جينات الدما00

**معلومات** **العضو** · 18-08-2007, 06:06 AM

فتشوا عن بعض جينات الدما=شرط تلقاها فصايل آدميّه
بنت حواء ماحداها إلا الضما=والدمِي نبض الدلال الشاذليّه
تشرب الفنجال كيف وهي لَمّا=وين عكفان الشوارب من بنيّه..؟
وين ياكرام اللحّا لا ربما=الفصايل تنقرض تبقى اللحيّه
وين حمّاي الدبيله والحما=صار يسقي الحوض يمسح مزهريّه
وين فرسان القبيله مثلما=راحوا تروح القيم والمقدريّه
مابقى الا بعض بزقات ونما=الصقور مبرقعه يالراعبيّه
العبي والتوت ماحدٍ يلثما=كحلي عينه بشوفك واهنيّه
لوللشي والقاف يذبح ملهما=حي من يذبح بنات الفكر حيّه
همشيهم خربشيهم ماسما=من مشى بالوحل يطمر في الركيّه
عذبيهم عذبيهم كلما=مات واحد قربي الثاني غذيّه
حسبي الله يوم عرض وارتما=حطها في ملعبي والنار حيّه
هيه انا مانيب لعباتك أَمَا=تذكرين إني بقايا من شظيّه
تذكرين إني محمدهم 00هما= بانحرك واطا على خد المعيّه
باخذ بثار الضحايا إنتما=مانتي إلا من هوى يالحنشليّه
أستطيع أنوّخه إي واخزما=أستطيع اقوده وينقاد ليّه
واتحادكم تحدي طالما=اذكر الله كل صبح ومغربيّه
اتوكل واطلب الله كلما=طخّت براسي أغني سامريّه
لاخطيت أستغفر الله بينما=عاصي الله إيتمادى في الخطيّه
طايع الله يعبد الله حسبما=شرع ربي ،تابعٍ سنة نبيّه
آدمي مافي جينات الدما=لاحشا مانتيب والله آدميّه

**معلومات** **العضو** · 18-08-2007, 08:16 PM

صح لسانك . الله يعطيك العافية. ومشكور على اتحافنا بها القصيدة .

**معلومات** **العضو** · 27-08-2007, 05:12 PM

بن مطوع الودعاني

تواجدك نوماس يا بعدي

لك الود والورد

**معلومات** **العضو** · 28-08-2007, 01:20 AM

ويـن حمّـاي الدبيلـه والحـمـا=صار يسقي الحوض يمسح مزهريّه

أرحب يابو فراج صح الله لسانك على القصيدة الجزلة ولك مني أجمل الود والتقدير ،،،،

**معلومات** **العضو** · 28-08-2007, 11:37 PM

راشد المسعري

تواجدك نوماس يا بعدي

لك الود والورد

**معلومات** **العضو** · 28-08-2007, 11:49 PM

صح لسانك وبيض الله و جهك

**معلومات** **العضو** · 29-08-2007, 12:10 AM

صح الله لسانك على القصيدة الجزلة وبيض الله و جهك

**معلومات** **العضو** · 29-08-2007, 01:11 PM

صح الله لسانك وننتظر جديدك
اخوك الحمودي

**معلومات** **العضو** · 29-08-2007, 02:38 PM

صح الله لسانك واعتلا شانك يا الغالي

لاهنت يالغالي على الموضوع

وبيض الله وجهك والله يعطيك العافيه

ولا تحرمنا من مواضيعك الطيبه جعلك تحيى

وتقبل مروري

اخوك/ محسن بن راشد بن محسن الغريري

الذين يشاهدون محتوى الموضوع الآن : 1 ( الأعضاء 0 والزوار 1)

		منتديات صحيفة وادي الدواسر الالكترونية