أهداء ألى معالم الحياه 511

[معلومات العضو العضوالمنتدب]

ليت ذنبي غير فرقاك واستغفـر واتـوب
كان ماخيّم بصدري مـن الفرقـا نـزاع


سقت قلبي من شمالـه وسيّرتـه جنـوب
كيف اوادع وانت اخذت المودّع والـوداع


خافقن يلبس لك العشق والتحنـان ثـوب
مارضالـك بالمهونـه ولا جـاك بخـداع


كل شي غير داعيـك ماهـو بمحسـوب
شمس ماتشرق بوصلك مهى ضى وشعاع


وان حكوا في سيرة ابعاد عميان القلـوب
ضمّنى في وسط عينك وخل القـاع قـاع


وان خذانى فكري النازح الغـر اللعـوب
ناد باسمى ويتحدّر غروري لـك ضيـاع


وان غفا ليلـي بليـاك واعيـاه الهـروب
لك معى صوت ومواثيق وهجوسن تشـاع


قد غلبتك وانت ماعشت في يـوم مغلـوب
قل نعم وانا اعترف لك واقول انك شجاع!!


والله انى جنتك وانت راضى ومغصـوب
ذبت فعروقك وغيرت بـك كـل الطبـاع


سم باسم الله فـي قلبـي وعـد الـدروب
كيف يتبعثر خفوقي واجي لـك بانصيـاع


وكيف لاخطيت بشعوري وشفت انى كذوب
التزمت الصمت وعيونـى حكايـة نـزاع

الشاعره / أبعاد التركي ..

 

 

 

 

[معلومات العضو المان]

قصيده جزله سلمت على النقل

 

 

 

 

[معلومات العضو العضوالمنتدب]

اقتباس:المشاركة الأصلية كتبت بواسطة المانقصيده جزله سلمت على النقل ألمان .. شكرا لمرورك الكريم ..

 

 

 

 

[معلومات العضو محمد بن عريمه]

صح لسان الشاعره

ولاهنت ع النقل

 

 

 

 

[معلومات العضو العضوالمنتدب]

أرحب يافارس الفرعه .. يالله حيه ..

دائما مداخلتك تسعدني .. شكرا كتير ..

 

 

 

 

[معلومات العضو شافي بن راشد النتيفات]

بيض الله وجهك على النقل المميز
وصح لسانك ولسان الشاعرة ابعاد

 

 

 

 

[معلومات العضو مبارك بن شافي النتيفات]

العظو المنتدب لاهنت على النقل المميز

وصح الله لسان الشاعره على هذا الابداع

 

 

 

 

[معلومات العضو الشامخه]

لاهنت على النقل ..
وصح الله لسان الشاعره..

 

 

 

 

[معلومات العضو العضوالمنتدب]

وجهكــــ ابيض ياشافي... باي

 

 

 

 

[معلومات العضو العضوالمنتدب]

ابوشافي الدوسري مرورك شرف لموضوعي دمت بود

 

 

 

 

[معلومات العضو العضوالمنتدب]

الشامخه حياااكــ يالغاليه ...تحياتي