ابيات عيدان بن راجس برواية محب الجميع

[معلومات العضو ابو زيد الغييثي]

السلاام عليكم ورحمه الله وبركاته

هذه ابيات للشاعر الكبير : عيدان بن راجس الهوامله

والذي شارك بهذه الابيات هو شاعر الغييثات الكبير

محب الجميع " دغش البطي " وهي احدى مشاركاته

في منتدى النداوي واترككم مع الابيات :

عفى الله عن عين تعرض لها ساموح=من أسباب شخص جاء من أقصاه غازيني
جذبني مثل مايجذبون الوحش باللوح=ألين أستحلو مهجتي وأسهرو عيني
ألاحي حمام الورق لامن سجع بالنوح=وأنا أقول ياعدأل ميل الموازيني
يخليه يشرب من غرام الهوى قرطوح=يذوق العنى اللي ذقت حتى يلاحيني
يلاوأن رفيقي جاهل قلتنا مسموح=فيلاكن رفيقي مخطي والخطى شيني
نصيته حزين وارد مظمي ملحوح=وهو يوم ساعات الرفاني يمنيني
ورواني الماء قلتت(ن) دونها لحلوح=صعيب مجيه مير وده يعنيني
وأنا أقدره وأدراه عندي سواة الروح=وأنا أحسبتناأنه مثل ماغليه يغليني
أثاريه مما فيه نفسه علي تفوح=وأنا أقول مافيني من الغيظ كافيني
وأنا طالبك تعطيني الحق يالمملوح=وحكم العدال ومقطع الحق يرضيني
ترى الحق خشم طيب ينصف المجروح=ويعطيك ماتبغاه مني ويعطيني
أنامنك مجروح الظماير بلامصلوح=ولالي كفيل ياهوى البال بيديني
ولولا مقال ويش قومه يجي ويروح=لآجي كل يوم وأطلبك لين توفيني

أخوكم / ابو زيد

 

 

 

 

[معلومات العضو محمد الولامين]

صح لسان شاعر البل / عيدان بن راجس الهوامله

والله يرحم الشاعر / دغش البطي
ويسكنه الجنه


ولاهنت يا بوزيد على طرح القصيده


وبيض الله وجهك


في انتظار جديدك

 

 

 

 

[معلومات العضو ابو فهد الغييثي]

صح لسان شاعر/ عيدان بن راجس الهوامله

والله يرحم الشاعر/ دغش البطي ويسكنه الجنه

والله لايهينك يابو زيد على طرح القصيده الاكثر من رائعه

تحياااااااااااااتي

 

 

 

 

[معلومات العضو ابو زابن المسعري]

بيض الله وجهك يابو زيد وصح الله السانك والسان اللشاعر
الكبير عيدان بن راجس الهوامله
ورحم الله دغش بن بطي الغييثات واسكنه فسيح جناته

 

 

 

 

[معلومات العضو ولد ودعان]

رحم الله الشاااعر دغش بن بطي رحمة واسعه والله لايهينك يابو زيد على الموضوع

تحياتي

ولد ودعان

 

 

 

 

[معلومات العضو ابو زيد الغييثي]

محمد الولامين / بو فهد / بو زابن / ولد ودعان

لاهنتوا على هذا المرور الطيب

والله يرحم ابو محمد رحمه واسعه

ولا خلا ولا عدم