قصة وقصيدة للشاعرناجي ابن كليب الدوسري من أهل الأفلاج

[معلومات العضو ولد ودعان]

هذه قصة وقد جرت على ناجي ابن كليب الدوسري من أهل الأفلاج صاحب كرم،وقد كان له نخل وعليه دين،وقد بيّت الغريم النية بأن يأخذ النخل بمقابل الدين لأن الديون تراكمت على كليب بسبب طول الإمهال ،فكلما طالت المهلة زاد الدين،وقد فرح الغريم بهذا الإمهال ليزيد الدين ويحصل على النخل مقابله.
وعند تحديد الموعد ببيع النخيل لجأ ابن كليب لجماعته من أهل البر ،فقاموا وجمعوا له من المواشي أكثر من وفاء دينه فسدده،فقال ناجي هذه القصيدة ويبين فيها شرعه في النخل وحقوق جماعته فيه:

لا شفت راعي الدين فزيت مرتـاع =حيث إن راعي الدين ماهوب ممنوع
يالله يامـن هـو لداعيـه سمـاع=واللي دعا غيره فلا هوب مسمـوع
افرج لمن وجهه غـدا فيـه لمـاع=من كثر دكات الهواجيس مرمـوع
يا غرس ياللي في الفضا كنه اقطاع =مثل الجهام اللي على العد مقـروع
خمسٍ قوانينه علينـا لهـا اتبـاع =شرعٍ لنـا ماهـو تـوّه بمبـدوع
لا من دخله الجار ما هوب يرتـاع=وبناه ماهو دون الادنيـن مرفـوع
ماخز بالجدران عـن كـل طمـاع =لو كان في برٍ فلا هوب مطمـوع
سوره مواصيلٍ بيد كل صعصـاع=ومسلباتٍ زادهـا الـدرج مميـوع
سورة بني عمي مسويـن الأقنـاع=أهل سربةٍ صعب القبايل لها طوع
والثانية لاجوا هل الهجـن خـراع= يشكون اهلها لاهب القيظ والجـوع
ندي لها الترحيب ما مسـت القـاع=ما نيب من كنه عن الضيف مقموع
والثالثة ندنـي قنـا كـل مسـراع=ومانيب صعبٍ مير قدني لها طوع
والرابعة زادٍ بهـا السمـن منـداع=ومرٍ معه كبشٍ من الضان مدفـوع
والخامسة خصّة رفيقٍ لنـا جـاع=يلقى بنا في غبـر الأيـام منفـوع
يالي تسوم الغرس ما نيـب بيـاع=يا ما أهبلك ياللي تسومه بمقطـوع
اطريت بيعـه باغـيٍ بـه تمنّـاع=من واحدٍ دينه مـن العـام مدفـوع
نشري الثني من مال بياع=الصاعكم ليلةٍ نشبع وهو طـاويٍ جـوع
وان بعت غرسي فلا نيـب بتّـاع=ياويش اسوي اليا رحـت مقلـوع
ما نيب لا عامـل ولا نيـب زرّاع=ولا نيب سرَّاحٍ له الشرط مدفـوع

 

 

 

 

[معلومات العضو صالح الجعيدي]

الأخ الغالي/ ولد ودعان ،،

بيض الله وجهك ولا هنت على إيراد القصة و قصيدتها.

صح لسانك و لسانه، ننتظر جديدك وإبداعك يالسنافي.

تقبل مروري،، مع خالص التحية والتقدير والاحترام،،

 

 

 

 

[معلومات العضو فيصل بن جزاء]

بيض الله وجهك ياولد ودعان على القصه والقصيده المشهوره

 

 

 

 

[معلومات العضو ثامر الدوسري]

لا هنت يا ابن ودعان على سرد القصه والقصيده المشهووووره ....

وبيض الله وجهك على مجهود سموك الفعال ...

تحياتي لك اخوك: ثامر الدوسري

 

 

 

 

[معلومات العضو ابو زابن المسعري]

قصيده مشهوره

رحم الله ابن اكليب

ولاهنت يابن ودعان

لك جزيل الشكر

اخووووك

ابو زابن

 

 

 

 

[معلومات العضو السفاح {المسعري}]

لا شفت راعي الدين فزيـت مرتـاع
حيث إن راعي الدين ماهوب ممنوع
>>>>>

عزتيله هههههههههه ..... قصيدة محزنه ......

وتسلم يمنى الناقل ,,,,

 

 

 

 

[معلومات العضو أبونواف الدوسري]

بيض الله وجهك ياولد ودعان على القصه والقصيده المشهوره

تقبل تقديري واحترامي

أخوك ابو نواف الدوسري

 

 

 

 

[معلومات العضو الزين]

نشـــــــــــــــــــــــــــــــــكر ولد ودعان علي القصه والقصيده

الصراحــــــــــــــــــــــــــــــــــــــــــــ ــــــــــه مؤثره ومعبــــــــــــــــــــــــــــــــــــــــــــــ ـــــــــــــره


اختك الزيــــــــــــــــــــــــــــــــــــــــــــــ ــن

 

 

 

 

[معلومات العضو خريص بن مناع]

الله على هذه القصيدة المعبرة

من الشاعر الكبير : ناجي بن كليب

وصح الله لسانه ولا هان ناقلها.

وعلى كل مسلم لحقت به الديــون أن يقتدي حديث رسول الله صلى الله عليه

وسلم في قضاء الدين:

" اللهم اكفني بحلالك عن حرامك، وأغنني بفضلك عمن سواك "

" اللهم إني أعوذ بك من الهم والحزن، والعجز والكسل، والبخل والجبن وضلع الدين وغلبة الرجال "