شعر في الدواسر وشيخهم

[معلومات العضو راشدال عمار]

الســــــلام عــــليــــكـــم
يااعـــضـــاء منـــتـــدى قــبــلــيــتــي الــحــبـــيبــه
كنت قاعد اشوف المنتديات وشفت شعر في الدواسر وشيخهم في منتدى الرياض و
حــبــيــت ان يكون موضوع لي كبدايه ساره انشالله
قصيدة عن الدواسر وشيخهم

بديـت بسـم اللـي لـه الكـل لبّـاه=رب(ن) عظيم(ن) خالق الجن من نـار
ومن بعدها باختار من قولـي أصفـاه=وانثر في شعري كل جزل(ن) ومختـار
وما كل من يطلـب مـراد(ن) بيلقـاه=وما كل من ينظم حـروف(ن) بشعّـار
بعض الشعر أردى من الـدون معنـاه=وبعض الشعر يطرب كما يطرب الطار!
وبعض الشعـر مـا لـه وزون تقفّـاه=ماهوب شعر.. إلا شعير(ن) وأمـرار!
ويا ناشدن عنـي خـذ العلـم باتـلاه=خذها جزيلة مـن جميـلات الأشعـار
يطرب بها سمعـك وذوقـك بيرضـاه=يجري بوزن(ن) مثل جـري الأنهـار
أنـا للعـز حـزت أصلـه وأعــلاه=ولد الدواسـر بالفخـر أجهـر إجهـار
حنا الدواسر أصل فخـر(ن) ومزهـاه=حنا ودينا الجـار مـن طيحـة جـدار
من نسل زايد صاحب الحكـم والجـاه=حرّ(ن) أصيل(ن) من ولد نسل الأحرار
أنـا ولـد زايـد عزيـز(ن) مـنـاداه=شيخ(ن) تعزوى به دواسـر الأخيـار
الطيب طبعه والكـرم أصـل منشـاه=من زود طيبـه منـه الطيـب يحتـار
كسّاب صيـت(ن) والفخـر دوم ويّـاه=وفالحق صارم مثل سيـف(ن) وبتّـار
ما خاب من يزبنـه يـوم(ن) وينصـاه=يغيث من هو من عنا الوقـت منهـار
من هو طلبـه الجـود عانـه وهنّـاه=يعطي وما لـه فالعطـا مـنّ تذكـار
صحيـح مـات لكـن المجـد أبـقـاه=ما مات في التاريـخ قـرم(ن) وجبّـار
وعن ديرتي يا ناشـدي خـذ مسمّـاه=إ(وادي الدواسر) نبع الطيـب والمجـد والكـار
سلام يـا (وادي دواسر) الفخـر والمباهـاه=يا جنة(ن) تسلب عقـول(ن) وأبصـار
يا (وادي الدواسر) مالك فـي مفاخـرك أشبـاه=صيتك لنا يا ديرتي حصـن وأسـوار
ذخر(ن) لاهلها سعْد من هـو بيغشـاه=أرض الجمال اللي بها الخيـر مـدرار
يفـز قلبـي كـل مـا مـر طـريـاه=ويحنّ شوقـي لجـل حبـي لهالـدار
الديـن فرجالـه مـن أكبـر مزايـاه=وأهله من أشرف ناس عز(ن) ومقـدار
ومن طاب أصله بان طيبه في منحـاه=ينفع كمـا تنفـع محيطـات وأبحـار
وإلا الـردي يـا كثـر شـرّه وبلـواه=وما يصحبه يا كـود جاهـل وضـرّار
وآخـر كلامـي أدعـي الــرب يالله=صلّي وسلـم ع النبـي سِيْـد الأبـرار

ونرجو ان يكون القصيده عجبتكم
وشــــــــــــــــــــــــــــــــــــــــــكـــــ ـــــــــــــــــــــــــــــــــــــــــــــرا

 

 

 

 

[معلومات العضو سـ كون الليل]

يا (وادي الدواسر) مالك فـي مفاخـرك أشبـاه
صيتك لنا يا ديرتي حصـن وأسـوار


صح لسان الشاعر

وسلمت يمينك ولاهنت على هالنقل المميز

والله يعطيك العافيه



ودٌّ بـــلا حدْ

 

 

 

 

[معلومات العضو ناصر بن فهد]

صح لسان الشااعر

وبيض الله وجهك


ولاهنت يا القرم على انقل المميز


ونتظر الجديد منك



الله لا يحرمنا من مشاركاتك




وتقبل تحياتي

 

 

 

 

[معلومات العضو راشدال عمار]

مشكورين على المشاركه ياناصرالفصام وياسكون الليل
وتـــــــــــــــــــــسلـــــــــــــــــــــــــ ـــمون عليها ولله لا يهنكم

 

 

 

 

[معلومات العضو فهد الغريري]

--------------------------------------------------------------------------------

صح لسان الشااعر

وبيض الله وجهك


ولاهنت يا القرم على انقل المميز


ونتظر الجديد منك



الله لا يحرمنا من مشاركاتك




وتقبل تحياتي

 

 

 

 

[معلومات العضو دغش محمد الصخابرة]

صح لسان الشااعر

وبيض الله وجهك


ولاهنت يا القرم على انقل المميز