قصيدة للدندان في طلب الله بالمطر

**معلومات** **العضو** · 20-07-2010, 10:44 AM

بدا في الضحى النشاد في مرقبن لاعاد=رقا في طويـل مقـورات المعازيلـي
بدا بسم ربه قبل مبـداه فـي الانشـاد=وذكر طلبـة الله قبـل بـدع التماثيلـي
صحيحن ولحه كثر مايحصـي العـداد=على حاجة وارجي عطاياه تجري لـي
فـيالله بليلـن مايخفـه نسم الانــواد=حقوق يشقـق مـاه غـور الغماليلـي
بكر ليلة الجمعه بامر الكريـم وزاد=وتعاقـب عليـه مروحـات اهماليلـي
تقصف رعوده لين زل الربـوع وعـاد=غـدا المـاء فـي مزونـه هواشيلـي
تهشم على الفرشه معا حـزة المهجـاد=خذا ردعشرن فـي غظيـن مهاجيلـي
عروضن سحابه يلتمـج بارقـه منقـاد=يخلي مـع بعـض المحانـي مغاييلـي
من العرق للهجله قنيـف مـن الرعـاد=وعلى عبلة الجزلا بردهـا حزاويلـي
تحدر على روس الغراميل ماه قصـاد=يدك الهمـل مـن بـاردات المقاييلـي
جثيله على القمري يطره ثمـد وغمـاد=ربابه كمـا زرق الجمـال المحاميلـي
سقا دار شيـاب العثانيـن كـل اسنـاد=دنين العبس فيهـا كمـا بنـة الهيلـي
طوال الغوارب تلحق القن كـل امـراد=كبـار الفقـار ومحجـلات العنابيلـي
بعد نيها حطـت كثيـر المسيـر ونـاد=تطاوي هشيمن من عضاهـا مهازيلـي
ياماحلا شوف المواري عليهـا جـداد=تخالـف مثاميـن ولخـوى مظاليلـي
تقود الصدير وذي تجي كالمحوص اراد=تبي عرفتن فيهـا الوضيحـي مقاييلـي
يارازق الي مايبـي طـاري المسنـاد=محبن لداري وشرعتي فـي مداهيلـي
وافتح لنا بـاب مـن العـرش ياجـواد=برزقـن تليـن بـه كبـود مغاليـلـي