أحد يحآول ستر عذرى البعيدين وأحد يدور بآلردى بنت عمه !

**معلومات** **العضو** · 01-07-2010, 03:44 PM

السلام عليكم ورحمة الله وبركاته ..

اقدم لكم من اجمل القصائد واعذب الكلمات وهي

القصيدة للشاعر/ نايف بن عرويل ..

تدري وش أكبر ذنب في الشرع و الدين؟!..

إنـك تسـب الـلـي خلـقـك و تـذمـه

و تدري وش أكبر عيب عند المياميـن؟!..

انـك تخـاوي لـك مـن النـاس رمـه

و تدري وش أخطار التجاوز من يمين؟!..

إنـه يكـون اللـي علـى البـاب عمـه

والمشكلـه لا سلهمـت فيـك بالعـيـن

والريـح تنثـر فـي شعـرهـا وتلـمـه

يضيـع فكـرك بيـن حـد الحجاجـيـن

و يمكـن تجيـب الكارثـه و المطـمـه

و تدري وش اللي يدبل الكبـد ويشيـن؟!..

بعض القصيـد اللـي علـى غيـر يمـه

يا بندر ابن سرور ويـن أنـت هالحيـن ؟

ويـن أنـت يـا زبـن الأمـور المهمـه

وين القصيـد اللـي يـدك المياديـن ؟!.

و يهـز شيـخ فـوق رأســه معـمـه

الشعـر والشعـار صــاروا عنـاويـن

و مهبـل تشـري القصـيـد وتصـمـه

صاروا مثـل مـا قـال لعبـة وراعيـن

وكل(ن)تربـع لـه عـلـى رأس قـمـه

يقـول أنـا الشاعـر و غيـري مجانيـن

ودك علـى مجـمـع خنـوقـه تخـمـه

النـاس تذبـح فـي العـراق و فلسطيـن

و قصايـده يـا حلـو عيـنـه وفـمـه

عساه يؤخذ في الضحـى قولـوا (آميـن)

اللـي بنـات النـاس شغلـه و هـمـه

أحـد يحـاول ستـر عـذراء البعيـديـن

و أحـد يـدور بالـردىء بنـت عـمـه !!

قـد قالهـا بنـدر قبـل عــدة سنـيـن

يثـور معهـا الـحـر و يـثـور دمــه

ولا الـردي لـو مرتـه بيـن قوسـيـن

تـزول عـن عينـه مــزول المغـمـه

يا بنت شومي عن أهـل الضعـف تكفيـن

مالـك ومـال اللـي قـريـب مجـمـه

والشاعـر اللـي مـن رجـالٍ مسميـن

علـيـك فــرض لازم إنــك تتـمـه

الـدار .. والعـادات .. والسلم..والـديـن

ثـم عقبهـا وجـه علـى أيـاة يـمـه !

أتمنى أن ترتقي لذآئقتكم

جوآنا

**معلومات** **العضو** · 01-07-2010, 04:29 PM

الله الله صح لسان الشاعر نايف بن عرويل على هذه الرائعه والجزله
وبيض وجهك ياجوانا على الانتقاء اللي اروع من الرائع
لكي الشكر الوفير وفائق التقدير

**معلومات** **العضو** · 01-07-2010, 06:52 PM

يسسسلمو المرور ورآعيه أخوي خميس مآننحرم حضورك

يآرب . .

دمت كمآ تحب

**معلومات** **العضو** · 01-07-2010, 07:38 PM

الله يعطيك العافية ياجوانا على النقل المميز

وصح الله لسان الشاعر/نايف بن عرويل على قصيدته الجزلة

تقديري,,,,

**معلومات** **العضو** · 01-07-2010, 07:54 PM

صح لسان الشاعر نايف بن عرويل على هذه الرائعه .

ولا هنتي على نقلها لنآآ ..

**معلومات** **العضو** · 01-07-2010, 09:53 PM

أحـد يحـاول ستـر عـذراء البعيـديـن= و أحـد يـدور بالـردىء بنـت عـمـه !!

نسخ لبيت الشاعر بندر بن سرور رحمه الله القائل

و أحد ٍ يحاول بالردى بنت عمه= و أحد ٍ يدوّر ستر عذرى عوانيه

**معلومات** **العضو** · 02-07-2010, 12:32 AM

صح لسان الشااعر وتسلم ذائقتك ..

**معلومات** **العضو** · 02-07-2010, 12:32 AM

الله الله صح لسان الشاعر نايف بن عرويل على هذه الرائعه والجزله
وبيض وجهك ياجوانا على الانتقاء اللي اروع من الرائع

**معلومات** **العضو** · 02-07-2010, 02:24 AM

يعآفيك ربي محمد الشكرهـ ع المرور الرآقي لآتحرمنآ

حضورك . .

دمت بود "

**معلومات** **العضو** · 02-07-2010, 02:29 AM

صح بدنك عبدالرحمن لآهنت ع المرور والتشريف . .

دمت كمآ تحب

**معلومات** **العضو** · 02-07-2010, 02:35 AM

أبو زيد الغيثي الشششكر لك ع مرورك وتعقيبك . .

دمت بود

**معلومات** **العضو** · 02-07-2010, 02:37 AM

صح بدنك خيآلية نورتي متصفحي . . لآتحرمينآ إطلالتك

يآبعدي "

دمتي كمآ تحبين

**معلومات** **العضو** · 02-07-2010, 02:40 AM

الروووعة حضورك أخوي شآفي النتيفآت يسلملي المرور

ورآعيه . .

دمت بود

**معلومات** **العضو** · 20-07-2010, 11:56 PM

يا بنت شومي عن أهـل الضعـف تكفيـن

مالـك ومـال اللـي قـريـب مجـمـه

يسلمووووو جوانا ذوق رااائع لاخلا ولاعدم ...

**معلومات** **العضو** · 21-07-2010, 12:01 AM

صح لسان الشاعر نايف بن عرويل

وصح لسانتس يا جوآنا ,, وسلمت يمناتس ع النقل

والله يعافي روحك ع اختيارها وطرحها هنا

وتقبلي موروري

الذين يشاهدون محتوى الموضوع الآن : 1 ( الأعضاء 0 والزوار 1)

		منتديات صحيفة وادي الدواسر الالكترونية