القلــــــــــــــــــب مغــــــــــــــــــــلق للصيـــــــــانة

[معلومات العضو عبدالله المصارير]

سـاد الظـلام وذعـذع النـود
وأمسيت أعيـد الاسطوانـه

وأخذت أطقّ العود بالعـود
وأهــزّ غـصـن الخـيـزرانـه

وقطفت لي من كل ّ عنقود
مـا يتعـب الشاعـر عشانـه


يا هاجسي ماعنك منشود
من راهنـك تكسـب رهانـه


مدّ الوفاء والطيـب والجـود
على النقاء والشعـر أمانـه

لا تحسب إني غير موجـود
جيتك معـي ختـم الضمانـه

بعض المحبّه مـا بهـا فـود
لا صــار مــا لـلـودّ خـانــه

دايــم يـقـود قلوبـنـا قـــود
والوقت يا صعـب إمتحانـه

يا بنت حبل الحـبّ مشـدود
كــل ٍ يتـلّـه فـــي مـكـانـه

قامت تمون عيونك السـود
ولا بيـنـي وبـيـنـك مـيـانـه

لا قلت أحبك عندي شهـود
هـمّـي و دمّــي وإغليـانـه

كنتي لحالك باشـة الخـود
وأشوفـك مـع الغيـد دانــه

طيفك يجي ويروح ويعـود
أتابـعـه وأمـشـي وزانـــه

ودار الزمان ونقّـص الـزود
وضيّـق وسيعـيـن البطـانـه

كـل الخطايـا هيّـنـه كــود
بـيـع المشـاعـر والخيـانـه

تفضّلـي مـن غيـر مـطـرود
(الـقـلـب مـغـلـق للـصـيـانـه)

اللـي لسانـه كـان معـقـود
الـيــوم صـــح الله لـسـانـه

كلمات الشاعر سداح

 

 

 

 

[معلومات العضو ـآلجآدل]

صح الله لسـآآن الشــآعر..

وجعل تسلم يمنـآآك ع آلآختيآر الطيب

يعطيك العآفيه

 

 

 

 

[معلومات العضو نسناس الهوى]

صح لسسآن سسدآح مبدع هالشآعر.

لاهنت يااخوي على ذوقك الحلو.

مودتي

 

 

 

 

[معلومات العضو مبارك بن شافي النتيفات]

صح لسانك ولسان الشاعر

ولاهنت على النقل

تحياتي وتقديري

 

 

 

 

[معلومات العضو محمد مطلق آل بريك]

صح لسانك ولسان الشاعر ولاهنت على النقل

 

 

 

 

[معلومات العضو في صمتي لك كلام]

^_^ صح لسان الشاعر و صح يمينك ياعبد الله
ولاهنت و شكرااااااااا على القصيده
وتحيااااتي لك

 

 

 

 

[معلومات العضو خالد المشاويه]

صح الله السان قايلها ولاهنت وسلمت يمناك ياعبدالله على الاختيار الرائع


جزيل الشكر والتقدير

 

 

 

 

[معلومات العضو عبدالله المصارير]

((الجادل - نسناس الهوى - ابو شافي - محمد ال بريك - في صمتي لك كلام - خالد المشاوية ))
مروركم عطر زوايا الصفحة والله يبيض وجيهكم وجودكم في متصفحنا سر وجودنا في المنتدى

وآآآآآسف على التأخير في الرد ..............

محبكم / عبدالله المصارير