الخييلـي بـادي ٍ ويتمـثـل

[معلومات العضو السلطان]

هذي قصيدة للشاعر هديبان بن هادي بن علوش الخييلي

المناسبة / بعد اكتشاف البترول وانتشار البلنتات وضيانها في الصحراء ومقدم النصارى لأرض الجزيرة لإستخراج الزيت ، وظهور الطيارات لأول مره على الجزيرة والسماع بـ التلفون [ تيل ] كان ذلك الامر مستجد ومستغرب من البدو بالذات .. فقال هذه الابيات :

الخييلـي بـادي ٍ ويتمـثـل = وعينه تهـل الدمـع محـدٍ ثابهـا
قالوا الخبلان ويش مهيضـك = ما شافوا اللي شفت وسـط ترابهـا
أرض وامر الله عليها عقوبـه = تقلقلـت اجبالهـا مـن عذابـهـا
مكينة ٍ تشتغل وهيـبٍ ينبـث = وضو ٍ يشيب القلب شوف التهابهـا
تيل ٍ يعلم وطيراً في السمـاء = وكلب ٍ تحيل فـي ديـار ٍ غدابهـا
وبيب ٍ مشي من ديارنا لحيفـا = ما مشته الأنبياء فـي اول شبابهـا
تكفون يا آل سعود ياهل السيره = اهل صبحات ٍ في الضحى ينحكابها
وليتوا الأقطار وكل ٍ جـرب = وشلفٍ وريع ٍ ما يتخايط صوابهـا
وجمع ٍ على الهوش قده مضرا = منه الجنايز ما عرف لي احسابهـا
امشوا على الكفار ووحدوا الله = قبـل الصبايـا لا تقنـع ثيابـهـا

تيل = التلفون

طير = الطياره

 

 

 

 

[معلومات العضو الخييلي]

صح لسان ابو هادي وتسلم يمناك أخوي
تحياتي لك اخوك الصغير الخييلي

 

 

 

 

[معلومات العضو تركي ال فنيس]

صح السانك والسان الشاعر بيض الله وجهك اخوي السلطان وانت دايماااااااا سلطان في مواضيعك

 

 

 

 

[معلومات العضو العماني]

صح لسانك اخوي السلطان ولسان الشاعر

قصيدة جميلة معبره لاهنت اخوي

 

 

 

 

[معلومات العضو الـخـيـيـلـي]

لا هنت يالسلطان وبيض الله وجهك على هذه المشاركه يالقرم

والله يرحم الشاعر هديبان بن علوش

 

 

 

 

[معلومات العضو عبدالله الشكري]

صح لسانك يالسلطان وصح لسان الشاعر الخيلي
وبيض وجهك على الطرح الرائع


اخوك
عبدالله الشكري

 

 

 

 

[معلومات العضو السلطان]

الخييلي

تركي الودعاني

العماني

الـخـيـيـلـي

عبد الله الشكري


شكرا على المرور ويعطيكم العافيه

 

 

 

 

[معلومات العضو نايف]

صح لسانك يالسلطان ولسان الشاعر ويعطيك العافية