مرثية الأمير عبدالرحمن السديري في اخويه الأمير خالد ومحمد الأحمد السديري

[معلومات العضو راشد المسعري]

السلام عليكم ورحمة الله وبركاته:

الأمير عبدالرحمن الأحمد السديري " نبذة عنه" :-

و الأمير عبدالرحمن بن أحمد بن محمد بن أحمد بن محمد بن سليمان بن فوزان بن تركي السديري من البدارين من قبيلة الدواسر .

ولد الأمير عبدالرحمن في بلدة الغاط سنة 1338هـ وتلقى تعليمه على يد الشيخ عبدالمحسن بن عبدالعزيز بن منيع ، ومن بعده الشيخ سلمان بن عبدالله بن اسماعيل. نشأ في غمرة احداث بناء الدولة السعودية على يد موحدها الملك عبدالعزيز آل سعود رحمه الله .

تولى الأمير عبدالرحمن امارة الجوف في الخامس من شهر رمضان سنة 1362هـ وهو في الرابعة والعشرين من عمره ، واستمر في هذا المنصب حتى تقاعده في 1-7-1410هـ حيث خلفه ابنه سلطان في امارة الجوف .

قام الأمير عبدالرحمن السديري بتمثيل حكومة المملكة العربية السعودية في اللجان التي تشكلت لمعالجة مسائل الحدود ومشاكل القبائل السعودية العراقية ، وذلك فيما بين 5-7-1368هـ وحتى 12-11-1375هـ .



وهذه مرثية جميله للأمير عبدالرحمن السديري يرثي بها أخويه الأميرين خالد ومحمد السديري الذين لقيا ربهما في سنة واحده حيث توفي الأمير خالد السديري ثم توفى بعده بشهرين الأمير محمد الأحمد السديري سنة 1399هـ رحمهم الله جميعا واسكنهم فسيح جنانه.


يقول الأمير عبدالرحمن :



قـال تريـح قــت مافـيـه راحــة
جوارحـي عيـت تجـاوب وتـرتـاح

هـذا يفيـض وذاك طنّـب اصيـاحـه
وهذا يلوج و ذاك مـن ساعتـه نـاح

تفاعلـت والـدرب عاضـب سماحـه
افراحـي اعمتهـا كثيـرات الأتــراح

عـزي لمـن مثلـي تفاقـم اسلاحـه
هــذا وذاك مــع ذاك لـيــا راح

(خالد) رحـل واخـوه طـاح بمطاحـه
(أبوزيد) لو يجـدي بكيتـه ولا طـاح

(خالـد) اليـا كثـر العـوى والنباحـه
والضـد وضـاق بالـمـزج مــزاح

(خالد) صعد بالمجـد واثبـت وضاحـه
شادت بـه الأقـلام والكتـب وألـواح

و(ابوزيـد) والله ماتضمـد اجـراحـه
(ابوزيد)ماينـسـاه نـاعـي ومــدّاح

(ابوزيـد) عـد ٍ عارفـيـن قـراحـه
أوّاه فـات الفـوت باعقـاب وشـلاح

عمـدان مـن عمـدان بيـت سناحـه
هقا بهم وادرك بهـم عـوج واصحـاح

الـكـل منـهـم ســدد الله كفـاحـه
قالوا وطالوا وخلصـوا جـد واصـلاح

قامـوا بواجبهـم بـعـزم وصـراحـه
الـكـل مـنـه ماتقـاعـس ولا زاح

عـن واجبـه مـا كـل ماجـاه زاحـه
على الوفاء عاشوا ونـادوا بالاصـلاح

ماحـد نسـب عنهـم ظـلال وفداحـه
في خدمـة الصالـح لهـم دور فـلاح

ماينفـع المحـروم كـثـر الفصـاحـه
ولايـدرك الميـت مصـوت وملـواح

فاجتنـي الدنـيـا بغـلـظ وشفـاحـه
والحـمـدالله عــد مـابــارق لاح

وضاقت علـى الـدار لوهـي براحـه
واهتـزت اعصابـي ومكنونهـا فـاح

يالبيض عـن كثـر البكـى والنياحـه
تعـوذّن بالله تـرى الـنـوح ذبّــاح

الصبـر ضـد الغيـظ يكسـر ارماحـه
بالصبر نـال الحـي والميـت الاربـاح

وحنـا هـو الشيطـان نكبـح جماحـه
نبذل ونصبر وقـت موجـات الاريـاح

وحنا ليـا عـاب الدهـر مـن جناحـه
يبـرز سعدنـا عنـد هـزات الارمـاح

نسلـك دروب الخيـر ليـن وسماحـه
هـذي طبـوع جدودنـا يابـن طلفـاح

عشنـا مـع الصالـح نـدور بفلاحـه
عبدالعزيـز ادرك لنـا المجـد مـاراح

الله رعــاه وسـاعـده واستبـاحـه
وانعـم عليـه وصـار للحـق مفتـاح

من ساس واسس والثمر مـن لقاحـه
بيـت العـرب لازال للحـق مصـبـاح

كـل علـى ساسـه توخـى صلاحـه
والساس مايصمد على رمـل وامـلاح

ومن لا انفض بالغير يصعـب نجاحـه
ومن نام هان وضاع مع ضوح ضحضاح

ومن لا اعتصـم بالله قصيـر سباحـه
ومن فضـل الراحـه تعشـاه ضربـاح

والكود في بعـض الاحـوال استراحـه
ولايستـوي بالفـود مهمـل وسـراح

وبالآخـره كـلـن يعـلـق وشـاحـه
وعسى لنا فـي جنـة الخلـد مسـراح

 

 

 

 

[معلومات العضو بطل]

الله يرحمهم جميعن قصيده جزله ونتقاجزل منك ياراشد ولاهنت

 

 

 

 

[معلومات العضو حمد ابن فهد]

الله يرحمهم وبيض الله وجهك للنقل الرائع يابومحسن

 

 

 

 

[معلومات العضو راشد المسعري]

المشاركة الأصلية كتبت بواسطة بطل

الله يرحمهم جميعن قصيده جزله ونتقاجزل منك ياراشد ولاهنت

آميـــن ، الله يرحمهم جميع

ولاهنت على مرورك العطر يابطل

تقبل ودي وتقديري ،،،

 

 

 

 

[معلومات العضو مبارك بن شافي النتيفات]

رحمهم الله جميعا

سلمت يمينك يابومحسن على النقل المميز والجزل

تحياتي واحترامي

 

 

 

 

[معلومات العضو ابو حسين الدوسري]

رحمهم الله واسكنهم فسيح جنان
لاهنت يبو محسن على هذي المرثيه

 

 

 

 

[معلومات العضو ابن غزه]

يسلم يدك عالكتابه بارك الله فيك
موضوع جميل