قصيدة حربية في الدواسر

[معلومات العضو فهد الدواسر]

بسم الله الرحمن الرحيم

السلام عليكم ورحمة الله وبركاته - وبعد
هذه القصيدة للشاعر المرحوم (بإذن الله)
محمد بن صالح بن شملان الحقباني - وهو من (آل الصليبي)
وكان منصاً لمن يعرفونه من الدواسر في دولة الكويت قديماً
أرجو أن تنال إعجابكم
ولكم مني كل التحية والتقدير ،،،

يالله المطلوب يا الواحد العدل الرقيـب=خيّـرٍ تعـلـم خفياتـهـا وجهـارهـا
يالله اني طالبك يـا سميـعٍ تستجيـب=ان تعز اللـي حكمهـا وعمّـر دارهـا
ابو فيصل مثل حـرّ مخاليبـه تصيـب=لا ضرب جول الحباري يقـل اطيارهـا
قلت ذا والاّ فأنا لابتي سقـم الحريـب=في نهار الهوش ربعي تشيع أخبارهـا
لابتي من نسل تغلب مدلّهـة الغريـب=العدو تسقيـه كاسـات سـوّ أمرارهـا
وآل زايد درعنا لا عوى ذيـبٍ لذيـب=لاطميـن الشّـره ومكرمـة خطّارهـا
كم صبي طاح من ضربنا خلي عطيـب=هملوه أهل الرمك وسط عـج غبارهـا
اضربوه بحربة الموت منها ما يطيـب=طقه اللي ضربتـه عـارفٍ مطيارهـا
وبنت يا اللي عينها كنها عين الربيـب=احذري من واحدٍ ما يسـوق أنذارهـا
الردي ما سرّ روحه ولا سـرّ القريـب=مثل خاطي بومـةٍ دايـمٍ فـي غارهـا
والردي وان كثر ماله كما السيل الجذيب=سيل برقه مـا تعـدى علـوّ بحارهـا
اطمحي للّي نهار الملاقـى مـا يهيـب=فارسٍ من ضربه الخيـل زاد اذعارهـا

وسلامتكم ،،،

 

 

 

 

[معلومات العضو العماني]

بيض الله وجهك اخوي فهد الدواسر على ايراد هذه القصيدة الجميله

ونسأل الله أن يرحم الشاعر محمد بن صالح بن شملان الحقباني ويسكنه فسيح جناته

تقبل تحياتي،،

 

 

 

 

[معلومات العضو ابوبدر المصارير]

فهد الدواسر

لا هنت لاهنت لاهنت

والله يعطيك العافيه وبيض الله وجهك

والله يرحم الشاعر / محمد بن صالح بن شملان الحقباني

ويرحم اموات المسلمين

قصيده وافيه وجزله ولحنه روعه


قلت ذا والاّ فأنا لابتي سقـم الحريـب
,,,,,,,,,,,,,,,,,,, في نهار الهوش ربعي تشيـع أخبارهـا

تحياااااااااااااااتي

 

 

 

 

[معلومات العضو محمد الولامين]

الله يرحمه ويسكنه فسيح جناته

ولا هنت يافهد على طرح القصيده وبيض الله وجهك