ملحمة الدواسر

[معلومات العضو الصاررم]

هذه القصيده قالها الشاعر : شبيب بن فارس بن جمي ال بريك*

مدح لقبيلة الدواسر*

*


يالله طلـبـتك ياعظـيـم الشـاني
*فرد(ن) صمـد ماله شريك ثاني

جــلا جلاله جـل فـي صـفـاته
*ياحي ياقـــيوم يـارحمــانـي

ياباسـط سبع الاراضـين بأمـره
ويارفـع سبع(ن) بـلا عمــداني

ياحي ياقيوم يالفرد الصمــــد
هو الذي لا قــال فأمــتر كاني

أنت الذي مـدات جـودك تغـني
المـعطي المتصرف المـنانـي

تغفـر ذنوبي يا وسيـع الرحـمة
لا تـاب عبـدك يطلب الغفـراني

عطفك ولطفك يوم كشف السراير
لا قربت الأعمـال والميزانـــي

ومن بعدها زان المــثل ببـديبه
*مـــثايل فـيها تثــير أشـجـانـي

ولا صار ما عندك رأي(ن) يدلك
فـيخر الدلايل جـرة الفرسـانـي

ولا صرت خيال(ن) ولا انت بتسند
قدامك الميــداني يا حـمدانــي

اما كســبت المعـركه بأكـملها
ولا قـضعك مـجندل الشيخانـي

من ياخذ الدنيا أخراص وهــــقوه
بيـلعب عليــه مقدي الـذلانـي

يـجيبها مـــن لا يســد انبوبها
لا شـتب نار الحرب جاه اجنانـي

مـــا ينطح القـالات كون ارجالها
أجـمال تخــوت مـزبنين الجانــي

انحمـد الله يـوم(ن)مـن لابــه
*لاد زايـد مـكرميـن العـــانـي

اهل سفرتن تندى وسيفن ومنسف
*ومـــشرعــين البـاب لضيفانـي

واهــل مشاريعن وغرسن داجي
وتــعطي ثـمار الـزرع بالمجانــي

حنـا اهل الشيمات واهل القيـمه
اعزاز النفوس من الحطام الفانـي

والـجار يــامن عنـــدهم بالجيرة
تــوسم عصــاه ونمنــه بأمانـي

الاجنبــي يـــدله وينسي حيه
مــــعززن كنـه قـريب دانـي

لــي لابه(ن) يـوم الوغي حربيه
لاد زايــد تـــوفي الــديــانـي

سلايــل الملطوم صهيب وسـالـم
مجدن(ن) لنا ورث(ن) من الجداني

الزايدي و التغلبي و جمـــيلـــه
والكل منهم مـحزم (ن) لـثـانـي

حنا الدواسر ممنين الـخـــايـف
لا ضاع فعله بـــارد الذرعـانــي*

دواسر(ن) كنيو على دوسر الفحل
قــد قالـهـا قــدامــي البدرانــي*

تعرف مواقفهم وتعــرف افعولهم
ويشـهد لهم سيـف العرب شاماني

اقسومنا وارسومـــنا معـروفه
خـذنا سـنام المـجد في الاوطاني

زحنــا قبايـلهــا وفيــها سكنا
غصــبن علـى الحسـاد والعدواني

وعـــدونا بالـــملح نكحل عيونه
بـــالملح والبـــارود والــخفاني

نـــجرله نمـــرا(ن) يروعه شوفها
هـجن(ن) وخيل(ن) فوقها شجعانـي

لاغطرن البيض و احتمي الوطيس
ثم بين الصامــل مـن الجــبـانـي*

نــارد حياض الموت ورد الظامي
بـسيوف هند(ن) ضربهن الامتـاني

وشلف(ن) تلظى ويل من ضربتبه
خــلي عشاء لضـــبع والسرحاني

قلتــه وانا من لابـــة(ن) معروفه
فيـها المـكارم والفــخر عنـوانــي

بريكــيه فيـــهم شيـــوخ ونــــدر
مـــن زايد وصـــيهب والــجريانــي

تنــــقل ســـيوف الهند وام رقابه
وحدب (ن) علـــيها كتبة النصرانــي

ومخيرات (ن) كن وصف ارقابها
ارقـاب صـل معـكف النـيـبــانـي

كن الخــضار يموج في حـــديدها
خــضار جـم(ن) يرده العــطشاني

ومحازم (ن) فيها الفشق بأنواعه
مدرع ومـقبس وعـــــمــانــي

تهيأ المداغيـــش يفــــكون الوجب
خـطلان الايـدي لا احتمي الميداني

كل مـدح ربــــعه وبيـــن فــعله
لانــيب لا الاول ولا بــالثـــانــي

مـــن دون نقص في حقوق القبايل
كـــل(ن) خذا حقــه بــلا نـقصاني

عزاز القــــبايل مـا نغط أسهومها
فـعولهم تعــــرف بلا جـــحداني

من قـدم المعـروف يجـزي بمثلـه
لا بـار بالمعــروف كلـــه دانــي

ومن قــدم الهـزلا بعــد يلقـاهـا
تـــجيبــه الأقـدار والــزمـــاني

يا ويل قاضي الأرض من قاض السما
الظــالم اللى ميــــل الميــــزانـي

مثـل(ن) سمعتـــه مدري منهولــه
والظاهـر انـه قيـــل لابـــن ثانـي*

راح الجـــــهل والظــلم وقته ولا
والـيوم كل المســـلمين اخوانـي

في ظل حكوم(ن) بالشـــريعه قايم
دســـــتورها الـتوحـيد والقـــراني

حـــكامها ال سعود بالعدل والوفاء
مـــاكر حــرار مــعرب الــمجاني

قلتـــه وتـم القـــاف يا سامعينــه
واستفــرالله كـــانــه زل لســاني

واختـامـها صلـوا على سـيد البشـر
محمد رسول الله نســل عدنـانــي*

 

 

 

 

[معلومات العضو ساقان الدواسر]

أخي الصاروم نقل رائع بروعتكم
وبيض الله وجهك
مزيد من المشاركات الرائعه
تقبل احترامي وتقديري

 

 

 

 

[معلومات العضو الصاررم]

المشاركة الأصلية كتبت بواسطة ساقان الدواسر

أخي الصاروم نقل رائع بروعتكم
وبيض الله وجهك
مزيد من المشاركات الرائعه
تقبل احترامي وتقديري

وجهك ابيض ولاهنت على المرور