سرّح الصاحي مع الجرب وتشوفه عليل لـ/ محبوب بن جلحان الفصام

[معلومات العضو راشد المسعري]

السلام عليكم ورحمة الله وبركاته:
اسعد الله اوقاتكم بالخير والمسرات

هذي أبيات للشاعر والمؤلف/ محبوب بن جلحان الفصام وهي عبارة عن نصيحة للشباب ولمن أراد الإستفادة منها.
والشاعر محبوب شاعر كبير ومؤلف قدير وسبق أن ألّف ديوان " من أشعار الدواسر " والآن يستعد لطرح الطبعة الثالثة من هذا الديوان قريبا بإذن الله .
وهو ابن أحد المقاتلين الشجعان في صفوف جيش الملك عبدالعزيز اللذين شاركوا في فتوحات وتأسيس المملكة وهو والده المرحوم بإذن الله الشيخ الشاعر/ سعد بن مدوس الفصام المعروف ب " جلحان" والذي نحفظ جميعاً أبياته الشهيرة والتي يقول منها:

ياناشد عنـا ترانـا هـل الخيـر
هل ديرة من قل ماله نحرها

حـنـا الـدواسـر مكرمـيـن الخطاطـيـر
امـدارنــا نـعـطـي حـــلاوي ثـمـرهــا

وصـحـون تـقـدم للوجـيـه المسافـيـر
مــن كـثـر ماتعـبـا تـنــادي سـفـرهـا

حضر ليالي القيـظ وان جـا المخاضيـر
بــدون نـطــرّد بالـوسـامـي زهـرهــا

نـهـد بالـكـلـب السـلـوقـي وبالـطـيـر
نسـجـهـا مـــن بـرهــا الـيــا بـحـرهـا

بخيـل الـى شـدوا تـبـاري المظاهـيـر
مـن جــا يبيـنـا جــظ لاشــاف اثـرهـا

بربعي هل الشول الصخاف المعاشير
الاد مـســعــر مــايــغــور ظــفــرهــا

دون الـعـشـايـر مـانـهــاب الـطـوابـيـر
الــروح مـانــدرا بـهــا عـــن خـطـرهـا

ايمـانـنـا تــرمــي بــســو الـمـقـاديـر
مسـمـومـة بـالـمـوت لا الله ومـرهــا

تـهـدي شلاشـيـل الـرمـاح القناطـيـر
شـلـف يـغـرق دمـهـا مــن عصـرهـا

لاقـلــت الاريـــا وعـمــس الاشـاويــر
زيزومـهـا ابــن قـويـد يظـهـر خـبـرهـا

فـي ترثتـه مـن يحتـمـل للمخاسـيـر
المـرجـلـه يـاطــون كــايــد وعــرهــا

وقـت مضـى والوقـت ذا فاتحـة خيـر
عبـد العـزيـز الـلـي بحكـمـه عمـرهـا


رحم الله الشاعر/ جلحان الفصام وبارك في ابنائه وذريته.

امّا قصيدة الشاعر/ محبوب بن جلحان الفصام " النصيحة " فيقول فيها:

كل ماضنيت في صاحبٍ ظن جميل
خاب ظني نسأل الله الكريم العافية

هكذا الدنيا ولا فيه شي مستحيل
التجارب علمتني وهذي كافية

أنت ياللي من التجاريب ماعندك حصيل
لاتحسبن إن الضماير دوم صافية

الصديق اللي مع ميلة الفيّه يميل
جنبّه دوّر صديق شبوره وافية

رفقة الطيّب تقهويك بريّه وهيل
ورفقة المثبور ترّث شرورٍ خافية

لا تباري المشتبه لو مسافة ربع ميل
إبتعد من الهافي اللي فعوله هافية

سرّح الصاحي مع الجرب وتشوفه عليل
السلامة والشرف في طريق العافية

 

 

 

 

[معلومات العضو عبدالرحمن بن فلاح آل بريك]

صح الله لسان الشاعر محبوب بن جلحان الفصام قصيدة
مليئة بالحكم والمواعظ ،،

ولا هنت يا أبو محسن على نقل القصيدة والسيرة الطيبة
لأحد أبناء العمومة.

 

 

 

 

[معلومات العضو راشد المسعري]

المشاركة الأصلية كتبت بواسطة عبدالرحمن بن فلاح آل بريك

صح الله لسان الشاعر محبوب بن جلحان الفصام قصيدة
مليئة بالحكم والمواعظ ،،

ولا هنت يا أبو محسن على نقل القصيدة والسيرة الطيبة
لأحد أبناء العمومة.

صح بدنك بالنيابة يابو فلاح
ولاهنت على مرورك الكريم
تقبل ودي وتقديري ،،،

 

 

 

 

[معلومات العضو الكاتم]

صح لسان الشاعر ولاغرابة شاعر ولد شاعر
والنصيحة وافية ومقبولة

 

 

 

 

[معلومات العضو راشد المسعري]

المشاركة الأصلية كتبت بواسطة الكاتم

صح لسان الشاعر ولاغرابة شاعر ولد شاعر
والنصيحة وافية ومقبولة

صح بدنك يالكاتم

شرفتني بمرورك العطر طال عمرك
تقبل ودي وتقديري ،،،

 

 

 

 

[معلومات العضو كنسل مواعيدك]

صح لسان الشاعر محبوب وياحلو القصايد اللي كذا 🌹



علي قوله السوري ياهيك يابلا😂

 

 

 

 

[معلومات العضو هادي بن فهد]

صح الله لسان الشاعر

ولاهنت على النقل ي ابومحسن

 

 

 

 

[معلومات العضو تآج روس السلاطين]

كفووالله يرحم الشاعر جلحان قصيده في قمة الروعه والبداع تسلم علا النقل اخي
راشد ولاهي غريبه علا خطلان الايدي
ايمـانـنـا تــرمــي بــســو الـمـقـاديـر
مسـمـومـة بـالـمـوت لا الله ومـرهــا

تـهـدي شلاشـيـل الـرمـاح القناطـيـر
شـلـف يـغـرق دمـهـا مــن عصـرهـا

لاقـلــت الاريـــا وعـمــس الاشـاويــر
زيزومـهـا ابــن قـويـد يظـهـر خـبـرهـا

 

 

 

 

[معلومات العضو فهد الغريري]

ارررررحب ي بومحسن تراحيب المطر دايم ماتجيب الا جزل الفرايد وهذي عوايدك وصح الله السان الشاعر محبوب الفصام وتقبل تقديري واحترامي