احساس وانسان

[معلومات العضو ظافر الأمير]

يشدّني شعر الدحيمي وضيدان=وآحب بن وسام وأعشق قصيده
وأردد أبيات الفريد ابن جدلان=ويطربني القرقاح شاعر عبيده
وايضاً خلف شعره رجح كل ميزان=شاعر وطن زاد التواضع رصيده
ولا يفوت اذكر سفر بن حميران=امروض قافه على ما يريده
واشوش لابيات الطنيني كحيلان=أبو رعد راعي الخصال الحميده
ومحمد ابن الذيب في كل ميدان=يالله يافكاك النشب فك قيده
ومحمد ابن فطيس لا من ظهر بان=حاز المراجل والنواميس بيده
وابن بديع وابن شيبه لهم شان=وعلّوش كم جانا بدرّه فريده
اعدهم من غير نقصٍ وحقران=في باقي الشعار كلٍ وفيده
وِالا الوكاد إن كلنا أحباب واخوان=كم شاعرٍ جانا بفكره جديده
أنا أشهد إن الشاعر (اِلـ) ربعه (اِلـ) لسان=وسيفٍ على الَخوان يقطع وريده
والشعر يبقى للعرب خير ديوان=هذا كلام أهل العقول الرشيده
الشعر ما هو بس وزنٍ وقيفان=الشعر تاريخ اِوْ علومٍ مجيده
الشعر حكمة موعظة وصف تبيان=رسالةٍ للعالم المستفيده
بالشعر كانت تؤخذ اِعلوم لَلَوطان=بالشعر تدنو الفايتات البعيده
بالشعر يا كم صِك للشر بيبان=وبالشعر فك مقيَّدٍ من حديده
بالشعر يمدح كل ونعم وبطران=ويهجابه اِضعاف النفوس البليده
بالشعر يسلى كل مغرم وشفقان=إما يداوي الجرح وِلَّا يزيده
دام القصيد احساس والشاعر انسان=حيالله الشاعر وحيا قصيده

تحياتي للجميع

محبكم ابو بدر


الاثنين 13 محرم 1434

 

 

 

 

[معلومات العضو راشد المسعري]

ارحب ياالامير

صح لسانك وسلم فكرك ، ولا شك ان الشاعر لسان قومه ومجتمعه

ونعم والله بالشعراء اللذين ذكرتهم في القصيدة فمنهم العمالقة والمبدعون ويستاهلون كل خير

تقبل ودي وتقديري ،،،

 

 

 

 

[معلومات العضو نآصر البدراني]

أررحب يا الأمير وحياك الله وحيا الله قصيدك


صح لسانك واعتلى قدرك وشانك


الشعراء اللي ذكرتهم يستاهلون دون قصور في الباقي


لا هنت يا ابو بدر ووجودك بيننا إضافه لنا طال عمرك ..

 

 

 

 

[معلومات العضو ظافر الأمير]

المشاركة الأصلية كتبت بواسطة راشد المسعري

ارحب ياالامير

صح لسانك وسلم فكرك ، ولا شك ان الشاعر لسان قومه ومجتمعه

ونعم والله بالشعراء اللذين ذكرتهم في القصيدة فمنهم العمالقة والمبدعون ويستاهلون كل خير

تقبل ودي وتقديري ،،،

المشاركة الأصلية كتبت بواسطة نآصر البدراني

أررحب يا الأمير وحياك الله وحيا الله قصيدك


صح لسانك واعتلى قدرك وشانك


الشعراء اللي ذكرتهم يستاهلون دون قصور في الباقي


لا هنت يا ابو بدر ووجودك بيننا إضافه لنا طال عمرك ..

الاستاذ راشد المسعري
الاستاذ ناصر البدرانياسعدني مروركم الكريم والرائع
اسعدكم الله اين ما كنتم