح ابدنك عزيزي دغش البطي

على مرورك الكريم

الذي اعنبره وسام كما يسرني ويسعدني

انك اول من عانق هذي القصيده وادلى بردوده

الذهبيه واطراءته الجميله

تقبل الود والتقدير تحياتي

منير الشكري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
"قطر القابضة" تعرض شراء نادي مان يونايتد بـ 2.3 مليار دولار	محمد.الودعاني	:: القسم الرياضي ::	4	20-12-2010 04:38 AM
مليار دولار عائدات "خليجي 20" في اليمن	عبدالكريم العماري	:: القسم الرياضي ::	4	13-12-2010 04:37 PM
القبايل عز للدار ياللاش الحسود	خالد المشاويه	:: قسم إبداعات شعراء المنتدى ومساجلاتهم ::	18	31-10-2010 06:20 PM
150 مليار ريال لـ "الأبنية الذكية" بالسعودية في 8 سنوات	ماجد فهد بن فريج	:: قسم السياســة والإقتصاد والأخبار ::	6	25-08-2010 11:39 PM
تعال و شوف صور قطار المشاعر الذي كلف الدولة 6,6 مليار ريال!!!!	ابو حسين الدوسري	:: قسم الصوتيات والمرئيات والصور بما يوافق الشريعة الاسلامية ::	20	14-06-2010 04:21 AM

الذين يشاهدون محتوى الموضوع الآن : 1 ( الأعضاء 0 والزوار 1)

		منتديات صحيفة وادي الدواسر الالكترونية