يالله اني دخيلك مـــــن حياة الزهـــــــايد__لابن قحيفان

[معلومات العضو بـــدر الخضراني]

السلام عليكم ورحمه الله وبركاته

ومساكم الله بالخير


قصيدتين للشاعر/ محمد مسفر بن قحيفان الخضراني


اهديها لجميع رواد المنتدى

ونتي ونة اللي ذاق مـــــر النكــــــايد=بينن لـــــــه جفا اهـــــل البيت وامه فقدها
كـــــل ماجا يبي شي وراهم تعــــايد=وانكسرخــــــاطره مــــــــن عمته مانشدها
يالله اني دخيلك مـــــن حياة الزهــايد=لي رفيقن سواة الـــــروح روحــــي ضهدها
شب نارن لــــها باقصى ضميري وقايد=اشرب الـــــما وعـــــــــيا بارده مــــابردها
ذي جروحه على نجفي دروس وجدايد=مــــــاينقض علي دراســـــــها الا جددها
احسب انه الا وعــــد وفى بالوعــــايد=واثره في البيض من تاعد وتخلف وعدها
مــــــل قلبن الامــــني ناهــــيته تزايد=غــــــادين مثل نوع الــــــخاتم اللي بيدها
جعل يسقي وطنها مرزمات الرعــــايد=لا ضفت مـــــزنة الاخــــــــرىتنشت بعدها
خايفن من الفياض وحايرن في النفايد=سيل غــــر المزون اللي رزين رعــــدهـــا

*****

انا من تويلي عصر الاثنين لاذلحـــــــــين=وقلبي لواهيب الولع فيه مكتمـــــــله
تولع مع اللي واجهوني وهم عجلــــــين=وقفَّوا بعضهم يندهه ويتكـــــــــــلم له
تقافو وهم مستانسين ومنبسطــــــــين=وانا اقنب قنيب مصدرآ جاير حمـــــــله
عقب ماقعد متعطل ماروى يومــــــــــين=صدر من جبا عدآ مضاميه في الرمــله
ترى الحب مثل الكيف لحظة خواه تبــين=ومثل اشقر التنباك راعيه يوخــــــم له
ولكن طراد الــهوى مـــــاب فــالــــه زين=لزومآ يذوق اللي من الحزن يقسـم له
شجاع الرجال تجي سلاحه دموع العـين=خصوصآ لامن كثر ياسه وقل امــــــله
وانا عقب ماذقت العزاري وشفت الشين=تركت الهوى واعرضت من الناس بالجمله
وتمـيتنا لي مايقــارب ثـلاث سنــــــــــين=وانا مثــل صراف بسوق بــلا عـمــــــلة
الين اعترض لي خيرة الصفة الناشــــين=صغيرآ ودبني لــين قمــت اتخــــدم له
هنوفآ قليلة شكل في الجيل ذا التالــين=دليلة كلام لا خــــجولٍ ولا زمــــــــــلة

 

 

 

 

[معلومات العضو عبدالرحمن الشرافي]

اخوي وابن عمي / بدر الخضراني



اررررررررررررررحب



ومدتك سمينه



و الله لا يهينك ويبيض وجهك يالقرم

على هاذين القصيدتين الجزلتين


فبيض الله وجهك وصح الله لسانك

و لسان الشاعر/ محمد مسفر بن قحيفان الخضراني



واسمحلي بتنسيق القصايد يالقرم


وننتظر جديدك الجزل


تحياتي

 

 

 

 

[معلومات العضو فالح الشكره]

ارحب ياولد العم

ماقصرت على نقل القصيدتين الله يبيض وجهك ووجه الشاعر وصح لسانه ولسانك.

مع اعطر التحيات

 

 

 

 

[معلومات العضو ابن وتيد السباعي]

ارررررررررررررررررحب يا بدر الخضراني تراحيب المطر

جزل ومدتك دايم الدوم جزله لا عدمتك


بيض الله وجهك وصح الله لسانك

و لسان الشاعر/ محمد مسفر بن قحيفان الخضراني

ولكن ودي لو تكتب باقي القصيده الثانيه لو سمحت

وشكراً

 

 

 

 

[معلومات العضو نايف الخييلي]

بـــدر الخضــراني


بــارك الله فيــك . وصــح لســانك ولســان الشاعــر محمد بن مســفر الخضــراني

 

 

 

 

[معلومات العضو محمد الغريري]

بدر الخضراني


صح الله لسانك ولسان الشاعر ابن قحيفان

ولا تحرمنا جدايدكم الرااائعة ..


تقبل خالص الود والتقدير ..


اخوك في الله

محمد الغريري

 

 

 

 

[معلومات العضو فهدالمحيسن]

مشاركة جميلة تشكر عليها