الصــبر كـمّـل ..!؟

[معلومات العضو فارس الدبالين]

السلام عليكم

اسعد الله جميع اوقاتكم

تقبلو الجديد وسامحوني على قلة التواجد

تكاشف بروق الهاجس اللي يحوف الجاش=وله مدةٍ تصفق مزونه ولاهمّل
وتنشت هواجيس الفرايد وجات رشاش=ونشت محاديب الصدر والفكر صمّل
على شيٍ اسهب خنجره فالضمير وعاش=ولانيب صابر والصبر قدهو مكمّل
تحملت ناسٍ جعل ابوها لابو قطاش=وانا لجل شرهات المطاليق متحمّل
احشم الرفيق اللي على المرجله شواش=عريبٍ ليا عدّو هل الطيب ماهمّل
وراعا الردا باعطيه مادوره بالكاش=ضعيف الروابع والمروه كما الهمّل
عيونه على طالة رفيقه تقول طماش=وعلى زلته كنه لصيداتها ممّل
هذاْ جعل يقضي عمره بغرفة الانعاش=ولااحدٍ يزوره وسط الانعاش ومهمّل
وبعض الرجال ايشوف نفسه وفيه تياش=وهو لاحداه الوقت ماهوب متجمّل
وبعض العرب يسرح ويضوي كما الادباش=سواة الذي يمشي وباسفاره محمّل
وغوجٍ بلاه الله بالهرج والنباش=وعادة ردي الراس لامن فشل خمّل
هذولا مثل راس الظبي ماوراه عراش=حقايق ويبخصها الذي عاش متأمّل
يحسبون راع الصمت من ضولهم ينداش=وهو من كبر حلمه على حاله ايسمّل
وتبي العلم لامنّ ابغضوك الردي واللاش=تعرف انك بفعل المواجيب متجمّل

 

 

 

 

[معلومات العضو ابو حسين الدوسري]

تحـمـلـت نـــاسٍ جـعــل ابـوهــا لابـــو قـطــاش = وانــــا لــجـــل شــرهـــات الـمـطـالـيـق مـتـحـمّــل
احشـم الرفـيـق الـلـي عـلـى المرجـلـه شــواش = عــريــبٍ لــيــا عــــدّو هــــل الـطــيــب مـاهــمّــل
وراعــــا الــــردا بـاعـطـيـه مـــــادوره بـالــكــاش = ضـعــيــف الــروابـــع والــمـــروه كــمـــا الـهــمّــل
عيـونـه عـلـى طـالــة رفـيـقـه تـقــول طـمــاش = وعـــلـــى زلـــتــــه كـــنــــه لـصـيـداتــهــا مـــمّــــل

والله انك كفوا يفارس
وصح السانك على هالقصيده الجزله
اشهد بالله انها كايفه من شاعر متمكن
لله درك تقبل مروري وتواجدي اخوي فارس
خالص الشكر والتقدير

 

 

 

 

[معلومات العضو راشد المسعري]

يحسبون راع الصمت من ضولهم ينـداش
وهو من كبر حلمه علـى حالـه ايسمّـل
وتبي العلم لامنّ ابغضوك الردي والـلاش
تعرف انـك بفعـل المواجيـب متجمّـل

الله الله يابو سالم

صح لسانك وسلم فكرك

قصيدة من اول لاخر بيت اعتبرها درّة

وقصيدة تبين وتكشف بعض أنواع الرجال للأسف

صح لسانك مرة أخرى وتقبل مروري

ولك ودي وتقديري ،،،،

 

 

 

 

[معلومات العضو سالم الخضراني]

صح الله لسانك يا ابو سالم شاعر مبدع وجزل وما تجيب الا الجزل

لاهنت يا الذيب على القصيده الجميله اللي كل بيت منها قصيده لحاله

ابداااااااااااع يا الفارس وتقبل تحياااااتي وتقديري

 

 

 

 

[معلومات العضو ظافر الأمير]

وتبـي العلـم لامـنّ ابغـضـوك الــردي والــلاش=تــعـــرف انـــــك بـفــعــل الـمـواجـيــب مـتـجـمّــل

ابو سالم جمل الله حالك
والله يصح لسانك ويرفع قدرك
ابيات رائعه وجزله
تقبل مروري وتقديري

 

 

 

 

[معلومات العضو عقاب بن هذال ال بريك]

أرررحب يابوسالم حيك وحي ماجبت من جديد ____ وصح لسانك مليوون على هذه الدره ’’

قصيدة جزله من راس جزل ولا به غرابه لا عدمتك _ ’’

دمتم بخير ’’

 

 

 

 

[معلومات العضو نآصر البدراني]

لله دررّرك على الشامخه وصح لسانكـ لين ما ترضى


قصيدة جزلة يا ابو سالم ومضمون طيب بيض الله وجهكـ


مع أنكـ مقصر بقصيدك علينا لكن حضورك الجزل يلغي غيابك ..

 

 

 

 

[معلومات العضو شافي بن راشد النتيفات]

صح الله لسانك يابوسالم على هذه الرائعه

 

 

 

 

[معلومات العضو محمد مطلق آل بريك]

صح لسانك يابو سالم ودمت محلقا في سما الأبداع

على هذه الدره


تحياتي أنهااااار

 

 

 

 

[معلومات العضو ابونورين الودعاني]

صح لساااااااااانك يخوي بوسالم

لاهنت ع القصيدة الرااائعة

 

 

 

 

[معلومات العضو نايف العمار]

بيض الله وجهك كفيت ووفيت
صح لسانك