اللي يصد بلا سبـب ماقـول غيـر الله معـه...

[معلومات العضو الزين]

الصاحب وعجاف السنين



للشاعر ...نايـف معـلا العتيبي...

الصاحب اللي ما ذخرته غير لعجاف السنيـن=كيف يتجاهل قـدري وقـدره وحنَّـا فالسعـه
ولا جاه منِّي ما يحتم وقفـة العـذر السميـن=إلا الوقار اللي بصـدري كـان ودَّه ينزعـه
معزَّته عندي كبـر هقواتـي بطلـق الجبيـن=لكن مانـي حايـل ٍ مابيـن عينـه وأصبعـه
له منِّي أدمـح زلَّتـه لا زل والقاسـي يليـن=وإله علي أنصـت لمـا ودَّه يقولـه واسمعـه
حتَّى لو إن اللي يقولـه يبحـث السـد الدفيـن=والله ليبطـي ماسمـع منِّـي كـلامٍ يِجزعـه
إلاَّ ليا من قيل : مادون الحلـوق إلا َّ اليديـن=في وقتها ماهوب مِحرف وجهته ليـن أقنعـه
الله يكافينا الشرور ويا عسـى الدعـوا تزيـن=والله ينجّينا مـن كـروب الزمـان الموجعـه
وأنّا نصير بنعمته مثل الأخوان الطيبين=متكاتفين بصف واحد ماتجيه الزعزعه
مثل الجبال الشامخات بوجه الأعـدا صامديـن=من جاع منهـم وإبتغانـا بالهزيمـه نِشبعـه
ننهل من القرآن ، والسنَّه ، وهدي الصالحيـن=ونمشي ، وقدوتنا محمـد والكـرام الأربعـه
اي والله الصحبه عسى ربِّي على الدنيا يعيـن=ماهيب صحبة نافخين الكير وأهـل المضيعـه
والصحبه اللي غير مبنيه على تقـوى وديـن=ولا على سلـم الكـرام تهزَّهـا أيَّـة زوبعـه
ويا صاحبي مد اليمين إنْ قلت لك مـد اليميـن=لا تآخذك سود الظنون وتصبح أنـت الإمَّعـه
تراك : غالي والغلا ما أنصى به إلا الغانميـن=وإلا الردي : والله لأبيعه لـو ماقالـوا : بعـه
إلي عليك : إنك تدوس الشـك بأقـدام اليقيـن=وإنك تعرف : إنِّي ما أدوَّر من وصالك مطمعه
وإن كان في صدرك عليَّه شي سمَّه واستعيـن=باللي جعلك تذود عـن رد الجميـل وتصنعـه
وعهدٍ علي إنَّك لترضى والرضا كنـزِ ثميـن=أطرد به الضيقه عن الأصحاب واللاش أردعه
وإن كان منته مقتنع مانيب قايل : رحت وين ؟=فجوج ربِّي واسعه وأنـا المقفِّـي مـا أتبعـه
طال العتب وإلا قصر هي كلبوهـا : كلمتيـن=اللي يصد بلا سبـب ماقـول غيـر الله معـه

وسلامتكـــــــــــم

 

 

 

 

[معلومات العضو شافي القويسي المخاريم]

الشاعر نايف

زميل عزيز وغالي

و شاعر موهوب

صح لساااانه


لاهنتي على ما قدمتيه


تحياااااااااتي

 

 

 

 

[معلومات العضو أبونواف الدوسري]

بارك الله فيك أبنتي الزين علي هذه القصيده الرائعه..

وصح لسان الشاعر نايف العتيبي..

وفقك الله ورحم والديك....

