قصيدة الدواسر للشاعر خالد الودعاني الدوسري

[معلومات العضو عبدالرحمن الودعاني]

السلام عليكم
هذه قصيدة قالها الشاعر خالد الودعاني الدوسري في الدواسر

يهتز سطح الارض والشعر زالـزال=زلزال في شرق اسيا يشبهـه حيـل
شعرٍ يخلدني علـى مـر الاجيـال=يبقى على مر الزمن مابقـى سهيـل
لاقلت بيت من الصدى ردت جبـال=وما استبعده يلغي شعر كل هالجيـل
وان ما شهرني وانضرب فيه الامثال=ماقول حرفي شمس وحروفهم ليـل
ياقاري حروفي و يا طيـب الفـال=اربط حزام الدهشـة بكـف تحليـل
شعري نوى يمدح غزيرين الافعـال=الوافييـن الشامخيـن الحلاحـيـل
اللابة اللـي فعلهـا يسبـق القـال=مثل الرعد يسبقـه بـرق المخاييـل
الموت كنّه عندهـم شـرب فنجـال=والخـوف مالـه فالحنايـا مداهيـل
مثل المحيط اليا ضرب موجه الجال=غريمهم شـاف الغرابيـل والويـل
وصبيهـم ينطـح ثلاثيـن رجـال=وقت اللقا له ضربةٍ تسقـط الخيـل
كل الدواسر ياهل العـرف ابطـال=فعل القبايل غصن وافعالهـم سيـل
واخص منهم عمي معـرب الخـال=طير الهدد ذيب الجلد ذابـح الحيـل
المجلـس اللـي للمناعيـر مدهـال=من عقبه اصبح (حاتم) بعيني ابخيل
هذاك ذكـره بـدل اليـاس باامـال=وهذاك ذكره كنّـه الشمـس بالليـل
والطيب لو له هامة اتطاول اجبـال=تصير ساس لطيب راس الرجاجيـل
مادام فزعة لابتـي روس الامـوال=والنخوة بعمي هي ذخـر المقابيـل
لاقلت ابن زايد من الوقـت لامـال=تضحك لي الدنيـا ويتعـدل الميـل
ماهو غـرورٍ لكـن الحـق ينقـال=انا شموخي عانق الجـدي وسهيـل

 

 

 

 

[معلومات العضو ذيب الغياثات]

بيض الله وجهك يا عبدالرحمن الودعاني على نقل القصيده

وصح اللسان الشاعر خالد الودعاني

قصيد رائعه بروعة كاتبها ولاهي غريبه على عيال زايد

تقبل تقديري واحترامي لك ولشاعر

 

 

 

 

[معلومات العضو عبدالرحمن الشرافي]

كل الدواسر ياهل العرف ابطـال ****** فعل القبايل غصن وافعالهم سيـل

واخص منهم عمي معرب الخـال ******* طير الهدد ذيب الجلد ذابح الحيـل

المجلس اللـي للمناعيـر مدهـال ********من عقبه اصبح (حاتم) بعيني ابخيل

هذاك ذكره بدل اليـاس باامـال ******** وهذاك ذكره كنّه الشمس بالليـل

ونعم والله بـــ بني عمي ..


لاهنت أخوي / عبدالرحمن الودعاني ...


على هذا القصيد اللي يرفع الراس..





تقبل تحياتي وتقديري ..

 

 

 

 

[معلومات العضو بندر الدوسري]

تسلم وطال عمركـ

 

 

 

 

[معلومات العضو الزير سالم]

وصبيهم ينطـح ثلاثيـن رجـال ....... وقت اللقا له ضربةٍ تسقط الخيـل

يذكرني هذا البيت بفعلت الفارس طليفيح المصارير بابن عبود
وصح لسان الشاعر

 

 

 

 

[معلومات العضو عـ دوسري ـيناوي]

والطيب لو له هامة اتطاول اجبال تصير ساس لطيب راس الرجاجيـل
مادام فزعة لابتـي روس الامـوال والنخوة بعمي هي ذخـر المقابيـل
لاقلت ابن زايد من الوقت لامـال تضحك لي الدنيا ويتعـدل الميـل
ماهو غرورٍ لكـن الحـق ينقـال انا شموخي عانق الجـدي وسهيـل

مشكوور الغالي ع المشااركه وماقصرت والله
وصح لساان قايلها ويد ناقلها

 

 

 

 

[معلومات العضو عبدالرحمن الودعاني]

شكرا لكم لردودكم المشجعة وإن شاء الله الجاي أكثر وأفضل

 

 

 

 

[معلومات العضو العـمـور]

صح لسااان الشااعر ولا يهون الناااقل ,,

وكفووو ببني عمي ,,