ولا طاب فينـا الوقـت حنّـا نطيبـي ........

[معلومات العضو صالح الجعيدي]

السلام عليكم ورحمة الله وبركاته ،، القصيدة للشاعر/ مبارك فايز البخيت المحمدي السبيعي

يالله يالـلـي طالـبـك مايخيـبـي=ياساتـر العـورات تستـر عـرانـا
ياربنـا ياللـي للدعـاء تستجيـبـي=ياقابـل الدعـوات تقـبـل دعـانـا
ويالله دخيلـك مـن رداة النصيـبـي=ومن هرجة(ن) يرمى بها فـي قفانـا
يافكرتي من شي(ن) أشوفه غريبـي=نـار عـلـى جهالـنـا وتعصـانـا
وصارت أقرب العربان خصم(ن) طليبي=يالله تصـون أعراضـنـا وتحمـانـا
وصار الحصيني تالـي الوقـت ذيبـي=والحر الأشقر صـار مثـل السمانـا
والسيل جنّب عن مجـاري الشعيبـي=ترعد وتبـرق والمطـر مـن ورانـا
والمال غطـى للـردي كـل عيبـي=لو قـال أنـا ببـوق بيـت أقصرانـا
شي(ن) يشيّب قبـل وقـت المشيبـي=وقت(ن) حدى اللـي قبلنـا ويحدانـا
وأشوف وأسمـع وأكتمـه مادريبـي=لو كـان تخطـي ربعنـا وأصدقانـا
ولاطاب فينـا الوقـت حنّـا نطيبـي=وليـا تـردى الوقـت بيّـن ردانــا
كل(ن) على متنـه عتيـد(ن) رقيبـي=وليـا عطيـنـا مانبـيّـن عطـانـا
وصلاة ربي عـدّ شمـس(ن) تغيبـي=علـى نبـي(ن) للهدايــه هـدانـا

وسلامتكم ،، عـسـى أن تــنال رضاكم ،، مـع خالص التحية والاحترام ،،

 

 

 

 

[معلومات العضو ابومبارك الدوسري]

المشرف القدير // صالح الجعيدي

قصيده رائعه من هذا الشاعر

تسلم يمينك على نقلها


وصح السان مليوون


لاهنت يالغالي



أخوك

خلف الدوسري

 

 

 

 

[معلومات العضو العماني]

ابن العم العزيز صالح الجعيدي

صح الله لسانك ولسان الشاعر السبيعي على الأبيات الطيبه والجميلة ، وشهادتنا مجروحه فيك دايما اختيارتك طيبه مثلك

تقبل تحياتي،،

 

 

 

 

[معلومات العضو صالح الجعيدي]

المشاركة الأصلية كتبت بواسطة خلف الدوسري

المشرف القدير // صالح الجعيدي

قصيده رائعه من هذا الشاعر

تسلم يمينك على نقلها


وصح السان مليوون


لاهنت يالغالي



أخوك

خلف الدوسري

من قال سالم ،، و لا تهون يالسنافي. مرورك يشرفني و يسعدني.
صح ابدانك ،، مع خالص التحية و الاحترام و التقدير ،،،

 

 

 

 

[معلومات العضو صالح الجعيدي]

المشاركة الأصلية كتبت بواسطة هايف العماني

ابن العم العزيز صالح الجعيدي

صح الله لسانك ولسان الشاعر السبيعي على الأبيات الطيبه والجميلة ، وشهادتنا مجروحه فيك دايما اختيارتك طيبه مثلك

تقبل تحياتي،،

أبو مبارك مرحبا و مسهلا ،، مرورك يشرفني يالسنافي.
صح أبدانك ،، وشهادتك أعتز فيها ،، وانت أطيب يالغالي.
مع خالص التحية و الاحترام و المودة والتقدير ،،،

 

 

 

 

[معلومات العضو يحيى الودعاني]

تسلم يمناك يالقرم

وبيض الله وجهك على النقل الطيب

وصح السان الشاعر

 

 

 

 

[معلومات العضو خاطر محمد الخاطر]

السلام عليكم ورحمة الله وبركاته ,,,

الجعيدي بيض الله وجهك وصح الله السان قايلها

 

 

 

 

[معلومات العضو صالح الجعيدي]

الأخوان الغاليين/ يحيى الودعاني ،، خاطر محمد الخاطر ،،

لا هنتم على مروركم الطيب ،، تسلمون وصح ابدانكم ،،
مع خالص التحية و التقدير و الاحترام ،،