 

 

 

 

[معلومات العضو الزين]

المشاركة الأصلية كتبت بواسطة شافي المخاريم

الشاعر نايف
زميل عزيز وغالي
و شاعر موهوب
صح لساااانه
لاهنتي على ما قدمتيه
تحياااااااااتي

ومن قال مايهون وبيض الله وجهك اخوي شافي علي المرور والتعليق الطيب

 

 

 

 

[معلومات العضو الزين]

المشاركة الأصلية كتبت بواسطة أبونواف الدوسري

بارك الله فيك أبنتي الزين علي هذه القصيده الرائعه..
وصح لسان الشاعر نايف العتيبي..
وفقك الله ورحم والديك....

اللهم امين ووالديك ان شاء الله

ولاهنت يابو نواف وبيض الله وجهك

علي المرور والتعليق الطيب

 

 

 

 

[معلومات العضو ابو فهد الغييثي]

بارك الله فيك أبنتي الزين علي هذه القصيده الرائعه..

وصح لسان الشاعر نايف العتيبي..

وفقك الله ورحم والديك....

تحياااااااااااااااتي

 

 

 

 

[معلومات العضو بنت الشايب]

الله يعطيتس الف عافيه يالزين

جهد يستحق الشكرر

سلمتي لـ تبدعي

دمتي بوود

 

 

 

 

[معلومات العضو الهول الودعاني]

الله لا يهينك اختي الغاليه الزين ويعطيك الف عافيه
وصح لسان الشاعر نايف العتيبي

وتقبلي احترامي وتقديري

 

 

 

 

[معلومات العضو الزين]

المشاركة الأصلية كتبت بواسطة ابو فهد الغييثي

بارك الله فيك أبنتي الزين علي هذه القصيده الرائعه..
وصح لسان الشاعر نايف العتيبي..
وفقك الله ورحم والديك....
تحياااااااااااااااتي

اللهم امين ووالديك ان شاء الله لاهنت وبيض الله وجهك يابن غيااااث

علي المرور الطيب

 

 

 

 

[معلومات العضو الزين]

المشاركة الأصلية كتبت بواسطة بنت الشايب

الله يعطيتس الف عافيه يالزين
جهد يستحق الشكرر
سلمتي لـ تبدعي
دمتي بوود

الله يسلمتس يالغاليه من كل شر ولاهنتي علي المرور الطيب

 

 

 

 

[معلومات العضو محمد الولامين]

صح لسااان الشااعر


نايف معلا


ظلموووه يوم ماتأهل الى شاعر المليووون


لا هان الشاااعر و لا هان من جاب القصااايد


في انتظار جديدك

 

 

 

 

[معلومات العضو ابو زيد الغييثي]

وإن كان منته مقتنع مانيب قايل : رحت وين ؟=فجـوج ربِّـي واسعـه وأنــا المقـفِّـي مــا أتبـعـه
طـال العتـب وإلا قصـر هـي كلبوهـا : كلمتـيـن=اللـي يصـد بـلا سـبـب مـاقـول غـيـر الله مـعـه

اختي الزين لاهنتي على هذا النقل

وصح اللسان بن معلا ملاييين


ابو زيد

 

 

 

 

[معلومات العضو الزين]

المشاركة الأصلية كتبت بواسطة ابو فهد الغييثي

بارك الله فيك أبنتي الزين علي هذه القصيده الرائعه..
وصح لسان الشاعر نايف العتيبي..
وفقك الله ورحم والديك....
تحياااااااااااااااتي

لاهنت وبيض الله وجهك يابن غيااااااث على المرور الطيب

 

 

 

 

[معلومات العضو فهد بن مبارك الودعاني]

الـــزيـــن صح السان الشاعر و بيض الله و جهكـ على النقل لأهنتي الله على ما أتحفتنينا به 0 لـك كـل الأحـتـرام و الـتـقـديـر 0

 

 

 

 

[معلومات العضو الزين]

المشاركة الأصلية كتبت بواسطة الهول الودعاني

الله لا يهينك اختي الغاليه الزين ويعطيك الف عافيه
وصح لسان الشاعر نايف العتيبي

وتقبلي احترامي وتقديري

لاهنت وبيض الله وجهك ياخوي علي المرور الطيب